其實尾班車應該整定時點

同一班尾車
到站時間可能會因路面情況 , 司機態度等因素而影響到站時間
曾經試過星期一尾車 0025 到站 星期二 0019 星期三就 0024
叫乘客難以預測
話明係尾車
即係送車尾之後要等其他線
與其令乘客有咁多 uncertainties
點解巴士公司唔試下係尾班車整返個定時點 ?!
唔係要求個個站都有
不過可以每幾個站就有一個
至少大部份乘客都可以有一個預算
唔使夜媽媽食四個字風先知尾班車已走 ..

其實要搭尾班車既話
我覺得係應該早d等車

我琴日都有關於等尾班車的很大疑惑。

我搭尾二班西鐵綫往屯門，00分開出，36分到達屯門站，去左輕鐵站睇...507往屯門碼頭，冇505往三聖，即係都唔會太快黎到啦..咁我就等506

506尾班車　0030
我諗0040都未到屯門站吧！就等車..
點知等到0050都未有車，都知冇ga la...只好行番屋企啦..

我就係覺得港鐵寫00:00-00:30不能趕及屯門開出之西鐵綫尾班車，我就估計506都要10分鐘才到屯門站吧！(因為西鐵綫尾車0015開出嘛..)
點知...尾班車就...唔知係冇開，定係真係10分鐘內就到左屯門站.....

真係好難等...
我都想早d等車...但被西鐵綫的班次fix住....

其實最大問題在於何謂標準時間?
(又或者如何訂立標準時間?)

以巴士公司為準?
以司機手錶為準?
以乘客手錶為準?
以天文台時間為準?

根本好難有共識何謂標準時間
巴士公司無從訂立一個"時間"去開車

原帖由 JX9097 於 2011-2-19 20:01 發表
其實最大問題在於何謂標準時間?
(又或者如何訂立標準時間?)

以巴士公司為準?
以司機手錶為準?
以乘客手錶為準?
以天文台時間為準?

根本好難有共識何謂標準時間
巴士公司無從訂立一個"時間"去開車 ...

此論點不成立，即使「時間」可以各自表述，全港的路線都至少有頭尾班車從總站開出的一個「時間」。

原帖由 kokchun 於 2011-2-19 16:13 發表
同一班尾車
到站時間可能會因路面情況 , 司機態度等因素而影響到站時間
曾經試過星期一尾車 0025 到站 星期二 0019 星期三就 0024
叫乘客難以預測
話明係尾車
即係送車尾之後要等其他線
與其令乘客有咁多 uncertainties
點解巴士公司唔試下係尾班車整返個定時點 ?!
唔係要求個個站都有
不過可以每幾個站就有一個
至少大部份乘客都可以有一個預算
唔使夜媽媽食四個字風先知尾班車已走 ..

好似petcity兄話齋, 問題多多

第一, petcity兄都講過, 路面情況複雜, 難以預料
好似閣下咁, 星期一 0025 到站 星期二 0019 星期三就 0024
咁要定邊個時間做定時點? 0025? 0019? 定 0024?
用咩準則去揀呢個定時點? 唔通就憑呢三日既data 揀最遲既0025?
好喇, 當真係定0025, 架車早到當然無問題, 至多等到0025開車
但如果架車真係路面問題, 或者其他因素, 過左0025 都未到
乘客見唔到車, assume 左尾車開走, 到頭黎原來未到
甚至乎一過馬路架車就黎, 追返轉頭又追唔切, 咁又點計?

第二, 閣下認為 "唔係要求個個站都有 不過可以每幾個站就有一個"
呢個又係出硬事...
當一架巴士停 A, B, C, D, E 五個中途站
你點定邊d 站係有需要set 定時點?
又當你set 係 A, C, E
B, D 既客又會問點解佢地個站無...
個個站都set 就當然無呢個問題
只不過, 上面舉個例都係得5個中途站
有d 線講緊50幾個, 個個站早到都停一段時間先開車
我搭中呢班尾班車都肯定唔耐煩...

miss 左尾班車, 或者一個鐘一班既車 (特別係N車), 我知係好慘, 因為我都試過...
只不過, 我覺得呢個方法真係唔太practical...

大部份公司都以八仔個鐘為準，所以平常開車時間都唔會時快時慢

另外有0的隧道線0既尾車係隧道口係有定時點，不過係內部自己知，稽查亦會不時監察

根本唔可行，封隧道管、差佬查車、屯公塞車唔講，
淨係車長態度分別，足夠令一樣用3AD的258D到山景既時間可以差10分鐘，
確實係有客響屯門區內等車返屯門，但有無必要為依一兩個客，要其他客等？
等得尾班車，根本就應該預左響尾班車開出個時間去到個站度等。
開0030，0040先去到個站，如果重要等多15分鐘先發現無車，就係個客本身有問題，
自己唔識照顧自己，與人無尤。