南港島線一問

當年計畫南港島線時為什麼不將東西兩段合二為一？
好像東鐵和將軍澳線，列車到黃竹坑時，一班去海怡，另一班經香港仔去堅尼地城
這樣方便市民，不用在黃竹坑轉多一程車

原帖由 12cheungtk1 於 20-2-2011 04:19 PM 發表
當年計畫南港島線時為什麼不將東西兩段合二為一？
好像東鐵和將軍澳線，列車到黃竹坑時，一班去海怡，另一班經香港仔去堅尼地城
這樣方便市民，不用在黃竹坑轉多一程車 ...

兩邊長度差太遠, 班次配合可能會比東鐵、將線困難。

其實以今日既環境, 西段(數碼港至西環)似乎效益有限,
將西段併入東段, 梅花間竹去海怡/數碼港相信會更好,
畢竟如果香港仔唔駛轉車出到金鐘會係一個好大既優勢。

至於薄扶林, 因距離長、人口不集中, 加上薄扶林道尚算暢通,
留一條生路比其他路面交通工具將更為實際, 可免兩敗俱傷。

原帖由 LAK2 於 2011-2-20 16:35 發表

至於薄扶林, 因距離長、人口不集中, 加上薄扶林道尚算暢通,
留一條生路比其他路面交通工具將更為實際, 可免兩敗俱傷。

人口唔集中唔係問題，最大問題係成個薄扶林0既人口
係少到根本就撐唔起一條鐵路。

而且住係0個度0既人好多都自己有車，就算地鐵真0係
開到佢地屋企門口，都改變唔到佢地0既交通模式。

再者，薄扶林最可愛0既地方，就係地面公交有大把支
持者，但係鐵路就一定拍哂烏蠅（瑪麗已經0係一個好
例子，一間醫院已經可以養起新城0個咋薄扶林線；但
係 MTR 就覺得0個頭0既客量真係好極有限，最後都係
決定 cut 0左瑪麗醫院站）。

我都認為香港仔至數碼港應該併入黃竹坑一段，梅花間竹就夠，
反正而家海洋公園後已經係金鐘，數碼港鑿出西環根本就係浪費金錢。

港鐵諗緊乜真係冇人知，以前都提過，沙中線條「越位隧道」去到白加道14號地底......我真係唔知佢想點。
http://www.mtr-shatincentrallink.hk/pdf/public-consultation/consultation-meeting/district-council/wan-chai/18012011_ppt_c.pdf
p.5

[ 本帖最後由 DIH 於 2011-2-20 18:13 編輯 ]

原帖由 CTBVolvo637 於 2011-2-20 17:41 發表

南港島線個陣有瑪麗醫院站?!!

想查問下當年計劃既位置大約係邊度呢??

另外 , 個時港鐵好似仲有plan呢條線有埋田灣站 (位置好似係在而家  田灣馬會個度)

唔知有冇板友可以證實一下呢??

的確真有其事，但記唔記得當年擬議0既瑪麗
醫院站0既大慨位置係邊。

維基入面0既相關條目

已否決興建的車站

瑪麗醫院站：此站曾於2002年方案中被列入可以考慮興建的車站，但因該處一帶人口稀少，需求主要只是來自瑪麗醫院，不足以支持興建鐵路車站，所以在後來的方案中已不再提及。

田灣站：此站的提議於《鐵路發展策略》便已出現，作為當時南港島綫縱線及橫線之間的轉車站，連接南區及金鐘，但其後南港島綫的計劃有變，改為在香港仔隧道一帶連接港島南北，加上田灣的人口較少，因此再沒有於該處設站的需要。

原帖由 CTBVolvo637 於 2011-2-20 17:41 發表


其實 , 而家西段攪到咩聲氣都冇.......... 個致命原因係乜呢??

個人認為西段可以先起到去華富為止 , 港大同埋數碼港可以遲D先起

香港仔 , 華富既居民同樣需要一條快捷既港鐵往市區上班

而冇需受路面塞車之苦  , 難道政府覺得香港仔 , 華富既居民不認為係需要西段的嗎

真係 可怒也 ...

或許，當華富村清拆，原址不重建公屋，而給港鐵發展其「正業產品」，就是興建西段之時了

原帖由 DIH 於 2011-2-20 17:52 發表

我都認為香港仔至數碼港應該併入黃竹坑一段，梅花間竹就夠，
反正而家海洋公園後已經係金鐘，數碼港鑿出西環根本就係浪費金錢。

講真，數碼港去西環，而家就咁靠 58 做哂已經好夠；地鐵
將南港島線伸到咁遠0既話盞佢蝕到嘔泡（就算前後有華富
同香港仔包底都係咁話）。

個人記憶所及 接近拍板階段0既南港島線係打算
鴨利洲─金鐘、黃竹坑─堅尼地城同時進行
但又想四幹伸入香港仔/華富 結果就揀先起鴨利洲─金鐘(東段)先
不過當時(西段)定線已經無0左瑪麗 過0左數碼港之後就沿海岸線過去堅尼地城