睇返蘋果張相,1560的確唔係爛左車身野咁簡單,除左車頭部份爛晒外,
閘後第1,2倉都推到變晒形,成條企柱都o即埋出黎,連車頂都推倒摺左,由此可判斷出,
頭段部份車體結構已明顯大程度地向左扭曲,並波及至頭擔以後.
今次意外係撞向石壆呢d冇力可卸既固定硬物,絕大部份撞擊力都食晒落架車度,
檢查其他位置陣架時好大機會發現到,其他陣架因撞擊拉扯而造成焊口斷裂或支架變形.
就算1560只得3年車齡,受到如此程度損毀亦都難以修復,最後都係要提早埋單.
過往有案例有一架AVW倒後撞牆,表面上只係爛左纖維同旁板凹,連玻璃都冇爛,好似好小事,
但工程部check車時發現車內左尾倒頭位沙鼓都爆埋,再拆旁check先知大鑊.
結果原來連引擎室吊碼橫陣都郁晒,左尾S陣架都變左形,結果要落埋引擎冷氣,
差唔多拆通晒成個車尾先搞得掂.呢架涉事既AVW就係LN8033.
除左可見既損傷外,係呢一類撞牆撞壆事故上,引致既內傷可以係好嚴重. |
