好文共賞:利字當頭：人民沒有勝利

原帖由 053h4 於 2011-3-9 12:29 發表
怕辛苦係一個原因，無前景手停口停又係原因，傷病無得做無保障會唔會入行？

其實直言, 97後, 有邊份工有絕對保證前景, 樓市一跌, 金融一出事, 地產經紀/
銀行職員咪又係手停口停...

大把工/行業都係一樣.....前景一定好好?

如果那人工, 以中三程度, 同目前行業情況, 算非常好, 直言, 專門技工, 都係專
業一種, 當然risk 係高d..但世界邊有咁完美..而且上一代人咪一樣好多人做~

社會本身需要唔同角色的人, 機會亦一定有, 差在好多人自己去唔去爭取...

原帖由 053h4 於 2011-3-9 14:20 發表
文職轉業容易，定低下層轉業容易？
不如諗下，點解地盤工人都唔想自己子女入行啦

咁其實依家個社會問題就正係, 文職唔夠工, 青少年難搵工ma
(唔好講低學歷, 甚至高學歷), 甚至有工做, 唔少都俾人話人工太低
養不到自己ma....

我講建造業出黎的目的, 其實重點唔係講緊同其他行業去比較,
而是正如DIH兄講, 馬死落地行, 回應返DW8306兄的問題, 中三
中五離校生有乜工作可以選擇而養到自己..

想講建造業都係其中一出路....尤其最近都係比較大幅咁加緊人工
的行業...

有得選就當然多人會選文職la, 但問題係當無得好選, 就自然要諗
下其他工種去生活....

其實香港本身都有個問題, 就係越來越睇唔起藍領行業, 個個讀都話
商科, 無論學士定副學士定文憑, 結果文職多人爭, 有d工就無人做...
形成唔平衡

其實係外國, 建造業都可以一d 唔似你咁講, 係低下層, 仲係好專業
記得以前香港建造業訓練局都會賣廣告請人("紅磡體育館, 東區走廊,
我都有份起ga"一個), 反而依家真係無乜宣傳...

[ 本帖最後由 3ASV196 於 2011-3-9 15:01 編輯 ]

原帖由 053h4 於 2011-3-9 15:09 發表
問題根本就唔係咩馬死落地行，一份係散工，一份係長工已經唔同講法
重有你連cita d津貼課程都搬出離，個別工種就收唔到人的原因係咩
但接著上去讀high cert， dip, degree ，出離跟科文做合約管工就一路有人讀
我朋友都讀cita

出路前景合約長工散工都影響決定

我真係唔明點解你會回避社會同行業制度問題，去話人懶唔面對現實
...

其實本身我本身都無反對你講有關社會同行業制度問題, 更唔係迴避,
但一直我篇文重點(由開文開始)都係, 香港人都要顧返自己的責任及
努力的重要...咁我當然集中咁講

而事實上的確係有工無人做, 有人無工做, 我想講返現時環境下的工作機會.

以下純粹分享，全列自由席。
主要是本人#9發文的延續。

同我以前第一次認識某板友的討論一樣，
無論社會如何先進發達公義友愛，都總有一些工種係比較厭惡性，
很自然地，低學歷人士是這些工種的主要新血，無可能個個都話去做ibank。
我都有講，唔止體力勞動既，有好多工可以做，
現實係咁殘酷，現實就係你學歷唔高就連選擇都少。

乜工都有好有唔好，扎鐵泥水掃街倒垃圾係辛苦，
畀你做份「寫字樓工」，趕開會做present政府交涉行家鬥爭都係辛苦，
除非走去深山出家做和尚，否則塵世就係咁多煩惱。

社會制度係有問題，政府政策係有問題，但我吠到失聲佢都唔會改，更是變本加厲，
在這種情況下，只有(i)接受現實並努力求存；或(ii)反社會反建制反檯罷食。

我夠見過有人讀完大學會計，有人請佢都唔去做會計，
走去再讀護士（現實：護士人工係高同穩定，但都好大工作壓力）；
又有人讀完個餐飲degree之後又唔係去返箇行，
真係一樣米養百樣人，這邊廂有人大嘆機會少出路少，
那邊廂有人花費幾萬銀讀完個degree就拍拍屁股走人不帶走一片雲彩，
這個社會係越來越黐線，過份執著與過份瀟灑的人都有，
對這些社會現象的評論，我都越來越唔想講喇，上網我寧願睇下笑片好過。

[ 本帖最後由 DIH 於 2011-3-9 17:33 編輯 ]

原帖由 nickhei 於 2011-3-9 19:16 發表


對不起，你就係冇睇到制度影響機會重要因果關係! 咁同一味講假獅子山下有咩分別?

努力工作固然好，但冇機會同合理回報但一味鼓吹自力更生等精神鴉片則完全扭曲傳統價值搵人笨! ...

其實我唔係無睇到, 亦無話制度上無野要改善, 但直言, 我睇到的制度影響本身並無社會部分人講到的那麼嚴重,
而我本身的觀察及體驗, 現時都未至於完全冇機會同合理回報, 我身邊唔少朋友一樣成功發展到...

或者我睇野正面D la...我的確唔認為將所有問題推到政府/社會/制度上是合理

[ 本帖最後由 3ASV196 於 2011-3-9 20:53 編輯 ]

原帖由 053h4 於 2011-3-9 19:19 發表
我諗你應該係行內人，無理由唔cita 個別津貼課程近幾年完全收唔到人的原因
讀唔成書都大把選擇，所謂人各有志，講前景唔係眼前人工有咩咁奇?
點解明知生活無保障唔入個別工種會係問題？

...

其實我唔明閣下為乜咁緊張我講的言論, 我一開始都係回應DW 站友, 先講中三中五畢業生,
可以有這個選擇, 我本身根本無意思話迫人去做, 我話少人做, 本身係事實, 而我睇少人做,
競爭少D, 機會多D咁解....

而閣下只是不斷反駁我話建造業唔好做.....仲用文職去比, 我先回應其實行行都有其困難...
其實我根本唔係你指的意思...