好文共賞:利字當頭：人民沒有勝利

當近日日本發生大災害, 我地可以再一次體會到:

(在香港)"當四肢健全有氣有力的大人也覺得，甚麼都是政府的責任，小朋友自然有樣學樣"

港人愛投訴 比災民更可悲！ (經濟)
http://www.hket.com/eti/article/ ... ebe5317af22f-733183

搶購日貨　香港人失禮 (蘋果)
http://hk.apple.nextmedia.com/te ... 866&art_id=15084065

可能會有人覺得我又抽水, 批評香港人, 但的確,
我想再強調, 不只是制度問題去引發到今日情況,
香港人確實要開始檢討下自己的態度, 留意自己的
責任, 唔係咩都政府/其他人問題, 否則社會問題只會
一日比一日嚴重

我都希望我是一竹篙打一船人, 呢d人只是少數, 但
從越來越多事例, 我真係不能係呢方面樂觀...

原帖由 3ASV196 於 2011-3-17 10:19 發表
當近日日本發生大災害, 我地可以再一次體會到:

(在香港)"當四肢健全有氣有力的大人也覺得，甚麼都是政府的責任，小朋友自然有樣學樣"

港人愛投訴 比災民更可悲！ (經濟)
http://www.hket.com/eti/article/ ... ebe5317af ...

點解講到政府無責任？

我既基本概念：政府既組成，係響社會入面挑選一群精英有智慧，
有領導才能，有能力去處理社會狀況 ; 而市民就係一班需要領導既人
力係應該較不遞

回歸以黎，一直睇唔到呢班精英有能力去管
就算你話本地立法制度諸多制肘，假如政府推出一D有利民生既政策，
即使在野議員亦會選票問題唔敢去否決 ---
假如今日政府話要復建居屋，我絕對相信立法會會通過呢條
(可能有部分功能組別會反對)

回歸快14年，請問香港響制度長遠發展果部分有咩成就？
- 八萬五計劃搞到今日地產商囤積土地...
- 科技園數碼港依舊死氣沉沉...中藥港計劃不翼而飛？
- 教育方面：曾經講過要發展成區內高等教育輸出地，小有所成，
但本地學生語文水平下跌，仲要連小班教學都做唔到
- 經濟方面：發展單一側重金融業，但若非內地政府容許國內企業響香港上市，連金融都危危扶
同樣情況適用於旅遊零售業
- 醫療：明知香港醫療制度有明顯漏洞，完善計劃14年黎完全無做過

睇翻近期：
- 曾蔭權響總理兩次提醒下仍然無計劃解決貧富懸殊問題
- 曾俊華多翻強調要審慎理財，而家就打算派400多億
(當然，連去食碟頭飯都唔知幾錢既人，點應該期待佢識幫小市民理財)
- 李少光連對日本發黑色旅遊警示都覺得係憐憫旅客可以全數退款既措施
無諗過有人要到當地工幹？

一個如斯Idiotic既政府仲唔應該鬧？民憤上升，講到尾竟然完全唔關政府事？
講得通嗎？

其實我開文第一篇文, 我已經好清楚指明:

"(以上不等於我話政府唔駛做得好/無責任)"

我全文集中是講, 香港人批評同時, 要留意返先自己的責任
同角色, 我本身亦無話政府完全無責任, 但好可惜, 唔少人同
樣非常敏感, 一見我講叫人留意下自己的責任, 就已經睇成
"點解講到政府無責任？"

果然咩都係政府問題wor...

至於黑色警示問題, 可以睇睇:
http://news.mingpao.com/20110318/mta.htm

[ 本帖最後由 3ASV196 於 2011-3-18 15:07 編輯 ]

容許我再補充一d

點解最近我會有更大感想呢, 回顧返日本情況, 日本政府是否做得好?
如果好就唔駛年年換人, 日本人民生活是否好好? 經濟都差左好多年..

但同樣面對災禍, 點解人地可以咁理性去面對, 咁得體地應對, 人地都未搶野,
未抄高d食品, 點解香港已經抄鹽?

因為人地好清楚自己的責任, 唔會自私, 唔會搶晒人的...出事時唔係立即埋怨
政府幫唔到手, 而是盡量自救, 盡量減輕政府負擔, 去幫更需要的人...

我再一次強調, 我唔係話政府無責任, 批評當然是可以, 制度上香港亦有好多問題,  
但當香港人更著重批評同表達時, 更重要是香港人開始要留意返自己的責任,
唔係再好的制度, 再好的官員, 也是沒用, 這是我講的重點

(尤其開始見到有d人真係要求開始過份左, 如上面誇張d的例子, 那邊有事都照
去旅行, 預政府包機返一d人)

[ 本帖最後由 3ASV196 於 2011-3-18 15:33 編輯 ]

原帖由 053h4 於 2011-3-18 15:40 發表
如果話人地理性一點, 不如話人地一向有一套完整的抗災教育
而強調公民責任的同時, 亦不忙要向公民解釋咩叫公民責任

我唔知其他地方點啦, 但香港人就好鐘意批評其他人做一D唔常識的事, 或又借機批評中國人點點點
而從來都無提出一套有效的解決方法, 謂劣根性, 提升所謂常識同公民意識的水平
講到尾, 所謂評論員, 都體現凡事必嘈的特質呢

其實當然"從來都無提出一套有效的解決方法....提升所謂常識同公民意識的水平"la,
因為提升公民意識根本唔可能由一套方法去做, 而是要透過家庭教育, 社會體驗,
他人經驗及意見, 潛移默化地去建立, 唔係單靠政府教育/規劃/制度就可以做到....
(嗱, 我唔係講政府完全係無責任ar, 係相輔相成下, 好多方面影響)

直言, 公眾評論, 新聞報導正正都是其中一d方法, 去令讀者反思, 體會, 檢討..
(當然, 現在唔少新聞報導都變成反面)

好似閣下, 如果連自己人批評自己人的評論都接受不了, 又如何講一套有效的方
法去提升公民意識? 自我民族反省, 最少係正面的一步吧, 內地人都開始好注重,
當然, 任何批評都應該有理據, 有道理.

[ 本帖最後由 3ASV196 於 2011-3-18 17:11 編輯 ]

原帖由 053h4 於 2011-3-18 17:12 發表
問題係, 政府政策及學校影響係唔係無法影響家庭同社會先?

...

我都講左好多次, 政府唔係無責任lor, 點解到現在都唔明我依家本文
的重點, 是講緊邊一方面的睇法...

如果有留意, 我都反對現時教育制度, 我都覺得中學新學制會出事,
但唔係, 政府政策影響到家庭同社會, 就等於家庭及個人唔需要
著重返自己的責任ma?

本身2樣野都無衝突, 我係唔明點解閣下硬要睇成我講到政府/制度
無影響般, 不斷嘗試否定我本身只是簡單的論點?


咁討論意思唔大wor