好文共賞:利字當頭：人民沒有勝利

原帖由 3ASV196 於 2011-3-18 17:28 發表


其實現時咁即時的情況, 我就唔會咁快斷言任何決定的對與錯, 相信任何人都唔可能有咁的判斷....
我亦見唔到報導有講有關決定的對與錯, 只是講返政府決定時之考慮

而我post, 只是想帶出版友所講"(政府)無諗過有人要 ...

如果係以市民安全為首要考慮，點解唔發黑警?
難道要等到真係有事先react? 以安全為首要考慮既話，Proactive 比較合理
所以你話政府有考慮，我唔同意
仲有一點: 發黑警不代表你唔去得日本，你依然可以去，依然可以留守

仲有，雖然經濟醫療住屋係政府責任，但如果我可以去處理呢D問題，
我已經做左, 唔駛等呢個無能政府

對於你既發言，唔係呢度D人敏感而係你脫離現實
睇見人眼裡條刺，卻睇唔到政府(什至閣下自己)條木

樓上咁多位，處理核事故傾向保守，寧枉莫縱無疑係合理，
但出於恐慌到置事實於不顧，郭位話即使保護殼倒下都只係十六公里內受污染，
咁政府而家點解有必要出黑警撤離港人呢？如果真係咁做反而係製造恐慌囉。
同時對於「身體力行，自己到那裡看看」嘅言論感到遺憾及憤怒，
而家去與唔去，係衡量有冇需要，會唔會對當地及其他人帶來不便，
而唔係用嚟展示立場，同相反意見者鬥氣嘅手段，講呢啲說話嘅人唔該反思。

黑警與否，係咪仲應該呢個時候非去不可，每個市民應該要識自己判斷，
唔係賴政府，你唔黑警我咪大安旨意照去囉。

原帖由 053h4 於 2011-3-18 20:19 發表


咁多個大國竟然一齊錯,英美法德, 咁呢個世界, 係唔係存在一個正確而又完全無風險的答案?

所謂"正確", 其實都係在不確定性中打賭
風險大, 應該以安全為先, 做決定傾向保守 ...

同一思維而得出同一結論，此現象係正常，但唔代表結論正確，
正如幾萬位大人大姐都會盲搶鹽抗幅射，係咪都應該用你呢個問題去解答。

原帖由 dicksonboy 於 2011-3-18 22:03 發表


數據呢家野~ 都未必靠得住
東電都造假做左廿年，你敢唔敢信佢既數據?
針唔到肉唔知痛，如果你要經常好似空姐咁飛都覺得勸籲就夠
我無野講

數據可作假，但正正係全世界咁多雙眼望住，揭發作假，
大把學者專家唔會賣佢帳，但主流都唔認為會有廣泛性災難發生喎。

好啦，除咗航空業，仲有咩人會冇黑警就被逼頻繁來往日本？
即使有黑警，一樣會派機去接餘下港人回港，咁同而家作出勸籲、
安排加班機有秩序回港，又有乜大分別？有分別就係會引發恐慌囉。

始終任何警示系統都要有制度先會被人信服，當情況尚可受控時已經發最嚴重警示，
到最後只會令人對危機失去戒心，我諗呢個係政府維持紅色嘅最大考慮掛。

[ 本帖最後由 epsilon 於 2011-3-19 02:29 編輯 ]

原帖由 dicksonboy 於 2011-3-18 22:23 發表



如果係以市民安全為首要考慮，點解唔發黑警?
難道要等到真係有事先react? 以安全為首要考慮既話，Proactive 比較合理
所以你話政府有考慮，我唔同意
仲有一點: 發黑警不代表你唔去得日本，你依然可以去，依然可以留守

仲有 ...

第一, 其實依家唔係無黑警, 重受災地區, 包括近核電站地區, 是黑警,
問題在於全日本地區問題, 包括東京, 是紅警

第二, 有考慮唔係我話, 亦不是你唔同意的問題, 我POST 的新聞, 是講一個事實,
政府除左有考慮到旅遊人士, 亦有考慮到在日本工作人士, 及講返點解咁考慮去發
警示, 這是我的回應閣下先前言論之重點...
(你話" 李少光連對日本發黑色旅遊警示都覺得係憐憫旅客可以全數退款既措施
無諗過有人要到當地工幹？"嘛)

第三, 你唔同意政府點解唔全日本發黑警, 我明白, 而大家分歧在於安全水平
考慮, 政府集中左客觀數據, 你就認為要Proactive D, 而我自己本身認為2邊
都唔可以叫做錯, 原因係, 事實上, 除左重受災地區, 全日本其他地區, 仍然是
相對安全, 即使核事故加大, 距離核電廠超過250KM 的東京, 亦唔會有好即時
的即時危險....用客觀數據去發警告, 保持紅警, 唔可以叫做"錯", 同時有站友,
如閤下, 認為風險都係唔可以冒, 要更安全考慮, 應該黑警, 同樣唔係叫"錯"....
2者都係安全考慮, 差在大家對警告水平之理解有別....

第四, 其實現時香港對全日本發紅警, 重災區發黑警, 有呼籲人離開(包括東京),
更有派人到當地協助港人離開, 主動找尋失去聯絡之香港人, 安排航空公司更
多班機, 日日新聞發布當地情況, 有監測香港輻射水平, 我更唔明點解有版友
仲可以講, 香港領導係叫"咁安心" @@
如果將一D差別(只是日本其他地區之紅黑問題)誇大去講, 根本無意思...

第五, 我講出黎目的就係當社會大眾都集中係政府的木同時, 希望留意返大家
都忽略左的刺, 社會正正需要不同聲音, 而我POST左幾篇報導, 都係同樣吧...

[ 本帖最後由 3ASV196 於 2011-3-19 08:52 編輯 ]

既然個黑警咁科學咁理性
想問下菲律賓何以值得有黑警？
一次個別既人質事件又有咩參考數據？

Shift gear: 假如你公司同日本有大量生意，
你老闆同你講要去東京出差，因為而家係紅警所以一定要去
你去唔去？

睇野唔好咁表面, 尤其係如此重大事故，保守d好

做野分輕重，我條刺只係影響到我，最多加埋我身邊既人
政府條木隨時影響數百萬人
你要混為一談，我只可以話你無知

仲有唔好自視過高，
講到share 篇文就站在道德高地警惕世人
呢度係討論區，唔係訓斥區
真係有心濟世為懷就付諸行動
例如做下義工，幫手做下公民教育
好過嚮度打水砲