日本發生8.8級地震

原帖由 fm1234 於 2011-3-13 11:44 PM 發表
另外，九州o個邊既新燃岳火山有噴發既可能，希望唔會咁快又多個災難
http://tw.news.yahoo.com/article/url/d/a/110313/1/2nz1e.html

已噴發了

http://hk.news.yahoo.com/article/110313/18/n75c.html

值得一讚是當地人民在地震發生時及災後保持鎮定, 沒有出現恐慌

不過擔心的是東北地區會出現6級以上的餘震,九州又有火山爆發. 會日本關東及關西的大城市造成嚴重破壞.

恕小弟 '諗多咗', 在一連串的連鎖反應下, 恐怕富士山會突然 '甦醒'. 日本情況就...不敢想像

如果沒有必要下, 暫時唔好過日本(特別是東北地區及北海道)

原帖由 AVD1 於 2011-3-13 01:35 PM 發表

不過而家我自己覺得情況係開始惡化,
睇返, 佢之前話一號機組有事, 但係而家三號都有事啦 (好似四號都出現問題)
睇黎情況越黎越煩 ~

加上報導都有講 "另外再有一個反應堆，核燃料棒部分外露，爐芯可能開始融化"
爐芯 ...

三號機組發生爆炸了

http://hk.news.yahoo.com/article/110314/18/n7n5.html

原帖由 on11358 於 2011-3-12 01:26 發表

香港一向都被稱為福港，只係香港人身在福中不知福。

我諗而家要再重新諗下香港係唔係真係咁安全的了 (雖然比起好多地方, 香港真係算係咁)
http://hk.news.yahoo.com/article/110313/4/n7bp.html

"珠三角地區有地質斷裂帶，並在最近1萬年內曾發生劇烈的地殼運動，不能排除發生6級或以上地震的可能。"

雖然我對香港樓宇設計都仲有信心, 不過如果香港真係有地震發生時, 市民逃生意識應該係非常不足 (呢個係我個人見解, 始終人地日本係由細到大都已經教地震應該點樣做, 而香港因為一直以黎都認為唔會發生大地震, 而冇咁多人會重視呢個問題) ~

既然而家都知珠江三角洲地區係會有地震威脅, 係唔係係時候要制定一下指引 ?

原帖由 AVD1 於 2011-3-14 12:08 發表

我諗而家要再重新諗下香港係唔係真係咁安全的了 (雖然比起好多地方, 香港真係算係咁)
http://hk.news.yahoo.com/article/110313/4/n7bp.html



雖然我對香港樓宇設計都仲有信心, 不過如果香港真係有地震發生時,  ...

冇記錯,
香港大部份樓宇設計抵受既地震強度係大約七級咁上下(講真真係唔記得)
如果係好似九級地震,
係咪足以抵受真係一個值得思考既問題,
而且有一點亦都值得留意,
香港樓宇設計普遍比日本為高,
係唔係真係咁容易應對?
加上各類設施,
例如煤氣/石油氣管,油站,
防震能力又如何?

市民質素更加唔駛諗,
港鐵一場混亂已經足以打亂油麻地既時候,
如果真係地震肯定亂上加亂

香港大部份樓宇設計抵受既地震強度係大約七級咁上下(講真真係唔記得)
如果係好似九級地震,
係咪足以抵受真係一個值得思考既問題,

設計防震樓宇時，是按地震烈度作標準，和地震強度沒有關係。因為地震強度是地震釋放的能量，受震源深度等因素影響，對地面建築的破壞，沒有一定的關係。地震烈度是量度地殼運動的猛烈程度，是設計樓宇的參考數據。

據報導，香港一般樓宇可承受烈度達7級的地震，不過，香港市區還有大量唐樓，當年的設計、施工和保養不知能否抵禦地震，加上香港普遍樓宇較高和較密，發生地震/海嘯的時候，受到的破壞和疏散居民都是一個很大的問題。

原帖由 da93 於 2011-3-14 13:32 發表


冇記錯,
香港大部份樓宇設計抵受既地震強度係大約七級咁上下(講真真係唔記得)

香港樓宇設計係可以抵受七度烈度的地震, 而唔係七級
(http://www.weather.gov.hk/gts/equake/withstand_earthquake_c.htm)

如果七級地震響珠三角發生, 香港的烈度很可能超過七度
而隨著香港的舊樓愈來愈多, 一旦地震的後果會愈來愈危險