日本發生8.8級地震

雖然平民都無咩可做到，但如果係再惡化，我o地寧願早d接受，都唔希望日本方面隱瞞事實/ 報細數。

當然不希望再嚴重落去

原帖由 AVD1 於 2011-3-15 17:48 發表

當然魚生個 d 又唔係算話日本專利 (其他國家都一樣有出三文魚等海鮮), 只不過食個間餐廳起邊個國家入貨就真係唔知咁解姐 ~

其實唔係高檔地方的話
大多食肆和超市的三文魚來原地都係挪威，並唔係日本...因為成本問題
不過就算係日本黎，唔食唔會死人吧...

係香港，反而擔心的是
本來奶粉都已經供不應求，又多人係上面落黎帶番去
而家又黎單核爆事件出黎，搞到仲多人搶

但化石燃料又是否安全呢？
核能vs化石燃料的安全問題，就像航空vs公路運輸一樣。
天天都有人死於交通意外，有沒有對公路運輸產生恐懼呢？
同樣道理，一年發生過多少宗化石燃料事故？有多少人死亡？
去年墨西哥灣鑽油台風平浪靜下發生大爆炸，造成11人死亡，490萬桶原油流入墨西哥灣，為何不會對化石燃料產生恐懼？

原帖由 ArnoldC 於 2011-3-15 20:01 發表
但化石燃料又是否安全呢？
核能vs化石燃料的安全問題，就像航空vs公路運輸一樣。
天天都有人死於交通意外，有沒有對公路運輸產生恐懼呢？
同樣道理，一年發生過多少宗化石燃料事故？有多少人死亡？
去年墨西哥灣鑽油台風平浪靜下發 ...

驚與唔驚都好主觀，我不排除我自己係有個人因素。
我有朋友因工作需要而人在東京，而且唔係佢話走就走的；
我有親戚買了三月尾去九州的機票，我假設福島輻射唔會影響九州，
但九州本身都有兩座火山噴發緊（新燃岳、櫻島火山），而家都未聽聞佢話取消。

唔係話有幾多宗事故、每次死幾多人、累積死幾多人......
世界歷史上用核武攻擊的事件，死了15萬-25萬人，而傳統武器攻擊死了幾多人？
點解世界各國要解除核武（至少名義上）而唔廢除刀槍？

最大的恐懼來自一旦發生核事故，造成的遺害可以連續幾十年，
而且少量但致命的輻射劑量，一般人係唔會察覺到的，輻射影響可以被照射後幾日才出現，
而在初次接觸至病發期間，因為群眾唔知或檢測不當或有人隱瞞，核污染會不斷擴散，
或者你知道自己接觸到，但又死唔去，可能過十幾年生cancer，或者生個畸胎，
都唔知自己究竟生存下去係好事定壞事，核事故的影響除了生理還有心理。

搞一大輪理論研究、多重工序提取燃料、裝幾層防護裝備、冷卻系統、一籮筐規章程序，
耗費大量人力物力，又要防人為破壞又要防天災（天災都未必防到），
做咁多咁多野為的只是「煲水」，人類是不是有點荒謬？

我係讀生物，無可避免我係會著眼於某某事對生物的影響、得益是否蓋過風險，
對於核能，我認為，世上一定有其他方法可以「煲水」或者「轉渦輪」，
如果開發那些能源要好大開支，但可以免除核能對生態的潛在危險，我覺得絕對值得投入資源。

如果有人認為核能係好安全的話，我唔係想話我講的先係唯一真理，
安唔安全都好主觀，然而我自己就由認識開始，都唔覺得核能係安全。
核能的「安全」建基於「保護措施」，而唔係「核子反應」本身安全，
而「保護措施」始終係人為，那就難保不會有失手的時候。

核電科技未必可怕，人的愚昧、自私、自大才是最可怕，
而這些人性弱點在核子科技上可以「發揮得淋漓盡致」。

[ 本帖最後由 DIH 於 2011-3-15 21:34 編輯 ]

也許這不是爭議核電是否安全的時候，如我之前所言，天災難測，人禍更可怕。

http://www.ttv.com.tw/100/03/1000315/10003154033901L.htm
「不該限電的避難所一片漆黑，引發災民恐慌」
「東京電力之前有隱瞞核災真相的前科」

有這樣的管理能力，就算畀部健身單車佢去踩來發電，都會出亂子。

[ 本帖最後由 DIH 於 2011-3-15 23:24 編輯 ]