Windows XP 仍然要繼續當道下去?

原帖由 OTIS401 於 2011-3-25 08:48 PM 發表


我都機都係咁...影影下竟然出Card Error...
駁落電腦度又要拔插幾次先讀到

記得有人講過，xD係要放入專用讀卡機讀寫先能確保安全......
一般多合一讀卡機對xD最好只係read only，要求好高

其實同樣問題在以前Smart Media 卡都有.
XD同SM個technical結構係完全一樣.只係physical layout唔同.

一般SD/CF/MS等卡都係內置有粒controller分配資料點寫
XD/SM分別係佢只係一粒NAND Flash chip直接引腳出來, 內置並冇 controller.
所以control的責任落左係Reader度.
一部20蚊的Reader又可以帶比你幾多穩定性

等如,第一代SSD果粒 JMicron controller寫得唔好, 唔識平均分配寫入資料.
最後有d Flash比人狂寫,有d冇乜用過,
第一代SSD普遍好短命就瓜柴.

原帖由 hkaiw 於 2011-3-24 22:25 發表

至於你壞了那部 Notebook，外觀似一部 Netbook 多於 Notebook，不過你那部是否三年保養呢？

0個部衰0野真係咪鬼提，單核機去夾硬推郁個 Vista，仲估
唔到 HP 0既 notebook 竟然可以短命到咁......

三年保養？我都想......但事實原廠保養只有一年。

HP機一向都廢柴....尤其佢塊底板同散熱設計..

係佢個名響d人先以為佢ok.

原帖由 cn2661_2d32 於 2011-3-28 20:27 發表
HP機一向都廢柴....尤其佢塊底板同散熱設計..

係佢個名響d人先以為佢ok.

HP機我用過兩部Desktop都怕怕...
低階機太易壞，高階又耐用的機種貴得黎不如去買ThinkPad
之後計劃買的Notebook都已經唔會再考慮HP

原帖由 superay 於 2011-3-27 19:02 發表


記得有人講過，xD係要放入專用讀卡機讀寫先能確保安全......
一般多合一讀卡機對xD最好只係read only，要求好高

而家我諗想搵部Xd專用的讀卡機都唔係易事黎...
如果想我唔用Xd卡，首先要等的係部相機瓜左

原帖由 kei_hk 於 2011-3-25 12:42 發表


至於xd卡 用用下出Card error﹐我老豆部傻瓜機都試過。張卡可以在電腦經card reader 讀番入面的file/相﹐之後再在相機format 張卡便可再如常便用。
問題係﹐甚少人會有多張xd卡的。我老豆當時出事﹐更是在外地旅行﹐無理由未過相便format張卡﹐唯有在外地買多張xd卡﹐回到香港再處理。

無錯係用得返...
但入面D相都無晒
小弟當時同女神影ge相
未入電腦已消失於Card error之中
而家用XD都有D介心
寧願買張CF用...

原帖由 cn2661_2d32 於 2011-3-28 20:27 發表

HP機一向都廢柴....尤其佢塊底板同散熱設計..

認同，而家諗返起前年買0個部 HP notebook 0個陣
，真係好似上0左賊船。

反應慢、粒電續航力唔得（開省電都捱唔到一個鍾
，你話死唔死？）、機身難清潔不特止，佢個散熱
更加0係誇啦啦......夏天開兩個字，保證間房一定變
蒸爐！

得個喇叭同個 display 靚，有鬼用？我又唔0係用部
notebook 0黎打機同做 PhotoShop......

最估唔到0既係，部機只係用0左一年半，去到今年
一月，竟然因為個 HDD 打柴而正式報廢！

而家轉用0左 Lenovo notebook 之後，開始對呢個品
牌有好感；因為呢個大陸牌子0既機，真0係隨時仲
襟用過某美國大牌子0既電腦。

樓上巴打.
壞隻hdd其實乜機都會. 當然睇用乜hdd.但我一部laptop用4-5年可能都會換過兩次hdd.
當然.我係成日搬出搬入,所以死得快d
不過壞左當籍口換機不失係好事.
HP主打自己係多媒體機, 喇叭用到乜Dolby/Kardon...隻mon率先用LED.video card靚
真係收工啦. 個keyboard又手感其差.
部機結構又怪雞, 想維修拆機,我地呢d有咁上下經驗ge都R晒頭.


Lenovo你係買Ideapad定Thinkpad先.
Ideapad先係純國貨. Thinkpad仍然係IBM以前個Design Lab做設計.
叫做Yamato Lab. 原班人馬.
所以Thinkpad的話唔算全國貨.

Ideapad係華碩代工.冇野好講.
Thinkpad出名硬淨,keyboard手感好,易拆開易維修.
我仍有兩部服役緊: 00年X20, 07年T60, 仲有部06年T43賣左.
大學內日日出出入入難免會撞,都冇事.
次次去旅行呀盛,都係帶佢地.仍然好穩定.
除左佢真係Display Card廢, 樣衰,大件同重.
未來換機首選都會用番 thinkpad.

HP乜大牌子丫. 成個設計都係大陸公司做ge. 代工都係大陸做ge.連底板根本都係大陸公司OEM.
唔係自己設計ge.
同樣地, Dell, Fujitsu呢d全部中至低階laptop個底板什至全機,都係大陸公司OEM設計.打個logo咋.
所以有大陸網友踢爆過...點解有款BenQ/HP/Fujitsu 三款完全一樣......(唔記得左model)

有人問.咁大公司連laptop都oem,咁佢做乜
我答你.呢d大公司搵錢業務唔係做個人電腦.personal computer係洩錢的.否則ibm唔洗賣左佢比lenovo
主要搵錢係賣Server, Mainframe, Software Develope仲有NASA張大訂單(10年計)
IBM家陣只專做Server/MainFrame/Software同CPU
最近Lenovo先輸左比HP接唔到NASA十年提供電腦張單...HP又發死佢喇.

PS:每次講科技就興奮.口水多過茶.唔好見怪.

原帖由 cn2661_2d32 於 2011-3-29 21:38 發表

Lenovo你係買Ideapad定Thinkpad先.
Ideapad先係純國貨. Thinkpad仍然係IBM以前個Design Lab做設計.
叫做Yamato Lab. 原班人馬.
所以Thinkpad的話唔算全國貨.

Thinkpad？我都想，但我呢隻窮鬼邊度有成皮0野
嘔出0黎0丫......

我部新0野只係 Essential 0既 G460。

至於 NASA 張大單，都係算把啦......雖然Lenovo
而家可以話0係變0左做半間 IBM，但佢骨子裡都
係一間內地公司，係政治因素考慮之下，相信美
國政府點都會對 Lenovo 有點兒避忌。