今朝港鐵救番我 ...

原帖由 mckhgc 於 2011-3-24 01:01 發表

除非你話有傷亡姐......否則電視、收音機、網上新聞老奉同你報咩......電話老奉有得上網咩就算有，嘩乜日日出門口返學，係一度行去巴士站，一度用手機上網check著新聞架？！小心睇路呀！

如果搭鐵路，使乜攪咁多野？真係已經 ...

這樣的事情小弟以前真是日日都有發生:

小弟每個工作日都由大埔去荃灣上班
73X班次早已經在不少熟客口中聽到差到"大把朋友"
"有得企閘門已經很幸運"的情況尚且有一半機會
(有時還可以食埋早餐, 0900先返公司)
最差的是試過上不了0755班廣福特車
要一直排隊等0815班特車來到才上到車
(仲要是0813才到站上"一車客")
其餘那些因為所謂"車務調動"而遲5分開車的次數
問黃議員拿資料會比較準確
(上述情況在沙廠接管之後尤其嚴重)

好了, 這裡說的是坐巴士而引致的遲到問題
小弟以前間公司在荃灣
每日早上迫到上車之後
還要承受那些"政治因素"造成的塞車(沙田站對出)
令返工時間有更大的浮動可能
"幸運地", 全公司只有三個人返九點
(其餘的返八點半)
當中只有小弟要承受上面的"不穩定因素"
(其餘的不是坐巴士上班)
因而變成了"最明顯遲到"的一個

上頭問到這些問題
小弟從來只用上面的那些理由
(因為根本沒有其他嗎...)
但亦只會換來"早些出門"之類的"廢話式"建議
(唯一一次可以"合理遲到"的是某次"爆水渠"爆到上交通消息而已)
一直到幾個月前小弟離開那裡為止...

上面的是小弟那時每日面對的情況
現在轉了公司, 日日坐火車返火炭
時間短了, 車費少了(廢話, 還要是用$315月票)
連以前"等車等得不耐煩"的機會都少了
幾個月以來, 沒有一次遲到是因為等車太久而致
對自己, 對公司都有好處
日常外出工作, 除非沒有直接交通
否則都不會選擇坐巴士(省了的時間就是自己的, 車費公司給)

比較兩個情況
真是不得不認同引文所述的看法
但覺得可悲的是, 造成這種看法的原因
是那些不思進取之餘, 連本份都做不足的公司
再看埋RDP, 更覺得香港的巴士服務只會愈來愈...

以上只是小弟的看法, 有問題即管討論~~~

港鐵網頁提供既時間,有好多時都差3~4分鐘,繁時可能差多幾分鐘
加上,如果你一去到月台,就見到有架車走左,等多架黎,都要幾分鐘啦,尤其以西鐵咁既班次

原帖由 mckhgc 於 2011-3-24 01:01 發表

除非你話有傷亡姐......否則電視、收音機、網上新聞老奉同你報咩......電話老奉有得上網咩就算有，嘩乜日日出門口返學，係一度行去巴士站，一度用手機上網check著新聞架？！小心睇路呀！

如果搭鐵路，使乜攪咁多野？真係已經 ...

總之巴士有巴士既好,鐵路有鐵路既好啦,在我黎講,鐵路好就好在價錢平,除左平,我再搵唔到有咩好,
但係巴士對我黎講係好方便,以前我番油麻地,搭特快81C,7個字到,除左有單大野令我遲到,
最耐都未試過超過45分鐘到油麻地,鐵路日日都要8-9個字先到....

到而家我番港島,朝早搭681P,東廊同東隧日日塞車,我日日都番到去都好炆水,搭地鐵仲死,未出閘已經遲到,我9點要番到,我搭港鐵9點都到ga,到站囉,行上去?俾多7-8分鐘啦....

你話時間表無棱兩可,如果搭慣,9-12分鐘都唔駛等就上到車,我番學,我預到時間,
10:03分到我果屋企樓下班車我都就到,唔駛點等.....

佢繁時收車會好明顯,等多一等都知唔對路,識做啦,哩D我都試過,真係好無奈,
除左對佢收車覺得好無奈,我仲要預多幾蚊番去學校買罐咖啡提神而無奈,
你知啦,繁時搭港鐵真係好晒精神.....

[ 本帖最後由 hokwanlam 於 2011-3-24 22:23 編輯 ]

原帖由 CardCaptor 於 2011-3-24 03:02 發表

這樣的事情小弟以前真是日日都有發生:

小弟每個工作日都由大埔去荃灣上班
73X班次早已經在不少熟客口中聽到差到"大把朋友"
"有得企閘門已經很幸運"的情況尚且有一半機會
(有時還可以食埋早餐, 0900先返公司)
最差 ...

可悲的不單只是本份都做不足的公司,而且係一個保鐵政府,我估政府諗:九巴做得唔錯,自動收車,將D客送俾港鐵.....

原帖由 HY1677 於 2011-3-24 18:47 發表
港鐵網頁提供既時間,有好多時都差3~4分鐘,繁時可能差多幾分鐘
加上,如果你一去到月台,就見到有架車走左,等多架黎,都要幾分鐘啦,尤其以西鐵咁既班次 ...

港鐵提供的時間，好多時都係報大數，因為若果是報細數，就會增加被乘客投訴的機會。

因此，港鐵網頁提供的車程時間，由天恆往天水圍站的行車時間需時 11 分鐘，但我不排除實際車程可能少於 11 分鐘的可能性。

再舉一例，西鐵由屯門往天水圍，實際上只需 6 分鐘，但港鐵路線百科的資料卻是 8 分鐘，比實際所需時間報大 2 分鐘。

原帖由 hokwanlam 於 2011-3-24 22:18 發表
總之巴士有巴士既好,鐵路有鐵路既好啦,在我黎講,鐵路好就好在價錢平,除左平,我再搵唔到有咩好,
但係巴士對我黎講係好方便,以前我番油麻地,搭特快81C,7個字到,除左有單大野令我遲到,
最耐都未試過超過45分鐘到油麻地,鐵路日日都要8-9個字先到....

到而家我番港島,朝早搭681P,東廊同東隧日日塞車,我日日都番到去都好炆水,搭地鐵仲死,未出閘已經遲到,我9點要番到,我搭港鐵9點都到ga,到站囉,行上去?俾多7-8分鐘啦....

你話時間表無棱兩可,如果搭慣,9-12分鐘都唔駛等就上到車,我番學,我預到時間,
10:03分到我果屋企樓下班車我都就到,唔駛點等.....

佢繁時收車會好明顯,等多一等都知唔對路,識做啦,哩D我都試過,真係好無奈,
除左對佢收車覺得好無奈,我仲要預多幾蚊番去學校買罐咖啡提神而無奈,
你知啦,繁時搭港鐵真係好晒精神.....

可能係你個case 黎講, 巴士會好過鐵路
又例如, 若然上水去元朗
我諗接近零個人會認為兜到落紅磡再U返上元朗既鐵路會係比一程小巴, 甚至巴士好
(除非有學生優惠而且大把時間等等就另計)
但唔代表整體上鐵路差過巴士, 或者鐵路除左平就無其他好處....
鐵路比巴士高既可靠性你係唔可能deny
係人都知無大鑊野沙田出油麻地搭巴士唔使45mins
但話明意外, 即係意料之外
巴士甩班, 塞車個probability 點都比鐵路高

再講, 你話搭慣10:03 有班車會到你樓下
我估應該係中途站卦...
唔計收車等等內在因素, 你敢保証呢班車唔會受路面因素影響遲黎, 甚至唔黎?
就當班車真係無受路面因素影響準時到
touchwood講句, 你又肯定係你屋企到巴士站沿途唔會比障礙物, 譬如話整路呢d 阻住
miss班車點都有機會架啦....
miss 一架巴士等多十分鐘最起碼架喇...
(好似273呢d 一分鐘一班既絕少, 而且呢d 線多數都唔係同鐵路有競爭)
miss 一班鐵路講緊只係等多三至五分鐘
(咁都有好似東涌線呢d 要等10分鐘既, 不過個段時間堆E線應該都係密極有限)
咁miss 一班巴士 既alternative cost 無論如何都大過 miss 一班鐵路
咁點解仲可以話一班比較大waiting cost 既巴士 會 reliable 過 鐵路?

仲有, 繁時若然巴士同鐵路都係要企
我覺得鐵路仲企得舒服
正正因為轉線呢個可能你覺得唔方便既factor
變左可以比個身, 特別係對腳有得郁下...
反而搭681呢種長途線企足半個鐘
坦白講, 我真係覺得係一件苦差.....

以天恆計，搭K76去天水圍站轉車應該比輕鐵要站站停為快，
不過我都同意預鬆好過預遲

講番鐵路對比巴士呢個問題，鐵路有時唔係一定快過巴士，
只要轉多過一次車， 又或者 巴士比港鐵有絕對優勢既車程(如：元朗-上水)，
都足以令到其車程相差一大截，
所以呢層又唔可以一概而論

原帖由 teddybus 於 2011-3-24 23:59 發表


可能係你個case 黎講, 巴士會好過鐵路
又例如, 若然上水去元朗
我諗接近零個人會認為兜到落紅磡再U返上元朗既鐵路會係比一程小巴, 甚至巴士好
(除非有學生優惠而且大把時間等等就另計)
但唔代表整體上鐵路差過巴 ...

(個人感受)講起搭鐵路要企,我真係好怕企港鐵,由MK企到金鐘,企到我腳震,
因為完全冇空間俾我伸隻手出黎揸住支柱,何來對腳有得郁下??
對唔住,我完全感覺唔到你所謂企得舒服.....(個人感受)
其實諗深一層,以我個區黎講,點解條681,680仲可以熬到今時今日?
今時今日仲有咁多人搭680A,680X,681P,佢地應該早係馬鐵通車之時取消左啦,
點解當時會有人ban左取消681??

[ 本帖最後由 hokwanlam 於 2011-3-25 00:42 編輯 ]

原帖由 ahbong 於 2011-3-24 23:36 發表

港鐵提供的時間，好多時都係報大數，因為若果是報細數，就會增加被乘客投訴的機會。

因此，港鐵網頁提供的車程時間，由天恆往天水圍站的行車時間需時 11 分鐘，但我不排除實際車程可能少於 11 分鐘的可能性。

再舉一例，西鐵由 ...

唔轉車就係報大數

一轉車佢會唔計步行/等車時間,
例如我返工由沙田圍去灣仔,
非繁忙時間都最少45分鐘吧
但佢比38分鐘~

原帖由 hokwanlam 於 2011-3-25 00:41 發表



(個人感受)講起搭鐵路要企,我真係好怕企港鐵,由MK企到金鐘,企到我腳震,
因為完全冇空間俾我伸隻手出黎揸住支柱,何來對腳有得郁下??
對唔住,我完全感覺唔到你所謂企得舒服.....(個人感受)
其實諗深一層,以我個區黎 ...

咁鐵路真係較巴士行車穩定，同樣係企，企鐵路真係冇企巴士咁辛苦

至於你既情況，馬鞍山過海，冇計，真係巴士好(正如 上水<>元朗 既例子)，多謝長期對新界東(將軍澳除外)既「公平」鐵路發展啦
得罪講句，馬鞍山，可謂全港鐵路服務質素最差既地方。

除迪士尼線，冇一條港鐵線既可達度，比馬鞍山線更差了，下下要慢慢經城河東，停足4-7個站，至去到大圍後轉東鐵線，東鐵線都唔係好得去邊，有尖東站時都仲叫似樣，而家.....唉，再黎畢架山樽頸位，到九龍塘又轉觀塘線，條觀塘線都係飽受剝削欺壓既線(兩度被削過海).....

但馬鞍山線收費，卻絕對唔平，去市區收費，馬鞍山居然同北區睇齊，而且北區都叫做較大機會有位坐(尤其落馬洲開出既班次)，又免轉車到九龍塘，馬鞍山就要大圍轉車做沙甸魚，車站同東鐵睇齊，又冇免費接駁。正一西鐵收費、東鐵服務