成年新移民每人派 6000元?

【本報訊】財政司司長曾俊華在 3.6反預算案大遊行當日，宣佈透過關愛基金協助未能受惠於派發 6,000元措施的新移民和「 N無人士」。政府向關愛基金建議動用 15億元，向 23.7萬名 18歲以上、通過家庭入息審查的「非永久性居民」派發一次性 6,000元津貼。關愛基金的民政小組委員會今日開會討論方案，有委員反對引入入息審查，批評這是將新移民「分化再分化」。

有別於 18歲以上的永久性居民人人獲派 6,000元，政府向關愛基金提出的「新來港方案」，申請人須接受家庭入息審查，家庭月入不可超過去年第四季入息中位數的 75%。以一人家庭為例，月入須少於 4,875元、三人家庭月入須少於約 14,250元，才可按「人頭」，每人獲派 6,000元。舉例說，一對新移民夫婦二人家庭，收入少於 10,275元，可獲發共 1.2萬元津貼。


政府預計需花 15億元
政府打算以書簿津貼、綜援系統等「現有網絡」，找出有需要的新移民。民政事務總署也會開放渠道讓其餘「漏網之魚」前來申請。政府估計 23.7萬人合資格申請，關愛基金秘書處計劃聘請 20人，用 13.2萬小時處理有關的申請文書工作，並設立查詢熱線。政府預計，津貼金和行政費共約 15億元。
政府已預計新來港人士會歡迎計劃，但部份香港市民會激烈反對。關愛基金民政小組成員、社區組織協會主任何喜華批評曾俊華一錯再錯，早在派錢時，就不應以是否永久性居民身份作劃線，「根據《基本法》，永久性居民同非永久性居民主要分別只係在於居留權同投票權，其他嘢都應一視同仁！」
何喜華續稱，按政府的建議，一人家庭新移民的入息要低於 4,875元才可獲發 6,000元，「條線定得咁低，仲要搵得少過最低工資先肯幫你，反映政府政策自相矛盾」。他估計，「新來港方案」一出，只會進一步激化香港社會撕裂，「到時一定係又有香港人出嚟鬧點解要幫新移民」。


將新移民分化再分化
關愛基金督導委員會委員張國柱批評，向非永久性居民引入入息審查制度才決定派錢，只會將新移民「分化再分化」，「如果係決定咗派錢，一早就唔應該分係咪新移民」。


關愛基金向新移民派 6000元申請資格
受惠對象：年滿 18歲、通過入息審查的香港非永久性居民，每人可獲 6,000元
估計受惠人數：約 23.7萬
估計涉款：約 15億元

─入息審查資格─
住戶人數： 1人　入息上限： 4,875元
住戶人數： 2人　入息上限： 10,275元
住戶人數： 3人　入息上限： 14,250元
住戶人數： 4人　入息上限： 18,000元 住戶人數： 5人　入息上限： 24,000元
住戶人數： 6人或以上　入息上限： 27,000元

資料來源：關愛基金民政小組文件

http://hk.apple.nextmedia.com//images/apple-photos/apple/20110322/small/22la7p5n.jpg

關愛基金將向逾 23萬新移民每人派發 6,000元，但須入息審查招來社福界批評，圖為早前新移民在政府總部外抗議受歧視。


唔係呀化,
拎綜援果班仲可以拎埋6000蚊?
福利仲好過香港人
同埋坐移民監好正常咋喎,
依鑊真係唔遊行都唔得, 你話我分化都無所謂


香港點解要養依班社會負擔?
我諗全世界無乜地方會接受一班無生產力既人移民到自己地方。

新移民唔係不合資格拎綜緩咩？
不過我都十分同意新移民唔應該有 $6,000
對新移民福利太好,
只會引發更多蝗蟲落黎拎福利…

原帖由 SSBT 於 2011-3-22 18:57 發表
新移民唔係不合資格拎綜緩咩？
不過我都十分同意新移民唔應該有 $6,000
對新移民福利太好,
只會引發更多蝗蟲落黎拎福利…

有酌情權(咪即係批囉)
係香港有仔女都已經批得

講真，今次派錢已經愈搞愈大鑊
從6000蚊注入MPF、派6000蚊現金俾18歲以上永久居民、到宜家連新移民都有
咁下一步係咪十八歲以下人仕、甚至從外地來工作的人例如菲傭都有呢?
再咁搞落去不如索性有身份證就派，費事引起一眾人仕乘機抽政府水

其實我都覺得，咁搞法只會有更多的內地人落黎拎福利

原帖由 OTIS401 於 2011-3-22 19:26 發表
講真，今次派錢已經愈搞愈大鑊
從6000蚊注入MPF、派6000蚊現金俾18歲以上永久居民、到宜家連新移民都有
咁下一步係咪十八歲以下人仕、甚至從外地來工作的人例如菲傭都有呢?
再咁搞落去不如索性有身份證就派，費事引起一 ...

新移民＋綜緩雙糧＋六千+公屋免租...
opps...快活過幾多中產呢

最好學澳門這樣，非永久性居民就派一半甚至與永久居民的三分之二好過，同時免入息審查。

原帖由 053h4 於 2011-3-22 20:13 發表
新移民我唔支持派, 因為福利一般係照顧永久居民
但我覺得新移民話蝗蟲, 現況就唔多啱, 單程証配額更本用唔盡, 一般都係經婚姻關係到港

甚實因為佢地落到黎又拎,
有人計過條數, 新移民拎綜援比例係普通居民2倍(2010年, 即係03年前既新移民唔計)
加上唔少市民都感受到新移民落到黎既普遍情況係點, 以起不少不滿

咁都話政府歧視佢地...
我夠可以話政府歧視我地18以下的永久居民