搵工一問

小弟而家 A-Level，
小弟當然知道今日先考完一科筆試，考試更重要

我申請咗三份工，一份排版、一份網頁製作、一份就純粹打字

排版就係出 FORM 嗰類比客填，人工最高，佢話一年經驗，但其實我無
我只係會考 CIT Project 用 InDesign 做排版、負責校刊、校報既設計、排版同組版校樣，同埋開過班教學校 InDesign
黎緊星期三 THIRD-IN，我覺得入到機會都大（我明有啲人五十份都未必有得 IN，唔洗說教了）

網頁製作就人工第三高，唔洗經驗，不過小弟做過 freelancers 接過合共七份 job，全部 web programming + design
小弟覺得做網頁點都係辛苦過排版
未 IN

最後一份係文員，負責打字，佢話 30 字一分鐘我其實就過百的
不過似乎無咩好特殊既工作經驗值得參考

我而家諗緊做排版好唔好，始終都係大公司，未响大公司做過真係想知大公司入面既人際關係點，而且對我既錯誤容忍度係如何
除此之外，唔知有無人做設計，會覺得好似我呢啲人入去會做壞市？（我無考 Adobe 既證書，純粹自學，網頁寫咗五年，排版搞咗三年）
唔係我會考慮網頁製作（但會照 IN）
文員大家又覺得對 career prospect 有咩大幫助？

錢大把，唔太重要，最緊要係對將來搵工既幫助，謝

[ 本帖最後由 bananasims 於 2011-3-25 18:24 編輯 ]

最緊要係對將來搵工既幫助
咁呢個就肯定起大公司黎講係有著數. 但當然, 如果起大公司出大錯, 呢一樣野會唔會影響你將來起個一行立足, 我就真係不予置評. 不過我認為你真係需要考慮清楚呢一點啦.
網頁製作方面如果佢講到係唔需要經驗的話, 我自己認為請你個個都應該遇左佢會係請新人, 對有小/大錯誤可能真係會比排版間公司容忍度會高小小.

當然文員個份已經可以不提也吧, 既然網頁製作都講明不需經驗, 呢一份可以冇咩需要考慮 (如果三份工同時 offer 比你) ~

不過樓主其實將來想起邊一行做先 ? 如果你話做 programmer, 當然網頁製作方面可以吸收到更多野 (如果佢都話要 web programming ... etc)  ~

小弟只係睇左你上面之後去發表我自己個人意見,
不過我覺得其實你可以考慮下同你朋友, 屋企人, 甚至以前你學校先生講下, 相信佢地都應該比到唔小意見你 ~

文員呢類機器式工作又不見光明前途，個人建議可以暫不考慮？ 難道你打多五年字會俾你升做 SENIOR 文員？

另外兩份，就算你浸一，兩年走，起碼叫做有一技傍身，都你年近三十時去跳槽時也可以幫到你

多謝兩位回覆

屋企人唔問啦，一講又响度說教，又話五十份工可能 IN 唔到一份 問都費鬼時

我將來目標就唔諗住做任何 programmer，因為都叫踩過半隻腳入行，做 programmer 成日遇著啲怪客，deadline 前一個月就催你；
雖然其他行業都有，不過長遠都想試下新野
我目標係想做財務（銀行或 accounting firm 之類既公司）
JUPAS 大部份都選擇咗經濟金融財務

聽你地咁講文員都係唔諗啦
諗諗下，雖然網頁製作辛苦啲，不過好似發揮空間大啲，以我所知佢地連公司網都未有，第時應徵嗰陣仲可以叫大條道理show 個公司網出黎（估咋）
做大公司可能真係做埋晒啲濕碎野兼且完全無人理…佢講明份工係做比客睇既表格…（雖然資料搜集過佢啲客係匯豐、渣打）

後日大公司 THIRD-IN，大公司真係好麻煩 :L
想問埋，如果有幸真係兩個都有 OFFER，點樣推最有技巧？