政府是否有需要檢討港鐵可加可減機制?

原帖由 HY1677 於 2011-3-30 21:22 發表
經濟好根本就唔係事實既全部
經濟好又如何?低下階層依然要過D咁既生活,隨時生活仲差過經濟唔好個陣
而家D野成日都加價,人工又唔加,同減人工都無咩分別,錢就一定少左
遲D最低工資實行個陣,隨時係減人工架,因為政府教老闆點樣減員工工資囉!

你講既即使係事實，但經濟結構性既問題，同埋貧富懸殊既問題，點算都算唔到要一間上市公司既責任，港鐵點解要有義務去解決呢Ｄ經濟問題？

低下階層生活仲差過經濟唔好都好，應該係政府諗辦法幫佢地，唔係要港鐵去幫。

[ 本帖最後由 ahbong 於 2011-3-30 21:48 編輯 ]

原帖由 ahbong 於 2011-3-30 21:44 發表

你講既即使係事實，但經濟結構性既問題，同埋貧富懸殊既問題，點算都算唔到要一間上市公司既責任，港鐵點解要有義務去解決呢Ｄ經濟問題？

低下階層生活仲差過經濟唔好都好，應該係政府諗辦法幫佢地，唔係要港鐵去幫。 ...

但係政府無辦法去管制港鐵咩?

原帖由 Anpretext 於 2011-3-30 22:53 發表
但係政府無辦法去管制港鐵咩?

可加可減已經係一種管制，只係有唔少人輸打贏要，計極都係加價，就話要檢討可加可減，檢到無得加／只可減為止。

呢Ｄ已經唔係叫管制。正如我之前所講，又要自由市場，有競爭有進步，又要無自由市場，票價及盈利干預，呢個世界唔會有咁既事。唯一可行既係好似另一位板友既提議，政府全面回購公共交通機構，全部變成國營，到時，$2 一程任坐都得，但唔洗旨意會有今時今日咁既服務質素。

[ 本帖最後由 ahbong 於 2011-3-30 23:40 編輯 ]

講穿左整件事以至兩鐵合併同地鐵上市都係同一種思維: 需要利益, 唔要提供優惠時就係上市公司私營公司股東緊要; 需要向政府拎利益, 要地, 或者終於有優惠時就係一間政府有 75% 股權的機構, 需要自負盈虧, 唔可以要納稅人補貼 (下刪N字).

政府原意似乎傾向前者, 兼且可以長短棍, 想點就點. 點知實際而家鐵路公司自己都耍得出長短棍, 仲比政府玩得更淋漓盡緻, 政府好似除左由得佢就乜都唔使做 .......