關愛頭炮10措施派8億 數萬學童獲3000元遊學

關愛頭炮10措施派8億

數萬學童獲3000元遊學
【明報專訊】關愛基金執行委員會昨日召開會議，拍板接納10項涉及8億元的「派錢」計劃，資助對象涵蓋6類人，包括清貧學童、殘疾人士、綜援
戶、新移民及少數族裔、病人和長者，「頭炮」是資助數萬個領取書簿津貼的中小學生今年暑假到外地遊學，每人資助額不多於3000元。

政府定細節 5月申撥款

早前關愛基金轄下的醫療、教育、民政、福利小組委員會，向關愛基金執行委員會提出10項建議，協助社福制度下未能受惠的「漏網之魚」。執行委員會昨日召開第二次會議，「照單全收」所有建議，但細節有待政府各部門擬定，下月20日交上督導委員會通過。政府將於5月6日向立法會
財務委員會申請50億撥款，之後基金便可正式「開庫派錢」。

綜援戶獲4000元津貼

10項獲接納的建議中，以學童受惠最多，一共有3項資助計劃，合資格學生可獲3000元境外遊學資助、每月250元午膳津貼、每月2500元學前訓練津貼；綜援戶亦有兩項資助計劃，包括一筆過2000元租金津貼及2000元雜費津貼；關愛基金亦會注資由醫管局管理的撒瑪利亞基金，資助病人自費購買癌症藥物（見圖）。不過，住在板間房、沒領綜援的「N無人士」，則沒有任何受惠（見另稿）。

注資基金助癌病人買藥

關愛基金執行委員會主席羅致光表示，待立法會通過撥款，首個計劃便可即時落實，「打頭陣」是資助領取書簿津貼的學生到境外遊學，相信學校可趕及暑假前籌備，預計約數萬人受惠，由於計劃屬3年期，不會所有學生同時於今年暑假出發。委員張國柱相信，3000元的津貼額足夠讓學生到內地、台灣和星馬泰等地方遊學，家長毋須補貼。

位於天水圍的順德聯誼總會翁祐中學，近一半學生來自綜援家庭，校長蔡澤群歡迎有關計劃，認為可讓負擔不起遊學費用的學生到海外擴闊視野。他希望有關計劃不要「抽籤」，而是讓所有合資格的學生皆可起行，資助金額亦需足以應付整個遊學團的費用，「部分清貧家庭要多拿一千幾百補貼，是困難的事，這些學生會寧願不去，免增家人經濟負擔」。

未討論新移民派6000建議

另外，是次會議未有討論財政司長曾俊華早前提出，額外注資15億到關愛基金，向新移民派發6000元的建議。羅致光解釋，會先待政府正式向基金撥款，再作討論。


拿, 我會覺得資助佢地去大陸等等地方"交流(洗腦?)"真係浪費錢,交流幾時變左必須品?
從來都係有錢就去, 無錢咪唔好去囉


更何況幾日既"遊學", 學生根本唔可以學到D乜,
要交流...等佢地入左大學用自己D loan啦

From 明報

其實你有無去過遊學

1. 去過大陸遊學 3 4 次完全唔覺洗腦，反而我覺得係我地注入緊思想去佢地既腦
即係呢，我地演講，分享仲多過人地學校講野同演講

2. 例如啦，我去過武漢遊學，不知學到幾多野。淨係嗰幾日就已經學到點解大陸起樓永遠啲窗係對住南面或者北面，好有規律，而唔係好似香港咁起到亂晒大龍 (EXAMPLE)
因為大陸既天氣，如果向西向東溫差非常大，大陸城規就為咗生存需求就設計到南北咁起
有啲人覺得可能係常識啦，不過三四日點都係學到野，詳細太多內容要我一時三刻記唔到，用嗰陣先知，好充實。

3. 家陣大學啲 intern 好睇你去過幾多次遊學，好似屋企人做緊某大銀行 internship
個組長都講過而家啲大學生成日履响香港，乜都唔識，返大陸傾生意又要嫌辛苦，而家只會揀啲出過外國或者大陸遊學，做義工既人做，截然不同
至少訓過山區既人去到羅湖都唔會嫌呢樣嫌嗰樣。

4. 如果你話去外國的話，小弟去過一次英國遊學團，嗰次十足十北韓 100% 嚴密監控，所謂遊學就係一班鬼佬老師教你 he she it 再帶你去下 trafanlgar square, london tower 就完，萬五蚊

返大陸遊學邊會無幫助丫，絕對支持
當然對我黎講，競爭大咗 ..

[ 本帖最後由 bananasims 於 2011-3-30 09:42 編輯 ]

原帖由 bananasims 於 2011-3-30 09:26 發表
邊個話

1. 去過大陸遊學 3 4 次完全唔覺洗腦，反而我覺得係我地注入緊思想去佢地既腦
即係呢，我地演講，分享仲多過人地學校講野同演講

2. 家陣大學啲 intern 好睇你去過幾多次遊學，好似屋企人做緊某大銀行 in ...

有社運人士直情在報章撰文反對人遊學/留學,
佢地可能驚D人係外國長住後知道以香港刁民標準黎睇, 外國原來係咁恐怖,
或者以外國標準黎睇, 香港刁民有幾咁無賴,
返到香港唔會咁易受搧動事事反政府,
嚴重影響社運行業的發展

原帖由 Kaix 於 2011-3-30 09:41 發表



有社運人士直情在報章撰文反對人遊學/留學,
佢地可能驚D人係外國長住後知道以香港刁民標準黎睇, 外國原來係咁恐怖,
或者以外國標準黎睇, 香港刁民有幾咁無賴,
返到香港唔會咁易受搧動事事反政府,
嚴重影響社運行 ...

香港叫刁民?外國月亮特別圓?
早幾日倫敦示威,咁同香港果班搞社運,示威比又邊個刁d?

原帖由 bananasims 於 2011-3-30 09:26 發表
其實你有無去過遊學

1. 去過大陸遊學 3 4 次完全唔覺洗腦，反而我覺得係我地注入緊思想去佢地既腦
即係呢，我地演講，分享仲多過人地學校講野同演講

2. 例如啦，我去過武漢遊學，不知學到幾多野。淨係嗰幾日就已 ...

我去過新加坡同西安團, 比D幹部洗腦到參觀車廠又無乜學, 又講洗腦野


同埋我覺得重點係用者自付, 唔通比埋錢你補習咩, 都好多野學嫁

[ 本帖最後由 Anpretext 於 2011-3-30 11:18 編輯 ]

可能我好彩去過 4 次都係無事
（學校搞？）

張五常都講過香港教育應該全部自費，咁樣啲家長會好比心機咁叫啲學生讀書
不過可行咩
補習又唔係話特別需要，不過我覺得遊學團點都有啲用，況且三千蚊去北京都唔夠啦，我去武漢都搞咗四千…
都叫有少少自費

[ 本帖最後由 bananasims 於 2011-3-30 11:36 編輯 ]

原帖由 bananasims 於 2011-3-30 11:35 發表
可能我好彩去過 4 次都係無事
（學校搞？）

張五常都講過香港教育應該全部自費，咁樣啲家長會好比心機咁叫啲學生讀書
不過可行咩
補習又唔係話特別需要，不過我覺得遊學團點都有啲用，況且三千蚊去北京都唔夠啦，我 ...

遊學團都唔係話特別需要, 無左咪又係咁讀書~

原帖由 bananasims 於 2011-3-30 09:26 發表

1. 去過大陸遊學 3 4 次完全唔覺洗腦，反而我覺得係我地注入緊思想去佢地既腦
即係呢，我地演講，分享仲多過人地學校講野同演講   

呢D要睇下跟D咩組織去喇。

我準備升大學year 1果年的暑假，跟過民政事務署搞的一個八日七夜北京石家莊交流團。
果陣係民政署全港十八區揀選一班所謂「精英」，合共三十幾人（咁當然我地呢班人入面
都有唔少真正的精英，例如有至少好幾個會考8A/9A），費用政府全包。

我未去都已經知道係洗腦，但係橫掂唔使錢，又未去過北京，梗係去啦。
記得果陣頭幾日帶我地睇晒北京所有主要遊客景點，睇到奧運準備情況。
之後幾日就多D「官方活動」，記得有朝要去睇升旗禮，天未光、四點未到就要起身；
又有朝要去清華大學聽政治學教授seminar，果陣其實成團人，包括領隊，都自動發白日夢。
我因為返香港第一日大學有個placement exam，所以就用左成個seminar的時間溫書，
又見到有準備升med school的團友，拎出本year 1 medicine textbook自修。
但係記得果位教授講左一句，大意係「六四事件完全沒有人傷亡，
西方媒體上有關六四的圖片和影片，有人受傷……全部都係捏造的」

行程拉尾兩日去石家莊，記得有個環節係探訪民居，果家人不知幾熱情，教整地道風味小食（包餃子），
係咁塞我同另一位團友食，果晚食飽返到酒店即刻肚痾:L
同埋石家莊果兩日，最深印象的係，我地坐旅遊巴，沿途有警車開路，指揮交通，攔住沿途十字路口所有車輛，一支燈都唔使停

3. 家陣大學啲 intern 好睇你去過幾多次遊學，好似屋企人做緊某大銀行 internship
個組長都講過而家啲大學生成日履响香港，乜都唔識，返大陸傾生意又要嫌辛苦，而家只會揀啲出過外國或者大陸遊學，做義工既人做，截然不同
至少訓過山區既人去到羅湖都唔會嫌呢樣嫌嗰樣。

呢個世代去遊學團已經無咩用，要真係去exchange先有用。而且exchange係俾我地呢d窮人的玩意，
有錢果班，全部都唔係留晌香港讀undergrad，走晒去堆ivies啦。

應該咁講，all else being equal，最值錢係外國名校undergrad degree；
如果不幸好似我咁，屋企無錢，去唔到外國讀undergrad的話，點都要盡量搵機會去外國exchange，
而且盡量去一D好D的學校（據我所知，香港各間大學，exchange programs去到最好的學校，
其實都係得UC Berkeley / UCLA，其次係NYU/Stony Brooks/Toronto/UBC，比起堆ivies已經爭一截，不過好過無）。

可以講埋以下的例子，俾大家自行判斷exchange / 去外國top schools讀書的實質作用：

1. 有個小學同學今年科大BBA畢業，用左幾個月時間先搵到工，係ibank，一個月萬八；
佢有個同事，係LSE畢業，做既野同佢一模一樣，人工五萬。

2. undergrad有個同學，去過Berkeley一個學期，晌果邊的lab做過intern，拎住推薦信，考到入Princeton讀PhD；
我就無呢位同學咁好彩，不過我都知道我呢行的遊戲規則；如果我唔係有去過exchange，有相關的經驗可以寫落CV度，
我肯定我考唔到入去我而家讀緊間研究院（唔講校名，不過可以透露，呢間學校overall唔出名，但係我個field都係全美國top 5）
實際上，如果我記憶無錯，我個undergrad department入面，無去過exchange的同學，
基本上無一個能夠考到入外國PhD programs（按：我個field如果晌香港讀PhD，基本上無可能搵到tenure track positions），
not even 3rd-tier果堆。

咁當然入外國名校點都好過做呢類遊學團，不過相對返本港無做既人點都有啲優勢，而且有啲 instructor 講明…
同埋你咁講，我覺得唔關外唔外國事，係關間大學名氣事
LSE 個名點都響過 HKUST 掛 正如你拎 MIT vs CalTech vs HKUST, Michigan vs McGill vs Columbia vs HKU...
LSE 全 UK 第 4 喇，HKUST 全 HK 第 3，overall 全球都係 6x，無記錯只係 NYU 前一名
見到你入到知名名校優勢點都大過你個遊學團啦。
不過你拎嗰啲 Pace, Fordham, Oxford Brookes 呢類咁既大學就未必真係咁大分別

離一離題，我想問下你個同學係响 LSE 讀咩？
因為我有 LSE 既 A&F conditional offer (2A* 1A)，如果真係有機會揀我好大機會揀 LSE
LSE 個 prospect 好似好過 HKU 好多

[ 本帖最後由 bananasims 於 2011-3-30 13:06 編輯 ]

原帖由 bananasims 於 2011-3-30 13:03 發表
咁當然入外國名校點都好過做呢類遊學團，不過相對返本港無做既人點都有啲優勢，而且有啲 instructor 講明…
同埋你咁講，我覺得唔關外唔外國事，係關間大學名氣事
LSE 個名點都響過 HKUST 掛 正如你拎 MIT vs CalTech vs HKUST, Michigan vs McGill vs Columbia vs HKU...
LSE 全 UK 第 4 喇，HKUST 全 HK 第 3，overall 全球都係 6x，無記錯只係 NYU 前一名
見到你入到知名名校優勢點都大過你個遊學團啦。

離一離題，我想問下你個同學係响 LSE 讀咩？
因為我有 LSE 既 A&F conditional offer (2A* 1A)，如果真係有機會揀我好大機會揀 LSE
LSE 個 prospect 好似好過 HKU 好多

我係話我個小學同學係讀HKUST，佢個同事（無記錯的話）係LSE，不過唔知讀咩。
反而我中學同學就真係有個讀LSE（無記錯係讀Law），另外又有個中學同學，
舊年中大sociology畢業後考到入LSE讀master in urbanization and development，
佢又係去過美國exchange，CV靚到不得了。

你既然有LSE的conditional offer，如果無第二d再好d的offer（例如Oxbridge，同埋唔知你有冇報美國學校），
都係疊埋心水入LSE喇。HKU大把人出到黎咪又係一萬銀一個月，唔係話HKU廢，
不過香港太多HKU/CUHK/HKUST grads喇。

P.S.1 係Caltech，唔係CalTech
P.S.2 Michigan同McGill已經無得同Columbia比，Columbia點講都係間ivy，
Michigan係全美國排第二的public university，整體排名已經差過Columbia一截，不過
如果淨係計我個field的話，Michigan應該排名前過Columbia少少。