2011-2012年元朗區巴士路線發展計劃

原帖由 tony223 於 2011-3-31 22:15 發表
269D/E34全日分拆更加無晒下文 ，
故此我對元朗區rdp完全失望

呢兩條有冇咁大需求玩分拆呀

原帖由 Kaix 於 2011-4-1 15:31 發表



呢兩條有冇咁大需求玩分拆呀

E34 或者都有既, 269D 而家都開得唔密, 拆線係咪每條 20-30 分鐘一班呀?

原帖由 chan6723 於 2011-4-1 18:20 發表

E34 或者都有既, 269D 而家都開得唔密, 拆線係咪每條 20-30 分鐘一班呀?

反正依家269D係元朗客多過天水圍客, 又有不少天水圍人覺得269D兜元朗係費時失事, 選擇在大欖轉車站轉其他線返天水圍

索性將269D縮短, 只來往元朗至沙田, 咁咪可以在不加車下加密班次囉

如果隧道費真係左手交比右手,
咁私牌車行返大欖隧道都得,
做乜一定要行屯門公路

所以我認為係兩間獨立公司

原帖由 kiwai 於 2011-4-1 19:00 發表


反正依家269D係元朗客多過天水圍客, 又有不少天水圍人覺得269D兜元朗係費時失事, 選擇在大欖轉車站轉其他線返天水圍

索性將269D縮短, 只來往元朗至沙田, 咁咪可以在不加車下加密班次囉 ...

同268b 同樣嘅問題又來啦, 根據九巴收費等級表, 35公里以下就最多可收$14.1, 而現時269d 長36.1公里, 如果縮短去元朗 (甚至只係縮短到天耀), 都已經要跌落一個等級, 雖然$14.5 同$14.1 差唔遠, 九記唔算好蝕底, 但核突囉, 即係話畀人知過往一路收貴左元朗客, 情何以堪? 更甚會引致其他區o既客又要求縮線減價, 點掂?

原帖由 EH2674 於 2011-3-30 23:22 發表


只要九巴將紅磡開出既268B行頭，269B行尾，268B每班應該可以執下雞，又唔駛站站推住269B推到上公路先過頭...

兩條線係玩聯合班次既就攪掂，對面海係咁玩呢樣嘢

不過唔知今日開火開成點呢？

長遠來說兩條線都應該考慮全日分拆，
天水圍人口愈來愈多，對交通既需求亦上升，尤其呢兩條同港鐵比係有競爭力

不過最低限度都應該將269D早繁拆線，
而家條線早繁又成日脫班，攪到晌元朗同大欖隧道轉車站等車一係就好耐都唔來，一來就來2架，
拆線起碼元朗客可以唔使等咁耐，欖隧轉車站又可以叫兩飛

原帖由 士刁拔尼．奧 於 2011-4-1 23:57 發表

兩條線係玩聯合班次既就攪掂，對面海係咁玩呢樣嘢

不過唔知今日開火開成點呢？

正如好多師兄所講，268B的死因主要係時間同價錢比西鐵輸蝕太多，唔係太疏車或者俾269B食客。
兩線點聯合班次法，表面好似做到密D，但實際上只係將本身經少的客打散哂。
以前得269B一線走天涯，最初咪又係同現時268B/269B各自的班次差唔多。
如果疏車就無人會搭，點會慢慢做到3分一班之後仲要拆線？

講番268B本身，己俾西鐵打到慘不忍睹。
中午時段在元朗站一帶見親佢，坐到一半窗口位己算偷笑。
好多時每車客量只係好過同一位置的K65同B2；同54, 76K等相若。
好，你話非繁時少人搭係正常0既事，但同一時間其他出旺區的路線，最差最差都坐佐7-8成窗口位（果架多數係68M）。
唔怪得要cut非繁時服務。

最近每星期總有一兩次要日間非繁時搭西鐵出市區，過大欖隧道時大約只係坐滿加每卡零星企佐約三四十人。
“不幸地”試過多次由荃灣西一路到南昌，附近幾排位都唔見有人起身落車。
咁計法相信269B都係危危乎，可能係因為天水圍人口集中同埋同有天水圍北呢條救命草，才未致於去到268B的下場吧。

[ 本帖最後由 s3n370 於 2011-4-2 00:41 編輯 ]

原帖由 tony223 於 2011-3-31 22:15 發表

講番正題，
我覺得將268B學692方案咁縮短服務時間已經係最盡，cut至4班肯定唔可行，
68X/68P/268C/968唔應該等268B重組先加班，一早就應該要加班，而269D/E34全日分拆更加無晒下文 ，
故此我對元朗區rdp完全失望

Copy番好多位師兄講過的說話：（唔cut 268B的話）車從何來？


九巴似乎學精佐，開始試下玩等價交換。但呢個等價交換同798比較，還有一大段距離。
奈何往返需求大的區域己有路線直達，難以做到798咁好效果。
小弟認為至少要做多幾樣才有足夠牙力去說服。
例如68P應該行全日，非繁可以開20分甚至更疏。雖然非繁應該同268B一樣唔會太多客，但至少車同油都無用咁多，
仲要開多D元朗鄉郊往市區的繁時線，例如服務元朗南的68X、268B特別班次，大棠往荃灣等。

原帖由 s3n370 於 2011-4-2 01:16 發表
九巴似乎學精佐，開始試下玩等價交換。但呢個等價交換同798比較，還有一大段距離。
奈何往返需求大的區域己有路線直達，難以做到798咁好效果。
小弟認為至少要做多幾樣才有足夠牙力去說服。
例如68P應該行全日，非繁可以開20分甚至更疏。雖然非繁應該同268B一樣唔會太多客，但至少車同油都無用咁多，
仲要開多D元朗鄉郊往市區的繁時線，例如服務元朗南的68X、268B特別班次，大棠往荃灣等。

我都認為九巴應該開拓元朗南嘅客源
始終果邊住宅多咗好多，而且距離西鐵站有段距離
如果有巴士線嘅話居民就應該捨鐵路搭巴士
而家每個元朗人搭車模式唔同咗
市中心一帶嘅比較選擇鐵路
但西鐵站範圍始終只係顧及到大馬路以北嘅地方
如果搬啲巴士線去南邊，可能有番啲客都唔定
如果264M兜去元朗南加快車速嘅話未必搞到今日咁頹
只可惜九巴思維…想咁做？等下世