自己都唔夠車...就咪再玩啦...

「痴線，自己都唔夠車，仲要走埋去人地果度」某車長見我影緊相果陣咁同我講...
咁又係呀...
果日係旺角見到部ADS頂閘，之後等多三四個字都無後車...
收車的收車，拉夫的拉夫...
都唔見左好多架...
近期等1號真係愈等愈耐...
閒閒地都三四個字...

車長仲同我講...
比人投訴過故意減慢車速令到脫班...
但係我坐過佢都唔少次車
又唔係好覺喎...
有時車長都好無辜...
無啦啦比人鬧...
(記得有一次坐蛇車...
個司機飛咁爬前車頭去清前邊班客...
點知去到太子個客一上車就狂爆粗鬧個車長...
真係登個師傅唔抵...)

夜間劣作，請見諒...

比得個幾蚊答巴士...仲要係到嘈嘈閉..不知所謂..
喂...如果你係唔想等車..你咪飛的囉..講真個句...
自己個身又要冇銀兩...又要係到嘈.."你有錢...咪飛的...冇錢..咪等車囉..<<<就等於窮人與貴人
比幾蚊...就當自己好巴閉..鐘意鬧就鬧...
司機服務你...都仲要比人話....司機都要即刻開啦...廁所都冇得去...都仲要比人用粗口鬧..
真係慘〞
你有錢...坐BENZ都得啦...洗乜等巴士姐...你地話係咪??

以前個年代d司機態度衰又爛口,飛站,手車搾得衰
南風腳跑馬仔乜都有.
呢d抵鬧

21世紀d公司形象做得好,d司機文明左...我好相信絕大部份司機都係用心去服務
加上顧住屋企大細怕比人port...個個都讓客受氣.
其實佢地都好慘

加上d"高文化水準的文化香港人"好善用自己power...乜都去port人鬧人,
一係你就企定比我鬧,客係大晒. 你唔企定比我鬧你駁咀即係你態度衰,我port你
以為用住劉華果句,做客就大晒.乜野服務行業都鬧到人一面屁,都冇得出聲.
唉..辛苦各位服務行業人士.

[ 本帖最後由 cn2661_2d32 於 2011-4-10 18:45 編輯 ]

原帖由 HL1097 於 2011-4-10 18:07 發表
比得個幾蚊答巴士...仲要係到嘈嘈閉..不知所謂..
喂...如果你係唔想等車..你咪飛的囉..講真個句...
自己個身又要冇銀兩...又要係到嘈.."你有錢...咪飛的...冇錢..咪等車囉.. ...

今時今日咁既服務態度係唔得既
下次最好就係每個站有一部車stand by... 個個站有定點開車時間, 冇車到就搵stand by開
到時變左d環保團體閙巴士公司.. 唔環保, 搞到塞車(變相多左排放) ...

之前有次搭1號都等左好耐,然後有車到(唔記得左咩車),
個司機去完個toilet拍完卡就返黎開車,係咁鬧話佢同前車拉開左成半個鐘,
一陣又追死佢,有咩理由前車又收左架,d客又嘈點解咁耐都無車...

個人感覺,雖然我唔係住竹園,但除左7M好似無事,成個竹園d巴士線好似等耐左,收車情況無乜改善過~

其實7M大約五年前, 有兩正一蛇.
之後變到而家, 全日都係兩部正車,
所以食飯時間, 兩粒鐘都係得一架車跑,
亦即係繁忙時間, 就要20分鐘一班...

另外, 我諗2B班次因為車少, 反而穩定過1號,
起碼唔會抽佢D車走其他線先啦!

還記得大約十年前, 尖沙咀有好多工程既時候, 當時1號脫班問題好嚴重
當年等1號經常等超過25分鐘先有車, 尖咀上車返竹園隨時要個半鐘, 試過一次行路都係咁上下時間, 唔係講笑
後來工程慢慢完成, 脫班情況慢慢改善

但近半年等1號, 有種返左十年前既感覺
任何時候都有機會等廿幾分鐘先有一班1號, 去到太子隨時上唔到車
有時星期六日下午見到1號o係竹園收兩部車, 但同時又要拉車去幫2B

而家真係覺得等2B反而無咁慶, 至少2B寫明廿幾分鐘一班無呃你
1號寫出來最疏10分鐘一班, 但夜晚隨時大部份班次都唔只10分鐘一班

何解1成日都要幫2B手既?

因為2B有一正一蛇成日輪住收車
再加上柯打2B果架1-S1又係成日收,
所以而家成日都會有1號拉2B

2B係竹園又真係幾"穩定"架...
次次一過鐘就會拉車黎行...
不過條線咁少車都仲要收車...
又真係好難唔脫...

而家等1號...
有時就算係尖碼都可以打爆部車...
後車又係照隔三四個字...
都唔知叫旺角油麻地班客點算...
仲要得閒去下2B/11K
情況就仲嚴重...