派六千人人有份的話就來民怨爆煲

反新移民遊行搞手：最嬲港府不公 不滿分薄港人資源 堅稱無歧視
(明報)2011年4月10日 星期日 05:05

【明報專訊】內地孕婦來港迫爆產房加上政府派錢風波，激起社會分化浮面，約400名網民發起今天上街，高舉「不滿關愛基金向未住滿7年新移民    派6000元」大旗，但揭開旗幟背後，他們對口中「大陸人」的不滿，又何止那6000元？遊行搞手過去一周在facebook動員，他們不是瞓街激進青年，一個是年近四十的生意佬，一個是三十出頭的OL，均為中產的兩人之前毫不相識，亦沒有政黨背景，今天是人生首次擔大旗遊行，為何如此「火滾」？「我口地無歧視大陸人，最嬲係特區政府    唔公平。」

生意佬Andy和辦公室女郎Ada都是土生香港人，思維都以「香港」而非「中國」為本，他們以「本土居民愛香港，捍衛家園沒有錯」的組織名義發起遊行，價值觀裏那條「公平界線」圍繞著居港滿7年者畫圈，新移民即使踏進香港土地，根據他們的邏輯，其實還是在「圈外」，「大陸人的想法，跟我口地香港人真係好唔同」。

文化差異致不可融合

他們「不滿新移民」的邏輯，由不滿內地旅客說起。Ada九七後畢業，每天返工放工都見到這樣的風景：「大陸人無禮貌大聲講口野隨街吐痰屙屎撩鼻屎去到名店白鴿眼，香港人都忍氣吞聲，點解？因為大陸人送來一篋篋錢。」曾經，她一出街見到每年在港消費逾千億元的大陸人就會火滾，在網上發牢騷，卻被朋友反罵她歧視同胞。「直到有人提醒我：香港同大陸係兩種唔同文化，大陸人來到香港，我們無權要他們改變。於是我明白，大陸人隨街吐痰屙屎無得變，要變，就只有香港人變。」Ada所指的「香港人變」不是隻眼開隻眼閉，而是特區政府要變。

「回歸後，港府有很多政策說是中港融合，但無考慮過骨子裏根本融合唔到，因為香港和大陸的文化是兩碼子的事。」她不滿政府坐視不理：內地孕婦來港產子攤分公立醫院資源、內地媽媽來港買奶粉無上限不用繳稅、單程證    審批準則無公開致低學歷低技術內地人湧港，「這些，對納稅的香港人都好唔公平」。

針對好食懶非騙綜援    者

經常往返內地做生意的Andy聲稱，接觸不少內地人很嚮往香港的資源：「佢口地覺得花5萬蚊來香港生個仔就有居留權，著數過花600萬為下一代搞投資移民。又有些大陸人生完就留個仔喺香港，以為香港資源多福利可養自己個仔……呢口的都係香港政府一手造成，令大陸人可來搵著數。」

拎福利的統統都是罪人？Andy說：「我唔係話綜援養懶人，綜援照顧老弱傷殘理所當然，但唔係養一班有手有腳可以照顧自己的大陸新移民。」記者解釋不少新移民是來香港後才被丈夫拋棄或失業，迫不得已才領綜援應急，「這些有真正困難的，我不反對他們領綜援，我只係針對那些呃綜援好食懶非者」。政府數字顯示，詐騙綜援數字其實不足1%，Andy就堅持「好多呃錢的政府都唔知」，但事實上，居港未滿7年獲酌情批綜援者，只佔28萬領綜援總人數的6%。

不敢反人人派錢 「畀人鬧死」

他們既然贊同援助有困難的人，向有需要的新移民派6000元又有什麼問題？Ada反問：「你認為政府真是向有需要的人派錢？新移民領錢有入息審查，即係基層勞工拎不到、唔做口野的反而拎到，根本派錢就係錯。」為何不索性反對政府向人人派6000元？「點反？畀人鬧死。」

兩人不滿大懶蟲，但好食懶非者又是否局限新移民？「所以我們唔係歧視新移民。我們企出來，是捍衛香港的核心價值——自力更生，唔係攤大手板。」既強調不是歧視，為何遊行又要標榜「反對新移民獲發6000元」這帶歧視性質的口號？「這是網民的共識、也是gimmick（噱頭），講得太深奧無人明。」

嫌政治「污穢」 沒想民主政制

Andy一會後續說：「其他參加遊行的人點諗、有否歧視，我唔知，但我同Ada都無歧視，只係嬲政府。我口地企出來無分化社會，因為分化一早已經存在。」「有人罵我係納粹、右翼、法西斯，sorry，我唔知呢口的係咩，我唔想捲入政治。」Andy和Ada覺得政治「污穢」，因此亦沒有思考過民主政制對社會改革的重要性。

「上一代香港新移民自力更生不會拎著數，那是我們兒時的香港。」Andy和Ada緬懷殖民地香港——那是港人叫大陸人做阿燦的年代，如今獅子山下香港人頭頂上是否仍掛著昔日的優越光環？記者即使不問，答案其實亦擺在眼前。

明報記者 盧曼思

個人意見:
身為土生土長香港人,點都唔抵得佢地來香港搵著數
那怕佢只得1%, 那怕香港一年有一萬億盈餘
總之呢度ge錢係呢度ge人用的.
一係你就住夠7年歸化, 一係你就做野去貢獻

我地香港冇錢唔會問大陸拿,同樣, 我地有冇錢淨,我地醫院有冇床位淨,同你班寄生蟲冇關係.
你有幾可見香港人移民去英美澳家係拿果邊福利
個個過去最多開酒樓/餐廳/supermarket

我地香港人從來唔會問人拿. 同樣你班友仔,派錢關你乜事.福利關你乜事.
想要著數,請做香港人,請貢獻.你住夠7年跟正手續做左香港人我冇得理你
但每度有每度規矩.如果你地要ge權利同永久居民冇分別,咁仲分類做永唔永久居民做乜.

香港沒有拎大陸的錢
卻年年向中央乞求 CEPA  等等的經濟著數
因此成為了國內人的話柄
話香港同中央拎咁多著數
宜家國內人落嚟香港拎福利也不足為過

引文有一句很值得深思
"用五萬蚊搞落嚟香港生仔, 好過搞幾百萬的移民計劃"
相信過多十零廿年, 那些什麼內地專才計劃都可以摺埋了

工作上需要，成日都會遇到內地人
雖然好多都好實在，但係有D就會寸
學似你講話香港黎拎著數
通常我都會咁會應
"我也不曉得為什麼人家英國人管一百年，沒出什麼錢，反而賺大錢
現在中國人做主，卻搞成這個樣...我想到這裡也有點丟臉"
既話香港無用，更明顯話大陸人管得一塌糊塗
跟住懶醒既大陸人就會駁我話管香港既都係香港人
我就會同佢講："是的，而且全都是中央任命的！我真希望有個朱鎔基的來管香港"

通常被我連踩佢兩野，果D懶醒既大陸佬就收檔
大家不妨一試
當然~如果人家客客氣氣既，我都唔會開火既~

[ 本帖最後由 dicksonboy 於 2011-4-11 01:06 編輯 ]

英國人入關百幾年,
大興土木, 掠你香港水運番娘家, 大攪分化歧視
比中共更加高壓管治

我話之你起咁多野係為左比英聯邦公司掠水,話知你出所有錢都係落番英國袋,
我話知你立法局除左臨尾果40年,華人聲都冇得聲,
話知你擺明鏟除共產黨員,隔離國民黨,分化華人.

以前香港點貪污腐敗,香港人都冇咁艱苦.個個係佢個潛規則之下人人都有生活空間,人人都滿足.
人人都辛苦得來係滿意生活

話之以前我地呀督爺兵頭係英國佬揀左過來管班愚民冇得我地揀.
至少佢真係有自治程度, 呀葛量洪,麥里浩兩大明君到肥彭
佢地可以唔洗受英國咁大阻撓已經可以改革香港成個政府架構,可以改行政局立法局
人地班督爺唔係諗自己最多10年任內policy. 楊慕奇,葛量洪,麥里浩佢地ge遠見,
係規模香港未來幾十年的藍圖.
咩即.肥彭明做得幾年之後都唔關英國事,點解佢仲要諗點解放香港改革香港先.
呢d先係熱血醉心政治的人...唔係我地CEO咁要名要利,"人一生總要死一次"心態,安安定定諗住做夠數走人.

請相比我地家陣,
800人"選出來"ge自治CEO, 竟然連小小野都要問左中央先呀.港督唔係民選都有得話事
成日怕8年任期攪死自己冇得做落去,成日怕退左休冇得派餅.
你睇我地政府,董建華都諗5年計劃啦, 曾班子可憐到唔好話一年諗一次,
連我地個財爺都"今日唔知聽日事"
問佢未來10年?
佢連未來3年個教育,佢no idea,
未來3年房屋, no idea.
未來3年點政改? no idea. Timetable出左啦.好大步架喇.
未來3年經濟金融點呀? no idea. 我地predict唔到,見步行步.
你同跟住個搵朝唔得晚,日日出去搵散工ge老豆有乜分別.實餓鬼死你呀衰仔.

以前呀葛量洪係過英國parliament度游說parliament,連楊慕奇交ge計劃出晒草案都比佢游說到scrap左.
今日呀曾班子, 係等大陸指示,等溫總/習總開聲訓話:香港應該點點點,唔好點點點..
大陸出聲,冇plan變有plan, 有plan變冇plan.仲等佢學港督番去同事頭婆講數傾 政改 ?
收檔啦.你望住佢番大陸同呀爺述職領旨啦....係老佛爺,渣.

所以樓上講得好岩,

"我也不曉得為什麼人家英國人管一百年，沒出什麼錢，反而賺大錢
現在中國人做主，卻搞成這個樣...我想到這裡也有點丟臉"
既話香港無用，更明顯話大陸人管得一塌糊塗
跟住懶醒既大陸人就會駁我話管香港既都係香港人
我就會同佢講："是的，而且全都是中央任命的！我真希望有個朱鎔基的來管香港"

大陸根本唔識教仔.
你怕香港人反你所以唔比自治我地,你太唔清你個仔喇.
香港人百幾年來,我聽過暴動左右派打大交.(英國佬煽動)
但我冇聽過香港人上街話驅除老鬼,復興中華.我從來冇聽過有人反英國.
但呢十幾年,反共聲音有幾大, 立法局入面點樣出現"反皇派"...其實答左你.
香港人呀....聲大夾惡,有飽飯食邊得閒同你玩反政府丫. 香港人要自治,因為我地自己有自己規矩
會發揮但唔會出軌. 所以我地有自知自名,我地唔會同你玩轉party.見好就收.
我地因此自知自己攪得掂,根本唔會比你強加你果套去管我地.
民怨,係你做出來ge,唔係我地本有等你去壓抑.

成日果句,你有米唔係大晒.你係強國唔代表你係正確.
有錢佬唔識教仔大有人在.
"你係真係愛我就比自由我,同樣地你係想香港好中國好就比我地自己來.唔好成日插手等領旨,垂簾聽政,訓示"

點解事頭婆乜都搵我地老襯著數問我地泵水度水,香港都仲賺大錢
點解呀爺"皇恩浩蕩"施捨合作關係/面子比我地,我地都仲係咁霉.
跟大佬,我跟佢佢叫我去劈友問我要錢, 我跟你你點條好路比我收沱地
點解跟佢我仲住半山,我跟你我番去訓砵闌街板間房...
呢個咪係個大佬問題lor

多言了.紅軍請出手插死我吧

[ 本帖最後由 cn2661_2d32 於 2011-4-11 03:57 編輯 ]

好文。
生活有困難，應該係內地政府幫佢地，而唔係佢地湧落黎香港分政府還富於香港人民嘅六千。
就算真係困難到要香港政府幫，都應該用綜援一類嘅正確途徑去幫。
眼紅永久居民有錢拎就嘈生哂話點解無份，小心香港政府火滾起上黎唔畀你地落黎呀！
（雖然呢件事無可能發生）

原帖由 流星☆雨 於 2011-4-11 06:45 發表
好文。
生活有困難，應該係內地政府幫佢地，而唔係佢地湧落黎香港分政府還富於香港人民嘅六千。
就算真係困難到要香港政府幫，都應該用綜援一類嘅正確途徑去幫。
眼紅永久居民有錢拎就嘈生哂話點解無份，小心香港政府火滾起 ...

冇錯.香港政府咁發威就唔洗做病貓啦.
可惜個trend只會越放越大個quota比人落

如果佢係敢發威,早就強制唔比大肚大陸婆入境添啦.

一句講晒...佢敢咩?
佢仲要幫呀爺閔屎親吻呀爺屎忽刷鞋

原帖由 cn2661_2d32 於 2011-4-11 03:37 發表
以前香港點貪污腐敗,香港人都冇咁艱苦.

你其他意見我贊同

但你真心認為依家香港人比50-60年代艱苦???

原帖由 cky 於 2011-4-10 21:45 發表
香港沒有拎大陸的錢
卻年年向中央乞求 CEPA  等等的經濟著數
因此成為了國內人的話柄
話香港同中央拎咁多著數
宜家國內人落嚟香港拎福利也不足為過

引文有一句很值得深思
"用五萬蚊搞落嚟香港生仔, 好過搞幾百萬的 ...

求經濟著數的係班官同生意佬, 我地無求過
好多「著數」, 根本只係由唔平等變做平等
好似九七後香港人大舉北上消費, 但大陸人就無來港消費
自由行的出現只係平衡返, 唔係咩恩賜

原帖由 cn2661_2d32 於 2011-4-11 08:17 發表


冇錯.香港政府咁發威就唔洗做病貓啦.
可惜個trend只會越放越大個quota比人落

如果佢係敢發威,早就強制唔比大肚大陸婆入境添啦.

一句講晒...佢敢咩?
佢仲要幫呀爺閔屎親吻呀爺屎忽刷鞋 ...

又唔可以乜都賴哂阿爺,
個仔咁蠢, 你估佢唔想換左佢？

望下回歸後既施政報告, 除左八萬五,
我真係數唔出邊項政策係長遠。

教育、住屋、醫療、工商, 全部頭痛醫頭, 腳痛醫痛。
做政策睇見就牙煙, 左改右改, 自己都唔知點好...
以前港英政府搞政策, 最興就整個pilot scheme,
搵公營/津貼機構做白老鼠, 最多毒死隻白老鼠。

而家, 從母語教學, 到最低工資, 有邊項政策成功？
全部都要一步到位, 落錯藥人都毒死埋。
俾人話多幾次, 就政策都廢事做, 拖到個煲爆先算。
班政務官、部份問責官員, 係港英架構train咁多年,
我真係唔明點解少少sense都練唔到。

新移民搶資源問題, 2001年釋法後就已經預左啦...
而家2011年, 當年擔心既野終於出現,
但中間10年做過乜野準備？
內地人來港產子問題, 幾年前已經報緊, 幾年仲諗唔到辦法？

單單新聞都係咁, 有少少common sense就算做唔到最好,
起碼唔會一塌糊塗。
睇得多真係會好嬲、勁嬲,
而家我睇報紙都係大約望下, 知道重點就算...
咁既時勢, 最緊要自己對自己好。

原帖由 Kaix 於 2011-4-11 10:02 發表



你其他意見我贊同

但你真心認為依家香港人比50-60年代艱苦???

咁又係呀, 50-60年代窮,
但肯捱肯搏, 可以準時放工返屋企黐膠花、租部衣車係屋企車衫。

而家點夠以前艱苦呢？
間間公司都有病, 8個人做10個人既野,
我真係未聽過有人(文職)可以準時收工。
就算冇野做, 老闆鐘意熱鬧, 冇同事肯放工, 坐都要坐OT。

d大食懶做盡都係一份工, 冇搵part-time已經要一死以謝天下啦, 係咪？