[新野?] 城巴圖像顯示報站系統?!

原帖由 HM3835 於 2011-4-14 22:54 發表
你用一套十幾年前既系統對比，乜都過時啦。
抽水還抽水，十幾年黎呢套系統方便左唔少人。
哥仔你一野否認晒成套系統好似有點兒過份。

而且RoadShow同報站兩樣野黎，有RoadShow唔會冇報站。錢落左去RoadShow整條新聞bar，唔 ...

或者之前表達得唔清楚...
我正正係講緊九巴唔識與時並進
對手已經開始用GPS自動報站系統
九巴就仍然用緊一套十年前研發既人手報站系統

而家講緊既重點係報站機形式既問題
九巴既報站系統無錯係方便左乘客(報站機都係為此而生既啫...)
但係報錯站就除時會變成乘客陷阱
乘客因為咁而落錯車,浪費左額外既時間同金錢
呢方面唔係話打去九巴熱線媽叉佢就可以攞得番
而我亦見過有乘客因而差d落錯車,好在我及時叫住佢先化解到

於科技日新月異既大前題下
九巴係咪應該諗下轉用更可靠既報站系統呢?

至於noshow, 原意都係為乘客帶黎冇咁沉悶既車程
但係有資訊娛樂都好,總有乘客係希望享受一個寧靜既車程
但係偏偏部分巴士既noshow聲音經常過大
即使乘客想係車上靜靜地休息番一陣
都俾d噪音搞住哂

用番閂左noshow既巴士同開左既巴士做對比
完全係兩種感覺,前者明顯舒服好多
我唔係話noshow既出現完全係多餘
但係於短短十年中
noshow由一個真正既資料娛樂系統變成9成時間都係播廣告既佈景板
內容空泛之餘聲音又過大
受d噪音影響耐左原本幾好心情都或多或少俾佢影響到

講番九巴報站系統既問題
報站機原本只係一個方便提醒乘客既系統
當巴士內部都貼滿廣告既同時,報站機都播埋廣告
讓乘客感受到既係:巴士公司過於商業化
連少少空間都唔放過黎加埋廣告
於商家眼中無錯係搵銀最重要,而善用每一寸地方呢d叫精明
但係於乘客眼中,咁樣只係叫討厭、惘顧乘客感受

試諗下一個「藍威寶提提你...」廣告會浪費幾多時間?
要記住之前仲有「藍威寶洗地洗碗清潔企理...」既前言
若果下一站只係相距好近,單單一個「藍威寶提提你...」就已經浪費左十幾廿秒
分分鐘未播完就已經到站,咁樣報站機仲可以起到方便提醒乘客既作用咩?

而且九巴現時所用既報站系統明顯只係方便本地乘客
對外地乘客而言,一段一閃即逝既英文一定要落足眼力睇
錯過左就唔知下一站係咩站,咁對於外地乘客而言根本起唔到方便作用

最後,巴迷的確幾勁,難得可以有班人對於日常乘搭既巴士既設備都有咁深入了解
不過勁還勁,知識只係工作其中一個要素
冇經驗都成唔到事,而有呢方面經驗既巴士迷又唔多
既然係咁,解決九巴問題就唯有交番俾一群有經驗但冇呢方面知識既商家自行解決了

講完呢番說話,希望令你明白到究竟我係為純粹為插而插定還是九巴的確抵插吧...

[ 本帖最後由 WING93 於 2011-4-15 15:12 編輯 ]

原帖由 bustop 於 2011-4-15 12:07 發表


內容越來越短
+ 廣告商來來去去果幾個
+ 同一廣告一round播兩三次
+ 大部份節目只做政府/地區團體喉舌

係咪代表左Roadshow越來越少人幫襯?

以前roadshow都有辦一啲活動例如音樂會、贊助等等做宣傳roadshow
但近年好似少咗咁
到底係咪顯示佢地有啲衰落呢？

原帖由 WING93 於 2011-4-15 14:42 發表

或者之前表達得唔清楚...
我正正係講緊九巴唔識與時並進
對手已經開始用GPS自動報站系統
九巴就仍然用緊一套十年前研發既人手報站系統

邊個先進對於乘客而言無意思架
達者為先，九巴已經全部車輛有報站起碼六七年，城記到宜家拍馬屁都追唔到

更遑論城記個種電腦聲，細聲、語速過快、斷字亂黎一通，個d “港島紋身書院”、“堅拿道巴   士專用綫” 簡直不堪入目

個套野根本就唔可以話係成功嘅系統

其實如果淨係係近年引入既新車（如AVBWU）使用較新科技既報站系統，又是否可行？最少可以減省全線upgrade既成本，亦都比人見到有進步

但話時話，呢部#592上層既報站顯示又點樣處理？

原帖由 Wright---AVW16 於 2011-4-15 16:55 發表
其實如果淨係係近年引入既新車（如AVBWU）使用較新科技既報站系統，又是否可行？最少可以減省全線upgrade既成本，亦都比人見到有進步

但話時話，呢部#592上層既報站顯示又點樣處理？ ...

當然得... 正如 97 年起購入 Hanover 都唔代表宜家都只能夠繼續用 Hanover，一樣有 Gorba 鴻隆

不過，就好似買完 Gorba 知少少中伏之後，都要繼續買 Hanover；當揾個一個真正好過凱倫嘅報站系統之前，繼續用係合理做法

原帖由 kp3011 於 2011-4-15 16:44 發表


邊個先進對於乘客而言無意思架
達者為先，九巴已經全部車輛有報站起碼六七年，城記到宜家拍馬屁都追唔到

更遑論城記個種電腦聲，細聲、語速過快、斷字亂黎一通，個d “港島紋身書院”、“堅拿道巴   士專用綫” 簡直不堪 ...

如果早引入就叫「拍馬屁都追唔到」，咁 iPhone 係咪拍馬屁都追唔到水壺電話？
我真係唔明咩叫「邊個先進對於乘客而言無意思」，我諗應該係「先進左的野對乘客有無好處」先正確。

至於論聲，我覺得城巴除左時大時細聲外（因為係車長控制），同九巴不相伯仲咋喎。
不過主觀感受呢家野好難講，或者有部分人聽慣有感情？

其實我唔明點解大家成日要比較兩間公司，九巴今日套系統舊，他日換系統時一定會先進過城巴架喎....
點解城巴有系統九巴就要馬上跟住換？唔係浪費咩？同班議員話要全港歐二三巴士換做歐五有咩分別？

原帖由 Mandurah__Line 於 2011-4-15 13:44 發表


Roadshow節目最記得以前有個鈴聲排行榜

睇怕依家都已經無左

好似好耐無見過D主持啦(定係我少睇RS?)

如果用RS播MV都好WO
鄗期見過播鄧麗欣 花小姐同梁漢民 中鋒 GE MV
好懷念以前D節目

可能不久將來係Roadshow 度報埋站, 連報站機都慳返

原帖由 kp3011 於 2011-4-15 16:44 發表
邊個先進對於乘客而言無意思架
達者為先，九巴已經全部車輛有報站起碼六七年，城記到宜家拍馬屁都追唔到

更遑論城記個種電腦聲，細聲、語速過快、斷字亂黎一通，個d “港島紋身書院”、“堅拿道巴   士專用綫” 簡直不堪 ...

就算達者為先 佢唔更新有關技術 當時間令問題浮現0既時候又點呢？
(如果九巴唔係行掛牌線 學似城巴咁日日跳飛機0既 唔通要師傅帶住十幾廿張CF咭？)

如果閣下近幾個月都無咩「真正」搭城巴0既 咁你呢句話應該收回
而家城巴0個套系統絕對夠聲(除非你0係正兩個喇叭位中間或者上車門 唔係唔會話聽唔到/好細聲
我就算戴住headphone都聽到佢報站 可想而知幾大聲)
語速、斷字亦唔見有咩好投訴 (除非你大近視又唔願戴眼鏡又要坐車尾或者係盲人 下一站資料有跑馬燈顯示 唔係一定要「聽」)

原帖由 HA7874~HC2110 於 2011-4-15 19:36 發表
可能不久將來係Roadshow 度報埋站, 連報站機都慳返

呢個可能性不大 因為RoadShow本身係讀取光碟資料
加上每次車程都唔保證咁準時到指定車站

原帖由 JN6854 於 2011-4-15 23:00 發表

就算達者為先 佢唔更新有關技術 當時間令問題浮現0既時候又點呢？
(如果九巴唔係行掛牌線 學似城巴咁日日跳飛機0既 唔通要師傅帶住十幾廿張CF咭？)

如果閣下近幾個月都無咩「真正」搭城巴0既 咁你呢句話應該收回
而家 ...

佢係咪近幾個月冇搭過城巴就唔知，但係閣下似乎幾個月冇搭過有roadshow既巴士
roadshow轉左電腦控制，唔再係播碟，如果唔係點播走馬燈即時新聞