[新野?] 城巴圖像顯示報站系統?!

原帖由 OTIS401 於 2011-4-16 12:18 發表


反而覺得改左用PC播之後，個system一時穩定一時唔穩定
成程車係度不斷reboot、藍畫面、hang機......司空見慣
此外換左PC之後，多左好多車只有聲無畫面
所以如果想電視做埋報站機的話，請九記先改善原先個system的穩定性
...

咁似乎呢個穩定性要搵偉大既微軟黎攪。
藍畫面，hang機響微軟系統手上，冇可能唔發生。

原帖由 HM3835 於 2011-4-16 16:29 發表
咁似乎呢個穩定性要搵偉大既微軟黎攪。
藍畫面，hang機響微軟系統手上，冇可能唔發生。

基本上 Mac 機一樣會 hang
電腦始終都係電腦, 點都會有電腦故障發生
根本就唔關微軟唔微軟事 ~

原帖由 AVD1 於 2011-4-16 16:37 發表

基本上 Mac 機一樣會 hang
電腦始終都係電腦, 點都會有電腦故障發生
根本就唔關微軟唔微軟事 ~

師兄，我只係講微軟hang機好正常，唔駛咁快拖埋Mac落水wor
微軟OS hang左唔搵微軟攪，唔通叫病到就死既Steve Jobs攪咩。
不過帶定頭盔先...，我唔係話developer無責任呀！

離晒題喇

原帖由 HM3835 於 2011-4-16 17:02 發表
師兄，我只係講微軟hang機好正常，唔駛咁快拖埋Mac落水wor
微軟OS hang左唔搵微軟攪，唔通叫病到就死既Steve Jobs攪咩。
不過帶定頭盔先...，我唔係話developer無責任呀！

離晒題喇 ...

啦, 即係咁,
越多功能就越易 hang 機 (基本上電話都係架, 你以前黑白機時代好小會死機架 bor, 而家用到 SmartPhone ... 有冇死機大家心中有數) ~

報站系統起呢個年代黎講都算係必須,
但係 RoadShow 唔係丫嗎 ~

所以我唔見得點解死要報站系統要融入 RoadShow 入面,
第二, 見樓上係咁話城記同九記個報站系統,
又話九記個個過時,
講真, 如果司機真係每一個站, 就 "咁" 一次報站機, 實情呢個先係最準
城記個個用 GPS 加上其他科技協助, 但係始終香港高樓大廈多, 加上又要網路處理等等需時, 起站多 o既路線上, 分分鐘呢個所謂好處就會變成壞處 ~

我想講每一樣野都有佢優點與缺點而已 ~

原帖由 kp3011 於 2011-4-16 10:40 發表


咁你講咁大段野，有關問題浮現左未先？無就即係國情不同，不能互相比較，即係其實大家只係一齊鬥（or 狗）up 啦
跳飛機又如何，凱倫報站都唔係白癡架，一次過可以 store 4 張卡，新城都好少一日一架車行多過 4 條綫啦
KGIS 每次轉路 ...

警告: kp3011

站友大家都只是討論, 閣下形容其他站友討論為"狗up",
這形容不但粗俗, 亦對其他站友之討論極為不尊重, 違反
站規15及34A.

考慮到有關站友一向未有違規, 及有關字眼不是直接指罵站友,
現對閣下發出"警告", 再違反站規將被停版.

B2版主
admin26
3ASV196

講報站：
如果九巴報站可以中英輪流走馬燈顯示，可能較好。
為免混淆，可以在轉站時加上「下一站：ＸＸＸ　Next stop: XXX」這一幕。
我在日本所見，報站都係一直轉換日文及英文的，
有用單行LED、雙行LED、整塊彩色LCD等形式，但不清楚是定位轉站還是人手轉站。

講電視：
Roadshow近來好似真係好少搞作，內容亦越來越空泛，
除了睇字幕報新聞外，已沒有甚麼觀賞價值。
很多新車沒有或未裝上電視，樂得清靜。
我個人就沒有所謂，反正睡魔急call的話佢部電視嘈住我都訓得著。

原帖由 gn3509 於 2011-4-16 01:43 發表
佢係咪近幾個月冇搭過城巴就唔知，但係閣下似乎幾個月冇搭過有roadshow既巴士
roadshow轉左電腦控制，唔再係播碟，如果唔係點播走馬燈即時新聞

就算架車有RoadShow 我都習慣打機/睇小說 唔會全程睇電視 甚至坐0係下層車頭
最多係睇佢0的即時資訊 (內容講老實仲衰過免費電視.
如果唔係免費電視有限制每節最短播放時間 一早已經好似RoadShow咁不斷廣告再廣告...)

原帖由 kp3011 於 2011-4-16 10:40 發表
咁你講咁大段野，有關問題浮現左未先？無就即係國情不同，不能互相比較，即係其實大家只係一齊鬥（or 狗）up 啦
跳飛機又如何，凱倫報站都唔係白癡架，一次過可以 store 4 張卡，新城都好少一日一架車行多過 4 條綫啦
KGIS 每次轉路綫都要重新 download 過資料（以我所知舊版係，新版就要請教下高人）

如果唔係盲人就應該睇字幕唔好理音量，咁我想問你是咪想歧視盲人？佢地同正常人有相同的聽力，正常人聽唔到，佢地一樣聽唔到，但佢地無得依靠視覺睇報站

「齋talk」代表問題真係未浮現？
系統容量再大 只要資料遺漏更新、突然要調走一條無該線資料0既線、師傅唔記得按掣 九巴個報站系統已經即時「廢武功」甚至累生客落錯車
(已經見過唔少次170師傅駛到『城都工業大廈』仲報緊『田灣街』)

原帖由 JN6854 於 2011-4-15 23:00 發表
(除非你大近視又唔願戴眼鏡又要坐車尾或者係盲人 下一站資料有跑馬燈顯示 唔係一定要「聽」)

正常人無指定必須靠聽覺 可以用視覺補足

盲人如果要去一個陌生地方，會有『正常人』隨行 而經常使用0既路線，除非有突然而明顯0既更動，佢地係清楚自己要點樣行路、搭車
(我以往朝早搭新巴42時就有一位盲人每日都係自己搭車番工 我地『正常人』做0既係協助佢上車同搵位坐 即使無報站都知搭到邊度落車)

原帖由 DIH 於 2011-4-16 21:23 發表
講報站：
如果九巴報站可以中英輪流走馬燈顯示，可能較好。
為免混淆，可以在轉站時加上「下一站：ＸＸＸ　Next stop: XXX」這一幕。
我在日本所見，報站都係一直轉換日文及英文的，
有用單行LED、雙行LED、整塊彩色LCD等形式，但不清楚 ...

Dbay用果隻報站牌子同九巴果隻一樣,部主機同個display就咁睇落去都一樣
但係Dbay係可以用跑馬燈方式(純橙色LED)出報站

原帖由 JN6854 於 2011-4-16 00:00 發表

就算達者為先 佢唔更新有關技術 當時間令問題浮現0既時候又點呢？
(如果九巴唔係行掛牌線 學似城巴咁日日跳飛機0既 唔通要師傅帶住十幾廿張CF咭？)

如果閣下近幾個月都無咩「真正」搭城巴0既 咁你呢句話應該收回
而家 ...

語速過快,語調奇怪,停頓不常呢D係錄音問題,點解唔同真人要用機gen?

細聲都唔係個別車的問題....
坐103咁多次係導航位都係聽唔清

大家可能太過耐無用一個街客角度諗
對於街客來講你用咩技術關佢咩事...

城記設計上係好,不過始終有缺點,而家係咪只可以踩老九唔可以鬧黃色公司?
例如錄音錄好少少...條電腦音真係好惡頂.... 除左民生同堅拿道之外仲有 "電器 道街市"

原帖由 herman15hk 於 2011-4-17 01:20 發表
語速過快,語調奇怪,停頓不常呢D係錄音問題,點解唔同真人要用機gen?

用電腦合成聲大勢所趨, 用真人聲成本又高, data又可能會多d
佢第二代機肯改善英文把聲已經好返好多
定係大家想聽九巴熱線個隻"合併"聲