港島10X加密班次及延長服務時間

來源：南區區議員司馬文之電郵

各位薄扶林居民:

新的營運商將倍增運行車輛數目，務求保證10X小巴的班次能維持於15分鐘一班（平日）及20分鐘一班（星期日及公眾假期）。

經4月1日接管小巴路線後，AMS 進智公交已安排額外司機及車隊，以便於明天2011年4月15日實施班次改善措施。

現附上路線圖和參考時間表。請注意，時間表有可能受到沿途交通情況影響。

我們將繼續檢討薄扶林的公共交通服務，並尋求進一步的改善方案。

歡迎大家繼續向我們發表意見。

南區區議員(薄扶林)

司馬文

根據司馬文議員轉寄的進智公交10X新時間表，尾車由美景臺開出時間會由現時2000延長至2030：
http://www.681busterminal.com/version2/10X-timetable.pdf

報告完畢！

AMS做事點都係比較進取，接管咗呢組線後十五日就有所行動，唔知跟住又會做啲乜去優化佢呢組線呢？話時話，點解呢組路線全部都有個共通點，就係全部都係要經般含道，堅道呢啲西半山路段，而且又經常擠塞既路段，其實可否索性重組吓，例如將10X改為不經半山，改行山道特快去中環，咪更切合佢X呢個編號。另外不如將影子路線11取消佢啦，成粒鐘先有車，都唔知做嚟做乜，而我亦都只係喺小巴路線表度同喺論壇上聽到有師兄見過呢條線，跟本親眼都未曾見過有車行過呢條線，路條牌，站牌亦都未見過，呢條線真係太神秘呀，真係唔知佢仲有乜存在價值，希望AMS再做啲嘢啦。

原帖由 guy1021 於 14/4/2011 22:38 發表
就係全部都係要經般含道，堅道呢啲西半山路段

無計，講真10/31系最大客源位就係Kong U、般咸道同堅道 ..

為左呢幾條新線，抽左4*唔少人去，搞到一更變特更，有開工冇收工，慘情

搭單：AMS 網站已經加入 10, 10X, 11, 31 路線資料

10X個服務範圍太細，美景台個邊本身唔夠客，行海皮真係等取消
如果唔係上一手10X重組後做咩要駛經大口環(我試過係骨科醫院上到10X)

佢原意係想用最少資源去做美景台，放d多車行10去數碼港，好事黎
但係10X真係不倫不類

本來以為AMS收購純為搵多幾部車調動，我一開始已對10/X/31等線無咩期望
唯一既係，當批小巴要還返比上一手個陣，10/X/31相信重組走唔甩

而我希望10/X/31有得同其他AMS線轉乘

原帖由 KMB-ATE1 於 2011-4-14 23:29 發表
無計，講真10/31系最大客源位就係Kong U、般咸道同堅道 ..

般含道/般咸道同樣適用 (純綷當年譯音問題：Bonham Road)
http://www.tumblr.com/tagged/bonham+road

原帖由 danzighill 於 2011-4-15 00:46 發表
為左呢幾條新線，抽左4*唔少人去，搞到一更變特更，有開工冇收工，慘情

師兄 0個日你po 10X電牌0個時我都已經話玩呢樣0野0架啦
其實8同10X夾車同班次會比較好

PS. 雖然AMS官網已經加0左呢幾條線資料 但未正式公佈延長10X服務時間同加班

原帖由 JN6854 於 2011-4-15 23:13 發表

般含道/般咸道同樣適用 (純綷當年譯音問題：Bonham Road)
http://www.tumblr.com/tagged/bonham+road

雖然話係譯音問題, 但政府早於1958年已經刊憲, 說明般含道改名為般咸道

正如我地唔會叫太子道做英皇子道, 梳士巴利道叫做疏利士巴利道, 所以都係叫番般咸道好d

[ 本帖最後由 kiwai 於 2011-4-16 07:24 編輯 ]

原帖由 guy1021 於 2011-4-14 22:38 發表
AMS做事點都係比較進取，接管咗呢組線後十五日就有所行動，唔知跟住又會做啲乜去優化佢呢組線呢？話時話，點解呢組路線全部都有個共通點，就係全部都係要經般含道，堅道呢啲西半山路段，而且又經常擠塞既路段，其實可否索性重組吓，例 ...

可否11改四幹特快去金鐘灣仔銅鑼灣？
我試過坐37B去天樂里成45分鐘，行埋過Sogo成粒鐘

原帖由 kiwai 於 2011-4-16 07:22 發表


雖然話係譯音問題, 但政府早於1958年已經刊憲, 說明般含道改名為般咸道

正如我地唔會叫太子道做英皇子道, 梳士巴利道叫做疏利士巴利道, 所以都係叫番般咸道好d ...

其實某中西區EMI 中文地址好多時都係照出般含道

PS:
唔知AMS 幾時先可以換走晒10/31原馬亞木個班阿伯同金毛司機呢
班人態度又差,成日飛站又超速
次次係西島學校截車都唔停

31夜晚有個阿伯直頭係聽覺有少少問題
D人成日叫落車佢都係聽唔到
要去到佢耳邊叫先落到車