坐中巴年代的9號及14號巴士經歷

原帖由 2ac 於 2011-4-18 21:12 發表
聽番板友們的意見
小弟不禁反過來諗：有無話坐某d車型, 即使行山路, 感覺都唔「爽」呢?

對我來說, 以前中巴63線的MC, 坐完之後, 唔知有一種什麼的感覺
雖然椅子柔軟但係間中反而會坐到骨痛 ...

自己坐過幾次63/65的MC入赤柱，也有點爽的感覺，但不算很強烈，
最深印象是在山路與對面線73的坡柴高速擦身而過那「颯」的一聲；
不過爽的感覺遠遠不及XF的年代 。

以前的巴士開窗時有空氣流動進車廂，加上避震未必有現在的巴士好，
因此乘坐感也會不同。

我最記得係四五歲0個陣，我屋企同一班親戚去香港仔郊野公
園 BBQ，玩到九點幾十點先至一齊搭雞車 @ 7 號走人，當時
睇住師傅係石排灣村同香港仔水塘道衝落斜0既時候，再係雞
車雄渾0既偈聲配搭之下，都咪話唔爽......

以前細個總會期待夏天既來臨
因為每逢夏天，一家大細得閒就會入石澳玩
去得石澳通常都係星期日，架9號一定係好多人
上一車就會feel到好有沙灘味，因為成車都係沙
好難得坐中上層車頭，幾個細路就會好開心，開到車頭窗大一大
架車一過左大潭道最高個位，開始落斜，成班就會癲晒
部LV係咁飛住去，過彎都唔會點收油，d細路就渣住窗中間條柱o係度大呼小叫
架車不斷撞到左面山坡d樹，偶爾飛入幾條被撞斷既樹枝
到左鶴咀個髮夾彎，就會突然見到勁靚既石澳海灘
成車人都會嘩嘩聲
最後到達石澳總站，成班細路d頭髮豎起晒唔識落番黎
回程番到筲箕灣，會有人賣豉油雞脾，我同老豆，一人一隻

依家...熱狗變冷馬，車廂乾淨左，少左好多沙，唔會有斷樹枝
亦已冇人會大呼小叫
髮夾彎已經冇左，筲箕灣亦都冇豉油雞脾賣
唔知點解，回憶總係咁開心，但又總要滲出一點無奈

現在坐9號始終冇城巴赤柱線咁爽
唔同feel

原帖由 ML29 於 2011-4-19 21:18 發表

自己坐過幾次63/65的MC入赤柱，也有點爽的感覺，但不算很強烈，
最深印象是在山路與對面線73的坡柴高速擦身而過那「颯」的一聲；
不過爽的感覺遠遠不及XF的年代 。

以前的巴士開窗時有空氣流動進車廂，加上避震未必有現 ...

我諗就係呢D回音既關係, 關左窗, D聲浪冇咁勁, 感覺唔會覺得咁極致, 加上而加D車行車既穩定性都比以前好
所以咪覺得冇咁刺激囉
同埋我覺得係個人既心境, 我諗大個左, 對某D野既睇法都會唔同左, 照計都唔會好似細路仔果陣咁無牽無掛

記得細個果陣坐過LX行14同LV, DC行9.
LX俾我印象較模糊, 搭果陣先得5-6歲唔知有冇, 不過記憶中LX把聲好沉又好嘈
LV呢, 行到石澳道果陣就一定會行到VV聱既, 沿途仲一定撞斷樹枝, 印象中門位果D窗都會有人不約而同地閂左佢,
真係坐到心都離一離架, 不過唔知點解果陣又會覺得唔會有意外發生果度先好野

而加坐9坐中16XX既話應該都會覺得幾刺激(唔代表快)

順帶一問, 以前有一段石澳道被拉直左, 咁果度而加變左D咩野?

原帖由 KR7295 於 2011-4-20 15:42 發表
順帶一問, 以前有一段石澳道被拉直左, 咁果度而加變左D咩野?

我唔係港島人，不過有睇地圖習慣，可以睇睇以下這些地方。

http://maps.google.com/?ie=UTF8&hq=&hnear=%E9%A6%99%E6%B8%AF&t=k&layer=c&cbll=22.223011,114.243538&panoid=2k00xTHJwYYkftYRfWqGzw&cbp=12,340.09,,0,16.12&ll=22.222904,114.243549&spn=0.001234,0.002411&z=19
現在鶴咀道這處，右邊舊石壆在這裡完結，我估計這處以北以前屬於石澳道。

http://maps.google.com/?ie=UTF8&hq=&hnear=%E9%A6%99%E6%B8%AF&ll=22.222578,114.24353&spn=0.001244,0.002411&t=k&z=19&layer=c&cbll=22.222472,114.243518&panoid=rAZenqAilHGPJhdaN_qCng&cbp=12,340.09,,0,16.12
鶴咀道這一個位置，留意左邊路壆缺口，草叢入面綠色欄杆的位置，以及右邊石壆在這一段換成新護欄。
以我記憶及估計，以前鶴咀道在這個位置轉左，舊石澳道就在第一個連結舊石壆完結之處，繞住石山型成髮夾彎。
髮夾彎以西的舊石澳道在何處與現在路段匯合，已難以考證。
轉完髮夾彎之後的路段，可能已經被石礦場剷走，死無對證。

當然，真實情況有待熟知情況的板友解答。

[ 本帖最後由 DIH 於 2011-4-20 22:47 編輯 ]

原帖由 KC2000 於 2011-4-18 23:32 發表
1990年某月某日，夏天。
坐著14號中巴，LX3XX尾車往西灣河。
過了堤壩之後約200米左右，車頭冚出煙，
之後跪底。

全車30多人，足足等了一小時，才有一架吉車來接人。
當時一班後生仔，坐在沒有街燈的大潭道，
與卡佬一齊唱歌。
當時 ...

如果發生係今時今日, 要D客等成個鐘, 肯定即刻投訴, 重點會同你唱歌

原帖由 DIH 於 2011-4-20 22:32 發表

我唔係港島人，不過有睇地圖習慣，可以睇睇以下這些地方。

http://maps.google.com/?ie=UTF8&hq=&hnear=%E9%A6%99%E6%B8%AF&t=k&layer=c&cbll=22.223011,114.243538&panoid=2k00xTHJwYYkftYRfWqGzw&cbp=12,340.09,,0,1 ...

個急彎係消失o左，上面係 07 年地圖下面係 95 年地圖

原帖由 DIH 於 2011-4-20 22:32 發表

我唔係港島人，不過有睇地圖習慣，可以睇睇以下這些地方。

http://maps.google.com/?ie=UTF8&hq=&hnear=%E9%A6%99%E6%B8%AF&t=k&layer=c&cbll=22.223011,114.243538&panoid=2k00xTHJwYYkftYRfWqGzw&cbp=12,340.09,,0,1 ...

如果我冇記錯...
個髮夾彎位就係依家鶴咀巴士站掉頭個位
成段都係石澳道
依家俾石礦場剷左果段，東邊都係石壆黎，同依家變成鶴咀道果段既石壆係同一款
因為東邊石壆下就係崖，崖下面又係石澳道
所以個位係突然好開揚，d人一見到石澳就嘩嘩聲

有兩次分別坐 LV 同 DS, 因為路面不平同埋高速行駛, 坐到成個人拋起, LV 係坐 41, 去到瑪莉曼小學, 而 DS 係坐 8 號臨到灣碼時落橋, 正到爆!!