天水圍七口上班 駕車平過搭九巴?

原帖由 jcool13 於 2011-4-25 23:48 發表


就算你唔計供車, 養車一個月只需$1,000左右都無咩可能啦.. 靜係計泊車都唔只啦, 仲要計埋保養車成本, 油費, 保險牌費等

即使有時揸車會平過坐交通工具, 但好明顯依D只係個別例子, 相信香港好難見有人會因為坐巴士 ...

當你計返巴士路線每公里收費，同相近起訖點既私家車路程，其實唔難發現大部分大西北出市區既巴士線係會貴過用私家車
但偏偏大西北就係最倚賴巴士既區域，結果先會引起公交吸引唔到人去坐，幫唔到減少私家車數量呢一點

咁既時候如果我有架車我緊會偏向用自己車啦...
如果住村屋既話呢個問題更明顯
所以村屋居民大部分都係長短途都會用私家車代步(村屋泊車都要俾路費呢d開支架！)

每月$1000養到車呢個例子咪同“搓my breast”個例子一樣，
唔係不公平比較(公交係全包價而養車有好多hidden cost)，就係缺乏普遍性囉。

再平D兼包區內接送ge爛地都有添，但有幾多區做得到呢個價？
出街shopping尚且唔難攞到泊車優惠。返工當你唔OT都要九個鐘，泊咪錶都要72蚊啦，
邊有咁多爛地，日泊優惠，公司免費車位，尤其係主要工商區？

至於時間方面，哈，所以我咪話有位泊咪快囉，做乘客都一定快。
試過無數次D時間就係等入車場 / 週圍兜搵位泊就蝕番哂。

[ 本帖最後由 s3n370 於 2011-5-1 16:35 編輯 ]

講到尾... 覺得搭巴士貴既話,咪唔好搭囉~
行路, 踩單車囉~~

如果九巴唔開檔既話, 睇下你地班蟻民點出街!

駕車平過搭巴士..都唔知d 人有無腦寫出黎

原帖由 s3n370 於 2011-5-1 16:28 發表
每月$1000養到車呢個例子咪同“搓my breast”個例子一樣，
唔係不公平比較(公交係全包價而養車有好多hidden cost)，就係缺乏普遍性囉。

再平D兼包區內接送ge爛地都有添，但有幾多區做得到呢個價？
出街shopping尚且唔難攞到 ...

本身有車既呢D所謂HIDDEN COST係咪都要俾既
如果本身冇車而因為「坐車貴過開車」而走去買車用車代步，咁緊係成為成本一部分
但如果本身有車但係因為「坐車貴過開車」而走去多用車，又係咪要計去成本度呢？

成個「坐車貴過開車」要成立，根本係講緊果批本身已經有車既人
而家咁加價法，係咪間接鼓勵呢D人楂車出街先？我諗呢個先係問題所在。
尤其針對交通費本身貴，而家加價又加得特別多既大西北區，呢個更加係問題。

原帖由 Neutroginger 於 2011-5-3 02:37 發表
講到尾... 覺得搭巴士貴既話,咪唔好搭囉~
行路, 踩單車囉~~

如果九巴唔開檔既話, 睇下你地班蟻民點出街!

駕車平過搭巴士..都唔知d 人有無腦寫出黎 ...

版主提示:

本版希望提供最大的言論自由俾站友, 但我亦希望站友
回應/批評時使用較合適之字眼, 避免過激之言論, 如
"睇下你地班蟻民點出街", 同"都唔知d 人有無腦寫出"
呢d字眼/語氣, 都應該避免.

如情況日後沒改善, 本人不排除加強管制.

thx

admin26