不死蘭??

原帖由 kokchun 於 2011-4-25 12:21 發表


唔係因為今年區選
班可愛既區議員先要進行 " 政績工程 " 咩 ?
下年仲要選垃圾會
唔知 d 阻力將會唔會更大呢 ?

between
我非常認同閣下既做法
希望閣下寫信時能加入本人的支持
謝謝 ...

邊關事,區會選舉和立會選舉才是巴士公司對熱狗大開殺戒的好時機,因為議員紛紛忙著選舉,對巴士事務較少理會.

聽聞73全部掛牌有可能會續牌到10月到加冷為止

原帖由 FV5383 於 2011-4-25 16:36 發表
聽聞73全部掛牌有可能會續牌到10月到加冷為止

你估吓其他S3N同GB2444會唔會都續牌丫拿??
你睇吓沙田廠咁鍾意將巴士提早death....
但係而家仲要行埋到期前最後1-2日..之前FZ6723壞車竟然整番好..
FZ7116,FZ6723,FZ5653同一眾上水廠熱狗竟然全部未退...其實暗示左D野...
今次批野可能到期後停牌一個月,之後再續牌4個月..如果立即年驗就可以續一年..
咁樣仲可便宜多陣...
我祝福今次批野可以續牌...就算天氣熱都無所謂啦..

曾幾何時我係「香港男友」論譠的巴士間談區睇到一編文, 內容係 :

GIGI 寫了一封給九巴的信，歡迎各位原汁原味 COPY 去九巴．
因為這個巴士出售時間表涉及非空調巴士的不足問題 ，故在此文討論．

九巴，
現時　貴公司打算於 2011年 2月至 5月把其中約 100 部非空調巴士退役 ，該批巴士主要於 1994 年出廠，並於 2011年滿 17 年，這表示於 2011 年 6月後九巴只有約 30 部非空調巴士行走 (1995年出牌的巴士 S3V)，我質疑這個３０部非空調巴士的數量是絕對不夠用於屆時未全冷的路線  　因 2011年 6月全港仍需約 80 部非空調巴士行走各路線！而區議會亦反對部份轉冷計劃，屆時很多路線的普通巴士會因不夠車用而嚴重脫班！甚至未全冷的路線會完全無非空調巴士行走 ，一條路線區議會未通過全冷但實際全冷是絕對不能接受的．現時開始已有這個現象發生，例如現未全冷的 86C 長期沒有非空調巴士行走，影響市民，而這例子只是冰山一角 ．故我要求九巴有足夠數量的非空調巴士行走區議會未通過全冷的路線，和於新型環保非空調巴士投入服務前，把 2011年到期的非空調巴士續牌多一年至 18 年，以解決這車荒問題．
九巴多數冷氣雙層巴士可行走１８年，那為何非空調巴士只能夠行１７年 ？這是雙重標準和很荒謬！一部１８年車齡的非空調巴士維修費用絕不比同齡的冷氣巴為高，故所有非空調巴士亦應該行走１８年才退役．故於 1994 年出牌的現役約 100 部非空調巴士不應於 2011年退役 ，而最新一批 30 部於 1995年出牌的普通巴士亦起碼應行走至 2013年６月，以免浪費資源和剥奪市民享受自然風和選擇非空調巴士服務的權利．
全冷是缺乏充足的理據和荒謬的，全冷後市民怎樣遊車河享受清風？巴士那隻窗是永遠不能代替的！事實上現時好多人都想冬天加強非空調巴士服務，很多市民都希望冬天有非空調巴士及平車 ，和享受自然風，故九巴全冷和不買入新型環保非空調巴士便等同和民意作對！一個很簡單的例子：九巴其中一條短程線的乘客調查顯示，有約 40%人希望取消空調巴士，有 45%人要求保留現狀不加冷 ，即是有超過 80% 乘客反對加冷或全冷！現在九巴有非空調的服務是順應民意，故如果全冷便變成違反民意！
故現時空調和少量非空調並存是最佳的解決辦法，而頻密的路線一小時一班都可以接受，這給予市民最大的選擇，滿足晒所有人 ，不是每一季節每條線和每班車都要用空調巴士！九巴出１００部空調加１０部非空調，其實服務是好過和對市民有利過她只出１００部空調，故全冷只是一個象徵而不等同進步！九巴和運輸署要全空調絕對是屈錢和出賣了市民的選擇權和低下階層的權利 ！故九巴買入少量新型環保非空調巴士(可附風機)，是責無旁貸的！

我懷疑, 該位人兄真係將以上內容send左去九巴, 而九巴真係聽左佢意見?
不過本人並不建議九巴把非空調巴士續牌多一年至18年, 因為香港夏天愈來愈熱, 而車廂內部位置空氣並不流通, 過往也發生不少駕駛非空調巴士的車長中署事件, 所以本人並不同意九巴把非空調巴士續牌至18年。

[ 本帖最後由 3asv261 於 2011-4-25 19:49 編輯 ]

原帖由 3asv261 於 2011-4-25 19:35 發表
曾幾何時我係「香港男友」論譠的巴士間談區睇到一編文, 內容係 :



我懷疑, 該位人兄真係將以上內容左去九巴, 而九巴真係聽左佢意見?
不過本人並不建議九巴把非空調巴士續牌多一年至18年, 因為香港夏天愈來愈熱,  ...

而家係4月,批熱狗蘭龍在5-6月就會到期,一係就好似2006年果陣既吉蘭咁樣,停牌一陣先囉,佢地都擺左2-4個月先開始續牌..
如果想避開夏天,咁樣批車就....到期後停牌到8月尾,之後續牌4個月到12月尾.
GL258同GD605就由11月尾續到2012年3月尾.
唔知得唔得呢??

原帖由 3asv261 於 2011-4-25 19:35 發表
曾幾何時我係「香港男友」論譠的巴士間談區睇到一編文, 內容係 :



我懷疑, 該位人兄真係將以上內容send左去九巴, 而九巴真係聽左佢意見?
不過本人並不建議九巴把非空調巴士續牌多一年至18年, 因為香港夏天愈來愈 ...

AD , AL 續牌只係 bonus , 實際上熱狗都係行到 17 年先退
見唔到有任何雙重標準

要關注既 , 不如關注下堆新車先啦

原帖由 GU9338 於 2011-4-25 20:02 發表

AD , AL 續牌只係 bonus , 實際上熱狗都係行到 17 年先退
見唔到有任何雙重標準

要關注既 , 不如關注下堆新車先啦

舊冷氣車續牌,係因為九巴當時唔夠車,新車又返唔切,仲可以點?
可是而家九巴有成堆新車等住出,將批熱狗續牌實屬過份.
區議會未批就唔全得冷? 新巴2A,9,23等線係咩來架? 一樣係有價無車了一段長時間才全冷.點解人地做到,九巴做唔到?
話熱狗有需求,咁港島南區既乘客係咪一樣有需求?當年38,42熱狗價4.2,冷氣價要6.2,差距有40%以上,點解一樣照轉可也?唔通南區D人特別有錢?
冬天大部分人想坐熱狗?唔該睇下有幾多人冬天上正架熱狗會凍病,或者焗病啦.上到架冷氣車,起碼車廂仲暖過出面.
至於夏天? 沒有人想駕熱狗吧,想搭熱狗既人少之有少,咁批熱狗係夏天咪浪費晒?
買新型熱狗? 唔該睇下而家香港既空氣近十年差左幾多先啦. 玩活窗?買架活窗番來仲貴過買冷氣車.如果要你俾冷氣價錢坐熱狗,邊個願意?
享受新鮮空氣?大半個大嶼山都係樹林,點解連嶼巴一樣要全冷? 難道當地居民有需要搭冷氣車嗎?
而家連深圳,以致新加坡,都要全冷化,九巴把熱狗拖延退役實屬不智.
因為區議會? 年年區議會都嘈架啦,只要一日仲有熱狗行走,區議員一日都會嘈.唯一令他們收聲,就係CUT晒批熱狗,順手CUT埋熱狗價,咁樣假以時日就會不了
了之.