最低工資實施與五一遊行

勞動節即將來臨,多個勞工團體將於本周六,日舉辦集會遊行表達訴求.
適逢最低工資生效,工會除了要求增加工資外,還要求設立標準工時,集體協商機制等.
過去多年,勞動節遊行集會只有約一萬人參加,不算十分踴躍.但現時民怨沸騰,企業攫取過大利潤,本應有更多人參與.這是否與勞動人民維權意識偏低?
事實上,只有通過民眾積極普遍參與維權,工會社團才能得到社會各界認同,讓當權者知道其強烈不滿,改變方可能出現.

我們的訴求:
實行兩級基本工資,第一級可定為每小時30元,供在學青少年或新畢業生職位.第二級為月薪8000元或每小時40元,以供兩人最基本生活需要.
上述水準是基於生活費用和參考不少發達地區的購買力平價調整後基本工資額而建議.
標準工時為每年不逾2400小時.

咩叫「第二級為月薪8000元或每小時40元」？

工會支持休息日同食飯時間有薪，當時薪等於$40情況下，月薪應該係「8小時 x 30日 x $40 = $9,600」。按你既計算方式，月薪工友足足少左成20%人工，你既計法變相支持顧主修改休息日同食飯時間有薪安排，相當無良。

最低工資都搞到社會咁亂，有時間不如傾下點樣解決現有問題

51遊行，相信飯鐘、休息日有薪、爭取員工放法定紅日、最高工時、男性侍產假都走唔甩

但我覺得一下子爭取咁多野，比你爭取到，代價都唔細

最低工資既社會代價都比想象中大唔少

如果香港好似外國部份國家咁大既union power，扭曲個巿場，失業率長遠只會升

其實根本呢類限制市場經濟手段的立法, 就差不多一定死的..

正如以前香港有租金限制, 租樓唔可以太貴, 結果就出現好多
張五常形容的"規避行為"...如鎖匙錢等, 去推返個租金去"市價"...
無論出租人定租客, 都會願意去做...

同樣, 最低工資, 無論公司/工人, 一向"市價", 一用行政手段去限
制一d野, 就一定亂...亦無用...最低工資根本就只會搞到社會越來
越亂...

我有frd 做sales, 一般人工都係低於"最低工資"少少..佢話其他公司
都無乜良心, 扣飯鐘, 減工時等, 結果d員工人工, 仲比之前少左幾百蚊...

而佢公司, 計足飯鐘錢, 放假錢, 又無減工時, 即補足最低工資中之
最高金額, 好有良心, 但同時亦會引起其他問題, 如因為最低工資,
公司只好推到人人 人工一樣, 新入職同資深員工都一樣人工, 結果
資深一班當然有d不滿, 而公司則出信叫體諒

而且, 仲有好多其他行業都有抄人, 減工時, 大家都可能做得辛苦左,
人工則多不到...失業更會多左...

同時, 社會好多服務業, 如飲食, 因為最低工資而即時已加價去反映開
支增加, 結果影響最大的又是低下層, 引申到好多低下層人士, 人工多
左都好, 生活都未必可以改善, 因為出面樣樣都貴返晒.....

市場本身是會調整, 有個力去推返去原本市價的平衡點...
所以真係無野搞搵野搞, 呢個最低工資....

[ 本帖最後由 3ASV196 於 2011-4-30 07:51 編輯 ]

本人建議的基本工資,包括月收入和小時收入兩種計算方法.小時收入和月收入的轉換原則,是以實質工時為準.此方式在臺灣,法國,不列顛和美國普遍採用!

原帖由 nickhei 於 2011-5-3 19:56 發表


又係呢D死欖經濟理論嘅學生
個MARKET自己去調節，有排啦(或者人地可能講句CETERIS PARIBUS啦 )。EXTERNALITIES問題已經說明左市場係解決唔到SOCIAL COSTS問題!
知唔知有幾多因素/現實條件限制呀?就咁話市場做晒 ...

第一, 我ce al 都無讀econ 的, 我唔明你無啦啦講咩al econ 課程有何關係..亦唔明無啦啦話咩"死欖經濟理論嘅學生"

第二, 我講的唔只是理論, 我講緊的係現時香港情況並有例子....包括好多服務業已經加價, 係一個事實亦明顯...

第三, 如果閣下認為最低工資係有正面影響的, 歡迎閣下提出更多實際例證, 比批評一d 經濟學者/課程更實際吧..

第四, 市場係解決唔到SOCIAL COSTS(EXTERNALITIES)問題, 我想這未必一定是事實吧....pigou 同coase 之爭論,
睇你跟邊一套o者..

其實讀經濟唔一定反對呢一類政策...最低工資都係睇你定個min value係邊
而且好多野都係由往時結果去證明/解釋套理論

所以，都係唔好太武斷好

我覺得香港依家想行外國個套
例如union power，但union power越大既國家，更多人失業都係事實
到時又變成政府既負擔

過多幾個月，有通脹，失業等數據出台，再下定論評論政策好壞也未遲