代為警告三位朋友

友人告知
有三名巴士迷今晚響如心廣場
響架53未開車前上車影相
並且響開車跟車時冇俾錢上車

由於友人響荃灣已經先後見過該三人上53及234B唔俾錢
友人今次作出干涉，但相熟車長出面...

友人托我告知這三位人兄
再有下次見到同樣情況，我友人會毫不猶豫，報警求助
把這三位人兄法辦

請有關人士自重

[ 本帖最後由 fv682 於 2011-4-30 03:03 編輯 ]

sorry 錯版了, 麻煩代為轉至B0版, sorry and thanks.

何解你會將佢地形容做三位朋友？
照睇佢地絕對唔係你朋友
標題: 代為警告三位朋友

你係度「警告」，佢地又未必高level到會係呢度蒲頭
如果你知係邊個，直接PM搵佢地傾有效率好多
或者直接叫你「朋友」「嚴懲」你呢「三位朋友」

路過

ASV50兄
我都唔肯定我代友人傳既呢個警告呢三位朋友會唔會睇到
但如果佢地響呢度睇到，都算係版友
我相信我友人都唔想做到咁絕，但佢地如果一而再再而三咁做
我如果係我友人我都會俾少少懲戒呢幾位人兄

另外，用「朋友」一詞只是禮儀
我和友人都唔識該三位犯規的巴士迷

開車跟車時冇俾錢上車??
跟車就一定係唔俾錢!!
你唔比佢地落車俾錢,曬證,
或者係個車長幫佢地俾錢?
53大把客落車先俾錢!
你又毫不猶豫，報警求助??
路過

我想問你有冇坐過53?

如果個車長係同你熟，你想俾錢時，佢都會阻止你，例如用手冚住個錢箱
既然一次係咁兩次係咁，之後你都慣性唔會俾啦。
你同你位朋友講，如果佢報警既，就會攪著個車長。
你又唔係清楚佢地箇中既關係，
如果你真係咁公正既，咁為 KMB 著想既，
JUST DO IT!

算啦,有時d車長會請人搭車ga..
你咁做d人唔會獎勵你架喎

查實有時d野...唔岩規距既就唔好大模斯樣咁做
搞寸人地個場之餘仲隨時連累到人地

俾你做巴士迷做到人面幾廣,識幾多人又有乜用姐,
相熟卡佬有事,俾人召返去見主任,扯紅旗什至俾人兜.
你就算人面幾廣都好,你掹唔掹到丫?

自已既然係當個師兄係fd既,做事咁高調.同俾條蕉皮佢踩冇分別?

[ 本帖最後由 DW8306 於 2011-5-1 00:48 編輯 ]

相熟車長告知
有幾位巴士迷朋友跟車熟左
有一個係乖到有幾次車長主動叫佢唔駛俾錢
佢都堅持要俾，仲講笑話「唔收既話我投訴你架」
最後車長每次車佢都唔會再話唔收佢錢，仲話好欣賞佢咁乖仔

唔係車長話唔收, 你就可以唔俾
堅持要俾既話, 佢唔會唔收
而俾錢係乘客既責任, 唔可以話一次唔收兩次唔收就唔駛再俾......

多言了