港鐵舊款閘機顯示器試驗改為 LCD

是日於銅鑼灣西面大堂所見，其中一部 Alcatel 閘機的顯示器改為 LCD 款式：

咦？雙向都有LCD?
難道舊顯示已經面對零件不足的問題？

順路一問
呢批 alcatel機係新過另外果批舊款機(主流果隻),定係舊過
我見佢個樣又古老,隻閘又重...
同埋點解冇啦啦有批咁ge機,得某d站某個出口先有咁.

*換得LCD估計即係根本入面個電子果part的膽/電腦應該都換晒.
只係淨番機械果part沿用

原帖由 cn2661_2d32 於 2011-5-1 22:17 發表
呢批 alcatel機係新過另外果批舊款機(主流果隻),定係舊過
我見佢個樣又古老,隻閘又重...
同埋點解冇啦啦有批咁ge機,得某d站某個出口先有咁.

Alcatel 的閘機是在港島線通車時才被引入，除了鰂魚涌站C出入口大堂、金鐘站及中環站，其餘港島線的車站之閘機均是採用 Alcatel；另外，九龍塘站於90年代加建了樓梯時亦在出閘方向加裝 Alcatel 閘機，至於大窩口站大堂西面之閘機亦是採用 Alcatel。

至於修正早期系統、荃灣線、鰂魚涌站C出入口大堂及藍田站之閘機均是「機霸自動系統」。

原帖由 toyl 於 2011-5-1 21:59 發表
咦？雙向都有LCD?
難道舊顯示已經面對零件不足的問題？

此終用 LCD 畫面較大，較清楚看到。

原帖由 hkaiw 於 2011-5-1 22:33 發表
此終用 LCD 畫面較大，較清楚看到。

實質上都相差幾遠下...

大約係 字體大細8 vs 字體大細12 咁0既差別
同埋舊款有一隻係用「條狀」設計 如果咁0岩某支顯示管瓜0左就「8會變成9」...

原來Alcatel仲新d添...

「機霸自動系統」...東鐵系統係咪都用佢?

話時話，其實港鐵一共有幾多款閘機呢？

以下係我所知既，唔知有冇錯漏，如有敬請插同指正！同埋唔知各款既正式名稱係乜呢？

1.最早期的滾筒型，常見於觀塘線、荃灣線、東鐵線大部份站(是否就是「機霸自動系統」？當年地、九鐵採用既，係咪同一款)？

2.較為「實」、入票及八仔感應器位置低了一截的滾筒型，常見於港島線大部份站(印象中，藍田站曾經用過呢款，唔知有冇錯？我已多年無於藍田站出入，已淡忘)

3.最後期的滾筒型，常見於東涌線大部份站

4.首款闊閘機，機場快線專用閘全為此款，其餘各原地鐵線(將軍澳線除外)各站均有少量

5.第二款闊閘機，油塘至寶琳各站全為此款

6.九鐵闊閘機，落馬洲站、西鐵線及馬鞍山線各站(紅磡站及大圍站除外)、大圍站下層全為此款，兩鐵合併後，港鐵於東鐵線其餘各站加裝少量此款

原帖由 mckhgc 於 2011-5-2 02:00 發表
2.較為「實」、入票及八仔感應器位置低了一截的滾筒型，常見於港島線大部份站(印象中，藍田站曾經用過呢款，唔知有冇錯？我已多年無於藍田站出入..

因港島線車站大堂細小, 這款好適合港島線用.

原帖由 cn2661_2d32 於 2011-5-1 23:42 發表
「機霸自動系統」...東鐵系統係咪都用佢?

沒錯，另外7,80年代安裝的售票機、找贖機也是採用機霸自動系統。