走或留好…

畢業出黎 番左呢份工6個月 左右....真係好辛苦....辛苦唔係在於workload...係在於呢家公司既管理方法，
首先我份工係關於project management，近排有個好大型新system 就黎lanuch,咁我果team 係負責test,整，Training notes，同之後要同要用呢個system既人上堂(around 平均4個人要教1000-2000人)。

其他同事都話正常要熟個system 最少3年，但由於一d政策行政上問題本來應該負責教書既資深同事去左其他team。以致到請我地番黎，而我地既任務就係將無可能變有可能3個月內學識個system 所有logic去教一D 用左1x 年既user。咁近排正常既regular weekly target 不外乎就係整notes， 出Quiz paper 果d。

好啦第1 由於上層覺得我地學得好慢，所以叫左一位同事每日上午一粒鐘同我地補習，而補習內容唔係剩聽要你答問題，做present 果d，唔知答案既要問番有關部門等等。簡單d黎講 一個上午差唔多比左落呢個環節到。

好啦 第2樣，我地岩岩出黎做野 ，對上第2果位manager 每日都會單獨接見我地講下你做野做成點啊，岩岩開始果排都好忙搞掂講幾分鐘，但近日佢話不如襯呢D時間你每日介紹個新system 3個新功能，因為又要即場demo 佢聽，佢又有問題會問。最後每日呢個短聚變成個幾兩個鐘。
即係我1+2起碼spend 一個上午仲要多D 未計每晚番去搵資料果D時間

beside 我要做既regular target 仲有第3樣，由於我地team 叫左隔離team既人幫手出遲下上堂既Quz Paper, 每日我都要睇佢地交黎既Quiz Paper，而睇既時間視乎交黎既數量同質素，到下午就會抽一至兩個鐘同一個資深同事一齊review 睇下收唔收貨定彈番轉等等。搞得掂都已經3-4點。我d野呢？而家先正式開始做我每個星期既target。基本上公司7點就會關冷氣，最多留到七點，之後呢？要番屋企做而家我每晚做到3-4 點先有得訓。

其實點解我會話佢管理上有問題，d野點解做極都做唔完。一因為佢地覺得交番黎既Quiz Paper 質素好差所以叫人整左個template，有邊d係同類既就改成template 果款standard，由開波至今已經交左幾百份點解叫人幫手唔一早唸好個Quality Contol 一開波就掉呢份template 比人 等幫手既同事出都出得有個譜啦，而家又要review 又要彈一來一回，就算之前唔比份template人，已經都應該拿拿聲比掛？咁未搵著自已黎搞，仲要由我地自已將佢地d問題改做template 既standard。 二來佢地全部無溝通做完出黎A話咁 B話要改 C 又話可能唔得 一樣野可能要教3次搞到重覆又重覆咁做。

好啦另外最大果個manager 由於佢著重新人要識好多唔同層面既人，所以佢好鐘意叫人係weekly meeting 果時 present ,如果你奶正要果個星期present 就大獲野，要做埋平時野既話你每晚無4點都唔洗訓，

仲要可能follow up d野要你即時做一非即時要用既doc比佢，死未

我同team 果幾位新同事都唸緊走，佢地出黎做左幾年野都話呢度果d真係非人生活黎，牌面上你可以好

多時間做野其實個個好似人球咁邊個想踢下你就叫你埋黎 ，唉最慘係全部2年約仔，2年後system 搞掂你唔走都可能唔續你，仲要教書時每日番足12粒鐘，training period 完左仲要24x7 番support ，近排身體已經差左好多瘦左十幾lbs ，咳一直無停過

我唔係要一份好hea 既工 多workload 唔緊要，你比足working hour 時間我做就無問題啦，而家我係位都唔知有無2個鐘時間，有時多其他野搞可能無tim ar ，公司7點鐘就關冷氣即係你7點後番到屋企都要繼續做野，每晚直至零晨不停5日loop

[ 本帖最後由 KR7607 於 2011-5-2 11:45 編輯 ]

走啦,上面果份工,人工幾高都唔做
基本上你除左2-3個鐘叫有得訓之外,其他時間都係做野、做野、做野,咁點得o架,你公司真係當你地係機器咩
同埋身子緊要,就要儘快辭職,出面個市好咁多,要搵到新二份工唔難o既

交信走人啦 人工高又如何 身子要緊