車長行為問題

嗰單案好似最終都無被起訴。
好似因為法例要求，一出事除非百分百肯定唔會告司機，否則一定會以涉嫌危險駕駛拉左先，之後再決定告唔告。不過，再講就離題啦！

(P/S 師兄講嗰單外國案例，係告危險駕駛定危險駕駛引致他人死亡？)

原帖由 telford5d 於 21/5/2011 01:27 AM 發表


ching, 其實你哋個責任大咁多﹐有冇試過向上級反映薪酬不公平的問題？
事實上，你哋所面對的壓力根本遠遠大過重鐵很多很多，如果同重鐵同工同酬，
真係有點講唔通，學你們話齋，重鐵撞死人就冇事的，但輕鐵撞死人就真係監
都有得坐 ...

中低層員工(G Grade)要發聲其實唔易，要向工會、評議員、臻善圈果d提出...
向上面提出訴求，人地聽唔聽又係另一回事

原帖由 ArnoldC 於 2011-5-21 01:56 發表
嗰單案好似最終都無被起訴。
好似因為法例要求，一出事除非百分百肯定唔會告司機，否則一定會以涉嫌危險駕駛拉左先，之後再決定告唔告。不過，再講就離題啦！

(P/S 師兄講嗰單外國案例，係告危險駕駛定危險駕駛引致他人死亡？) ...

後者.係引致死人.
英國案例.私家車案來的.
係幾年前上堂lecturer提過.不過真係唔記得詳情同案名喇.
當年只係教civil定torts時個lecturer順便提過(佢想講先刑事入罪再民事再claim的道理).notes上面都冇.

原帖由 zz567 於 2011-5-20 02:34 發表


呢間公司真係不知所謂，淨係識加價，我地新入職員工人工又少，輕鐵又係全人手控制，
行車期間完全無休息機會，點解我地人工會同市區線，東西馬線人工一樣 ?

我地工作性質上比重鐵做多好多野，工作又帶危險性，有事發生又要車長硬 ...

原來有師兄o係度,我地呢個獨立王國,做既野同出面完全唔同,人地行auto,我地搵多樣野自動都唔易,仲有近呢幾年賴得最多既human factor,我地真係食晒,出面坐o係個cab等爆鑊,我地掉返轉,每轉車都避免爆鑊,每轉車幾多支燈幾多波口幾多個站

講車既反應,亦同路面車冇得比,加上大西北居民對我地既"信任",真係好危險,至少出面唔會有好似1013車既事卦

講休息,人地重鐵起碼有幾分鐘"發頭",我地就成日1分鐘layover,根本就上客落客即走,尤其我呢d渣得慢d既,就更加慘,黑起上黎,等支燈都由+1變-2

原帖由 telford5d 於 2011-5-21 01:27 發表


ching, 其實你哋個責任大咁多﹐有冇試過向上級反映薪酬不公平的問題？
事實上，你哋所面對的壓力根本遠遠大過重鐵很多很多，如果同重鐵同工同酬，
真係有點講唔通，學你們話齋，重鐵撞死人就冇事的，但輕鐵撞死人就真係監
都有得坐 ...

印象中有人同HR開會提出過"同酬唔同工"既問題,HR既回答係"同工要同酬",否則就係唔公平,但人地出面個"train captain",我地係"train captain-LR",不論名牌同合都係,既然同工又點解會咁呢...之後HR話簽左合約即係同意個pay,冇得反口

原帖由 wong 於 2011-5-21 17:31 發表

印象中有人同HR開會提出過"同酬唔同工"既問題,HR既回答係"同工要同酬",否則就係唔公平,但人地出面個"train captain",我地係"train captain-LR",不論名牌同合都係,既然同工又點解會咁呢...之後HR話簽左合約即係同意 ...

通常外面打工只會聽見話同工同酬，我地竟然要調番轉，爭取不同工不同酬，人事部真係睬你
都傻，我入呢間公司之前，真係以為自己行運，入到間大公司，人工高，福利好，可以脫貧，光宗
耀祖。點知原來係兩回事。

其實問題好難解決，因為淨係我地輕鐵部四部多個車長之中，新入職同舊人人工已經好大分別，
工會話事人點會肯幫我地班新人爭取福利而得罪上面管理層。

市區線同事行車期間睇報紙打機訓覺已經係公開秘密，只係上面唔加強監察，
問題先會變本加厲，否則就唔會發生忘記開門上落客就行車，東鐵線未入月台
就開門事件。

呢間公司不論對乘客，對員工，對股東都係刻薄，上次週年股東大
會，有小股東就當面質詢管理層，點解公司每年賺大錢，但派息就
好孤寒。

工會就質疑點解公司每年賺大錢，新人入職人工就咁低，加薪又加得少。

乘客就質疑點解港鐵每年賺大錢都照加價。

[ 本帖最後由 zz567 於 2011-5-21 18:19 編輯 ]

原帖由 zz567 於 2011-5-21 18:17 發表


通常外面打工只會聽見話同工同酬，我地竟然要調番轉，爭取不同工不同酬，人事部真係睬你
都傻，我入呢間公司之前，真係以為自己行運，入到間大公司，人工高，福利好，可以脫貧，光宗
耀祖。點知原來係兩回事。

其實問題好難解決，因為淨 ...

咁又係,d大師兄二萬幾人工,我呢d G40新人就.....人地自然唔覺有咩問題

原帖由 cn2661_2d32 於 2011-5-20 12:20 發表


Dangerous/Reckless Driving 正正係我想講果樣
重鐵司機玩到打機睇馬仔都竟然冇事. 就算"唔小心"衝燈最多比訊號自動截停,跟住小則再培訓,大側豉椒炒魷
(嘩.東鐵唔關門開車咁大鑊都係再培訓咋)
輕鐵司 ...

個人黎計好唔意揸天水圍線輕鐵司機響安，明明有時收一收慢甚至乎條友過埋都未到，點解唔叮佢地？大佬，我無亂過馬路，咁樣比你地嚇法真係人都顛。搞到次次橫過輕鐵路軌都要驚一餐。

反而落親元朗通常見揸61_既司機都係揀叮同收慢(唔知係咪同路窄/驚好開太快歷史重演，將成個人扯入部車入面有關)

原帖由 EH2674 於 2011-5-21 20:55 發表


個人黎計好唔意揸天水圍線輕鐵司機響安，明明有時收一收慢甚至乎條友過埋都未到，點解唔叮佢地？大佬，我無亂過馬路，咁樣比你地嚇法真係人都顛。搞到次次橫過輕鐵路軌都要驚一餐。

反而落親元朗通常見揸61_既司機都係揀 ...

其實唔係天水圍司機鍾意響安，而係天水圍既道路設計本身存在好多問題，上次天悅站附近單野就係有路面車司機懷疑
睇錯燈，天水圍區內有好多類似路面陷阱，路面車司機好容易睇錯燈，我地輕鐵有白箭咀燈直去，路面車有綠箭咀同樣
直去，但路面車一旦要轉彎，要睇番相應既路面燈號，好多情形係路面車見路面交通燈轉紅黃唔理三七二十一起步就行
，根本個枝綠燈只可以直去，不能轉彎，輕鐵車長發覺危險，叮叮根本已經無作用，只有響安。

另一種情況是行人喜歡追車，離遠見對面月台有車，對面巴士站有車，就衝過去，反而前面月台有架輕鐵過緊黎就完全
唔理，輕鐵車長發覺危險都只有響安，你話你比輕鐵嚇親，我地渣車見到有人咁樣衝出黎，我嚇得仲勁。

老友我地萬零蚊人工，日日渣車仲要提心吊膽，出事又驚比人告危險駕駛，要坐監。

輕鐵車長一眼要關七,好難一時收慢,行人反而應該讓輕鐵先行.