[理性討論] 香港「億元六合彩」

其實去年講十蚊一注都已經講左超級六合彩會出現得更多
因為少左注數

但馬會會因為多左超級六合彩賺突

原帖由 3ASV196 於 2011-5-18 18:24 發表
其實我想閣下又唔需要放到咁大去睇, 直言, 我唔係鼓吹賭博, 但六合彩本身只是
算係"低層次"的賭博, 亦唔係什麼可令人"家破人亡"的賭博方式, 當遊戲玩下, 係可
以接受, 再講, 依家都係開門時間, 開彩日子的改變, 又 ...

這點我明白, 不過當我的朋友圈子中
有人剛剛夠18歲, 又未正式出來做野, 用屋企人的零用去買六合彩
就覺得有問題, 現在就買六合彩, 遲d有錢/覺得六合彩唔好玩, 咪買埋波同馬
之後結果就不用多說

我出得上面咁多篇文,
係因為之前有朋友做過相關研究,
我做跟班, 所以就見到馬會在宣傳上的問題
上面意見唔係老作,
我講出來唔係掃大家興, 係希望大家可以正視個問題

投注站的宣傳物品係好多同好當眼
反賭宣傳的就好少, 有部份放在角落, 甚至被宣傳物品遮住
仲有, 按規定, 馬會要在廣告刊登反賭訊息,
但好多時只係登句投注人士需年滿18歲就算
而且句說話字體好細, 又好唔顯眼, 唔認真睇係留意不到有關訊息
所以比我的感覺係個規定有漏洞
令到馬會求其登句說話就可以過關

希望各位能夠關心問題賭博, 並期望從根本處入手去處理問題, 例如限制馬會的宣傳

[ 本帖最後由 12A 於 2011-5-18 22:55 編輯 ]

原帖由 12A 於 2011-5-18 17:39 發表


頭先聽新聞, 馬會延後開彩日子外, 星期五當日投注站會提早半小時開門
做呢d野有什麼用意, 就係谷投注額
我對馬會呢種鼓勵賭博, 無視有責任博彩的宣傳手法已經十分反感
但馬會唔當作一回事, 照樣大肆宣傳
所以我好希望戒賭機構可以出出聲, 等馬會收歛一下

無疑佢將個 draw day 延後到星期五係有谷投注額之嫌
但試諗下, 今日係 race day
如果佢唔延後個 draw day, 即係變左班六合彩客會迫晒o係星期三 / 四投注
坦白講句, 假若賽馬時段俾班六合彩客 jam 住晒, 我諗各大投注站暴動都似...

另外, 對於馬會提早半小時開門呢個安排, 我又唔係咁睇
想問下, 唔知 12A 兄你今日有冇經過投注站呢?

我自己今日就行過中環某投注站, 個情況係恐怖到雖然仲有三日先開獎, 但今日條人龍已經排左出門口
而我亦相信呢個情況明天會持續, 星期五則會更厲害
既然係咁, 如果開早少少開以令部分投注人士改為較早投注, 唔駛迫晒o係繁忙時間 (即午飯 / 放工時間) 先去買六合彩
咁對顧客 / 馬會員工都係一件好事
(實不相瞞, 呢 d 日子投注站同事真係會做到連飯都食唔到, 同埋連廁所都冇時間去架...)


另外, 以我當年o係呢間公司打滾過數年所得到的瞭解, 六合彩既油水其實唔高
因為馬會只係替政府經營六合彩, 而且一張飛大部分講緊都只係廿蚊
但就有大量開支 - 即人工, 彩票成本等等...

咁與其要谷六合彩既話, 我諗谷賽馬同足球博彩會仲實制囉



最後, 都係o個句
我並唔鼓吹大家去參與博彩活動
買與唔買, 請自己衡量
但如果大家真係要去買, 請耐心等候或者盡量利用網上投注
以減輕投注站 / 電話投注職員既壓力

某幾個投注站呢幾日特別多人特別長龍只有一個原因 ─ 中頭獎次數排名首幾位0既投注站
(有0的人心態係去呢幾個投注站落注真係會易中頭獎「0的」 但係未必會留意其他部份)

如果唔係因為下一個賽馬日係星期六 馬會其實都未必可以將開彩日期改星期五
(因為一般都唔會星期六或日同時進行六合彩同賽馬
星期六賽馬會安排星期日攪珠 星期日賽馬就安排星期六攪珠)

網上申請必須持有匯豐或恆生(網上銀行)帳戶、其他需要到投注站交表
而唔少投注者都係平時無落注 只係見呢幾期「滾」咁大個雪球先抱博一博心態投注0既人
要佢地改以網上/電話投注唔係一件易事 所以一般都係揀「比心機等」
(而家0既人太多密碼要記 遇上「一年用唔到幾次」0既戶口/密碼相對易遺忘
除非可以用「萬年密」 但係一旦「萬年密」外洩就大件事...)


*個人近幾期並無下注 只係茶餘飯後同同事研究攪珠號碼而已

我自己無買六合彩或任何賭博習慣，而我家人一直都有買，
話之佢係一千定一億，其實都冇乜諗過會中，純粹玩下。
我係那種去到澳門威尼斯人可以在中間大道直線通過的人。

「鼓吹」賭博，又係咪真係鼓吹到呢，我讀中學時都有同學賭波，
又唔見我畀佢地「鼓吹」到，話之人地賭到傾家蕩產也好、眾叛親離也好，關我乜事。
其實家教同個人成長經歷最緊要，我而家26歲，
只有兩次走入投注站的經驗，入親去都周身唔聚財。
相反，馬會就算將反賭宣傳放到好似門口紙牌公仔咁大都一樣大把人入去。

我個人的立場係，人要為自己的決定負責。

OT少少：
當年醞釀賭波合法化，我間基督教中學有個活動，每班傳一張A4紙，
要求同學寫上反對賭博的字句，當時中六，張紙傳完成班後都係空白的。
我係唯一一個寫的人，寫了「本來無一物　何處惹塵埃」。
傳返出去，英文科出身的班主任發晒火話做乜你地唔寫野，又話呢句係邊個寫，
有同學指係我，我本身係得佢歡心的「好學生」，之後就不了了之。
大佬呀，我地18歲架喇，無論我賭與唔賭，都已經唔係學校可以管教同控制的事。

原帖由 DIH 於 2011-5-19 09:18 發表
我自己無買六合彩或任何賭博習慣，而我家人一直都有買，
話之佢係一千定一億，其實都冇乜諗過會中，純粹玩下。
我係那種去到澳門威尼斯人可以在中間大道直線通過的人。

「鼓吹」賭博，又係咪真係鼓吹到呢，我讀中學時都有同學賭 ...

個人形公仔, 算吧啦, 靠門口個保安好過, 有人緊, 亦有人鬆
我做研究的朋友過左20
有幾次入投注站做觀察都比人截停
有次好好笑, 我朋友拎極都拎唔出張ID Card
同個保安過哂歲數, 個保安聽完之後就放左我朋友入去

另一次個staff知道我朋友過左歲數後, 就猛同佢sell投注戶口
不過我朋友當時有人傍住, 加上佢有定力, 所以個staff最後係空手而回

至於政府對馬會的管制, 其實係鬆
大家有時間看回相關專著及民政事務局做的research,
就知道外國的管制係緊好多, 例如澳洲係規定賭場要有窗,
但香港只是規定投注站的位置, 對其設計的規定就不多
睇到政府對馬會的管制係有加強的空間

http://hk.news.yahoo.com/article/110519/18/oe07.html
睇完個報導就知道我說的話非危言聳聽

其實我細細個都有夾買六合彩, 當然係同我家長夾...
大左去澳門都有玩下大細....但一定唔會沉迷,
亦唔會訓身去買, 玩極一次咪$100/200...一年都未必
有一次..

其實咩心態好緊要, 呢個世界好多野都係中性,
本身唔係問題, 但一沉迷/極端, 好多野都變成問題...

好似上網, 打機, 飲酒, 甚至食野, 一般情況, 都係中性,
正常去做是無問題, 但當沉迷/極端左, 就變成問題了..
如食太多野, 或故意好地地去過份節食, 本身都係唔好的...

賭博本身都係中性, 就算我去聽神父講道理, 神父都話買張
六合彩, 玩少少錢賭博, 本身唔係問題, 當遊戲咁就OK...
同你去冒險樂園, 羸左拎獎品一樣...甚至唔可以講係罪
(天主教角度去睇), 但如果係為左好貪錢去玩, 當然就有問
題la....當一沉迷/極端, 就一定唔好..

相反, 如果一d人好貪錢, 或太緊張錢, 或睇錢去到好大,
過份消費/節儉, 即使無賭, 都係唔好...所以真係睇咩心態...

(當然, 有d行為本身係唔好, 就算咩心態都係唔好)

所以我唔反對政府對賭博有一定限制, 亦支持政府去幫人戒
賭, 但我亦會放開d去睇呢d行為

[ 本帖最後由 3ASV196 於 2011-5-19 13:49 編輯 ]

明明講緊一億彩金, 無啦啦又可以將件事政治化
係咪真係有甘嘅需要呀
與其成日話政府乜乜物物, 做老豆老母嗰個死架?
家陣啲細路係政府生, 馬會生定石頭爆架? 無甘嘅責任
心無甘嘅能力就唔好生, 教得唔好係父母之過...
馬會呢個億圓彩池宣傳勁定報紙雜誌瘋狂, 明眼人一定
識睇...淨係識抽水唔睇真啲現實環境, 討論黎無意思
可以幫手封左個井佢....講完

[ 本帖最後由 dbat98D 於 2011-5-19 15:29 編輯 ]