其實西九塊地作甲級寫字樓發展更合理

依家尖南及尖東已具文化區域的雛形 - 文化中心，藝術館，太空館，科學館，歷史博物館，以至本身已具濃厚文化氣息的半島酒店及即將開放的前水警總部。點解唔Upgrade及加建現有設施，而要係西九又由零開始？

另一方面，中環真的不行了。早排走一趟，人車爭路，巴士在單線行車的窄路上蟻行，小販及搬運用手推車佔據行人路。舉頭一望，大部份都係六七十年代既乙，丙級商廈，每層只有三數千呎面積，大門還是停留在光管吊扇的景況。國金一帶當然是超水準的，但即使加埋交易廣場，怡和大廈，遮打大廈，長江中心，AIG大廈，總樓面亦不過七百萬方呎左右。前世貿兩棟已不只此數。

在西九發展如巴黎La Defense，倫敦Canary Wharf一類新式巨型寫字樓，似乎更合香港需要。當然要有高度限制，一方面不致太阻擋景觀，另一方面，亦可間接限制發展商又起五六十層高，但每層只得幾千呎的把鬼大廈。

無疑，以上觀點係純粹由規劃角度來睇。係地產商利益永遠行先的情況下，只可純作吹水話題

中環要重新規劃, 收地係一大問題......地價係天文數字。
但西九龍塊地最多只夠起一排幾橦商業大廈,
既取代唔到中環地位, 但又犧牲一塊可供文娛、旅遊發展既用地。

但係尖沙咀同中環都係香港既CBD。如果搞文化藝術，
唔通仲要響牛棚或者豬欄搞咩？

當然，個人都唔希望西九最終會成為商業項目。

其實點解政府唔將西九交俾康文署發展同管理?
好似其他公園咁~

西九項目原自前任特首董先生,因他篤信風水,對他有影響的當然要有所行動
某堪輿學家表示會展新翼設計會影響香港運勢,要化解就要在會展的西北面
(即西九所在位置)興建一個鳥型建築(天蓬),結果出了這個計劃

儘管個天蓬成本不非,現任特首曾先生都不願取消個天蓬設計(因為曾特首都信風水)


我反而覺得西九塊地可作興建甲級寫字樓,要起文化藝術區,舊啟德機場塊地更合適

不過,個項目有幾好的硬件都要培養市民有好的藝術知識(軟件),否則個項目講到有幾好都無用

天幕設計係來自Norman Foster參加西九公開設計比賽勝出既作品。
我覺得政府應繼續用呢個設計, 否則公開設計比賽會變成冇意義~

當然, 政府應同步加強藝術教育、相關支持政策等「軟件」。
不過, 我覺得呢個project完成後, 會對旅遊業幫助大於藝術發展。
天幕既「地標」成效亦多於實際用途。點都好, 我對Norman Foster同
新鴻基既信心十足。至於藝術發展, 始終要靠政府推動~

其實以香港對寫字樓既需求,
會唔會可以考慮發展新既大型商業區呢,
類似廣州天河台北信義計劃區或浦東個類呢?
而家多數新供應都係東區觀塘九龍灣區,
但就少一個大新區的氣勢.
不過我估要做都只有啟德先得~

同意,
西九和中環只是一個地鐵站之隔,
將來又會是香港重要的中港交通樞紐,
離機場,亞博館又近,
絕對有條件做香港CBD擴展地區.
當機場快線日後伸至灣仔北後,
灣仔,中環,西九便可成為黃金三角.

將天幕重新設計,
變成集商,住,展覽一身的建築群,
配合118層高的環貿大廈成為香港向全球招商的一個新地標.

[ 本帖最後由 Aboveday 於 2006-2-16 20:35 編輯 ]