廣深都搞實名制???

1/6試過，售票機讀不了回鄉卡，侷著去排隊

你估廣鐵想架咩
宜家係鐵道部新阿頭, 盛部長要求全國GCD 字頭車都要實名制
廣鐵唔通唔聽咩?

話就話實名制...
但其實只係買票時睇吓你個身份證/回鄉卡...
之後由入站到上車再搭車然後落車出閘，無一刻有查過你張票加身份證/回鄉卡
咁我又想問鐵路部/.廣深鐵路集團，你搞個實名制嚟做乜呢？

原帖由 GD1570 於 2011-6-6 20:51 發表
話就話實名制...
但其實只係買票時睇吓你個身份證/回鄉卡...
之後由入站到上車再搭車然後落車出閘，無一刻有查過你張票加身份證/回鄉卡
咁我又想問鐵路部/.廣深鐵路集團，你搞個實名制嚟做乜呢？ ...

陰謀論：
1. 防止有人內部大量出票報大乘客數目
2. 故意擾民，製造輿論否定劉志軍的建設
3. 迫使動車客量減低，跟住以不受歡迎為由減班降速

我本來報了6月15日韶關高鐵旅行團，尋日(5號)旅行社突然通知成唔到團，
我爸的朋友與同一旅行社的查詢中得知因為高鐵團體票要十日前出票，到5號都未夠人，所以唔成團；
我請的假唯有自己本地遊，此事亦令我對中國國情極為／更加失望。

在另一論壇睇到，有人話廣深要排長龍，車又delay成個鐘，
到有車時成棚人湧上車，持有當班車票的人都好難上車，睇到我怕怕，咪搞。

實名制只會不斷貶低高鐵的存在價值，極度擾民，
在日本，上班族放工撳幾下就買到張新幹線車票上車，我拿住張pass就可以新幹線當地鐵咁搭，
如果日本新幹線有實名制，東海道可唔可以開到一小時8-10班？

之前，我還在頂著千夫所指搵晒幾年立法會文件支持香港高鐵，為高鐵說了多少好話，
滿以為鐵路事業不會被政治沾污得太厲害，可惜始終對國情了解不足，
我而家真係好激氣，不如全國高鐵shut down算了。

[ 本帖最後由 DIH 於 2011-6-6 21:26 編輯 ]

說實在，就算廣深線搞唔搞實名制，佢DELAY根本就係「家常便飯」
由主要原因，就係因為停站點，個個都非常之多人上落車..
單單每一個站點只停兩分鐘，根本就不足以應付。
雖然知道每個車卡每一邊只有一扇門，而造扇門又不是大到可以同一時間有上有落..
兩分鐘點可以清得晒D人呢？

廣深線要排長龍，基本上就係節假日前往會有咁既現象..
以我今日(6月6日)下午在廣州東站所見，購南下車票的人龍又真係唔駛排好長
不過說實在，今次真係開多好多個COUNTER，再加埋自動售票機，
可能因為咁龍就少左，而我14:47到廣州東站，都可以買到15:21出發的二等座(即普通位)

之於持當班車票的人好難上到車的問題，我又覺得唔係WOR..
話晒一班CRH起碼坐千幾人，咁同一時間入站就緊係人多架啦..
上到車,，只要你持當班車票，去返自己的坐位，SHOW一SHOW車票，
點都一定有返個位坐...
唔通真係吓吓要好似港澳船咁，要起個後補區出嚟咩？
其他站我唔知，廣州東站同深圳站的廣深線候車室有幾大...
你有得幾多個候車室，要知道廣深線密起上嚟，講緊5-8分鐘一班
點排得咁多呀...

[ 本帖最後由 GD1570 於 2011-6-6 22:12 編輯 ]

1. 廣深線除左三四班直達列車外，全部都要1小時6分先行完全廣州東至深圳路段..
實際就起碼要1小時10分先得，一定無50分行晒全程...
2. 車票上係無名的，只有身份證/回鄉卡號碼(無英文字母)

補加返張今天乘車的車票相片，供各位參考：

[ 本帖最後由 GD1570 於 2011-6-6 22:07 編輯 ]

廣深delay似乎同實名制無關，因為最近坐廣深都delay大約10-20分鐘左右，每次都係喺車上（關車門後）等十幾分鐘先開車，入深圳或廣州東站都要停喺度等好耐。

實名制打擊黃牛最好，但在動車組實行，則有點無聊。實名制應在普鐵上實行。

一般座位係二等（80元），一等要100元，只限第1同第8卡供應。