廣深都搞實名制???

原帖由 stevenlim84 於 2011-6-7 17:27 發表
其實像廣深和諧號這類高密度短途城際鐵路，可否從鐵路售票系統分離出來，實行真正公交化運行，運作模式和地鐵一樣（不記名、不限車次），甚至用城市公交卡驗票上車，讓乘客在月台候車，不設候車室。

其實依家除左行實名制外，基本上都係不限車次...
只要係當天的票，你搭當天任何車次也可以..

之於不設候車室就更加不可能..
上文我都講過，CRH每卡只得一個車門
加上內地的不排隊、爭上落車的情況
要是在月台候車的話，我相信每天或會跌幾個落路軌
而且上落車時間一定比現時的還要長多幾倍...

原帖由 bombmanhk 於 2011-6-7 20:23 發表
我四至六號上大陸, 本來諗住自己放工先上, 後尾都決定同屋企一齊上
因為星期六放工成一點, 買兩點幾直通車就ok, 再諗到買飛要搞實名
我扶老攜幼費事麻煩, 最後都搭直通車算, 返來見到入站個安檢多人到, 起碼排五至十 ...

我又係依個時間返上去..
去程又係直通車...因為我收得晏，同埋想搭KTT..
所以揀了尾班北上KTT
點知慢到嘔，全程要成兩粒鐘....

回程就搭CRH，當日買票又唔係太難..
同行七個親友14:45排隊買票，結果14:57出返嚟
買的是15:21班車
而我就因為之前我父母已經買定16:40班車
結果當然就係照上15:21車啦..
上到車仲輕易地搵到四五個吉位....
車次亦準時地停靠深圳站...

安檢就一定需要的，相信會永久實施添..
實名制暫時唯一的好處，就係在廣州東站開多左一倍以上的售票窗囉,,

原帖由 GD1570 於 2011-6-8 07:25 發表


其實依家除左行實名制外，基本上都係不限車次...
只要係當天的票，你搭當天任何車次也可以..

之於不設候車室就更加不可能..
上文我都講過，CRH每卡只得一個車門
加上內地的不排隊、爭上落車的情況
要是在月台候車的話，我 ...

呢個等CRH6
平均化車門, 地鐵式排座
(不過用係廣深唔該減價)

小弟端午節搭左次即日來回，發現深圳同廣州東連售票處都變埋安檢範圍.....
深圳北上排安檢約三分鐘，買飛就去左個無人排的新櫃位，半分鐘就買好。
不過廣州東南下就遇正人潮，排安檢排足 20 分鐘，跟住去左自動售票機買，
排左三個人，係小弟從旁協助下大約用左六、七分鐘就買到飛.....

其實實名制雖然話係打擊黃牛， 我就相信背後係另有原因.....

P.S. 果日多人到其中一卡車超載開唔到車

[ 本帖最後由 da54 於 2011-6-8 21:17 編輯 ]

原帖由 DR1666 於 2011-6-7 00:33 發表



係可以用到的
呢兩日同朋友上左廣州玩, 上去搭直通車, 回程就搭廣深線落深圳
我地於廣州東站買車票返深圳時, 都係用自助售票機買飛

因為呢次係我朋友負責買飛 (我冇企埋去部售票機度, 只係企o係售票機後面等)
所 ...

二代身份證就係輕觸式拍卡，回鄉卡就係碌卡......

少少補充：廣州東站自從去年初已經因為亞運關係改做入售票處前先安檢，至於深圳站，截至小弟出文時(25/5)都未更改安檢位置。

原帖由 da54 於 2011-6-8 21:17 發表

二代身份證就係輕觸式拍卡，回鄉卡就係碌卡......

有同事話想買飛買得快，售票窗前要講兩個字：「港回」
因為售票窗職員未必熟悉系統，又唔睇清楚證件種類，
如果唔加上搜尋條件只搜尋回鄉咭資料，系統就會搜尋全國十幾億人口資料核對……
如果只以幾百萬回鄉咭資料搜尋，只需兩秒已經完成。