尚有數小時, 呢間日資的電器店就成為香港的歷史一頁

講緊香港最好電器, 由1/6/2011起賣給蘇寧鐳射, 最後營業至27/5下午6時(店內貨品已清走部份, 並沒有作出任何減價行動)

[ 本帖最後由 gordon 於 2011-5-27 16:08 編輯 ]

咁呢三間分店會執左佢
定係會轉做鐳射?

其實係咪將3間野既所有業務/資產賣盤比蘇寧?

原帖由 OTIS401 於 2011-5-27 16:12 發表
咁呢三間分店會執左佢
定係會轉做鐳射?

未知, 我見咩加扑時果間清走晒D野......
相信鐳射可能要裝修(BEST三間分店的地區, 有兩個是沒有鐳射分店的, 剩下屯門分店附近果間鐳射都好細間下, 呢三間分店變做鐳射都對它幾大幫助)

原帖由 kay 於 2011-5-27 16:18 發表
其實係咪將3間野既所有業務/資產賣盤比蘇寧?

應該就係啦, 如果唔係BEST仲唔減價清晒批貨咩, D貨唔知係咪去晒鐳射個倉度呢.

其實BEST轉賣俾鐳射都唔係話壞事，因為見BEST既貨品種類都比
其他電器鋪小咁，特別係d相機 . . . 所以見佢d人留都唔多，同埋
我覺得BEST賣既野好似都比其他電器鋪貴d咁，送既野又比較少 . . .
至少鐳射d產品都比較平又多野送d，俾鐳射都唔錯既 . . .

我估係唔同背景公司唔同文化先唔夠爭...

另外日本地震後經濟差左
亦令外資回流

話唔埋呢3間野無錢賺，賣盤帶d錢返去日本仲好...

原來係賣左盤，唔怪之得見佢好多專櫃都已經搬走哂野啦

其實小弟幾鍾意同最好電器買野, 小家電平過出面款式又比較齊......不過賣給蘇寧都好過賣給百記豐記, 蘇寧賣電器比其他幾間連鎖店的價錢略低.

無獨有偶, 現存果三間分店(奧海城, 咩加扑時, 屯門市廣場)已經包括了第一間在港開設的分店及最後一間在港開設的分店:

屯門市廣場(1997年開業-2011年結業), 最長歷史的分店, 如果沒記錯它也是香港第一間分店, 嚴格一點來說它是屯門市廣場在1988年開業的第一批商戶, 因為現在它的位置是當年八佰伴的電器部, 最好電器好似與八佰伴的關係密切, 甚至連價錢牌的格式也一樣, 所以由1988年開始, 八佰伴的電器部也是由最好電器經營, 1997年八佰伴清盤, 臨時清盤人將各八佰伴分店重開兩天清貨時, 清貨貨品也不包括電器在內(因為八佰伴賣的電器是由最好電器擁有), 之後屯門市廣場的業主信和地產集合了大部份前八佰伴屯門店的專櫃租戶在原來位置繼續經營, 當中也包括最好電器, 直至吉之島租下屯門市廣場前八佰伴的大部份樓面, 最好電器位處的地下重新裝修, 名正言順, 以前八佰伴電器部個位就成了現在最好電器的分店, 並營業至今.

Megabox(2007年開業-2011年結業), 三間分店之中年紀最短的分店, Megabox的第一批進駐的商戶(同期的Spotlight, B & Q也先後結業), 它也是最後一間在香港開設的分店, 前身由將軍澳新都城二期搬遷(現時名苑酒家的位置)至現址, 它也是三間分店之中佔地最大的分店, 可能因為當年Megabox的底層都以大舖位為主.

反而不知奧海城果間是何時開業的, 係細舖, 比起當年鑽石山荷李活廣場的分店更細......

[ 本帖最後由 gordon 於 2011-5-28 00:55 編輯 ]

不過megabox間鋪其實真係太大...suning 要一半都夠晒