海濱廣場

小弟未見過有甘大規模商場會無咩商舖?其實佢本身有咩問題吸引唔到人租/幫襯?根wiki所講,海濱廣場之全盛期為1988年至1997年，曾經擁有電影院海濱戲院、百貨公司永安百貨、遊樂設施歡樂天地，以及美食廣場等眾多設施,而且有當年新界區唯一一個擁有溜冰場的商場。一過97年,不少商戶撤離海濱廣場，以至商場出現大量凋空的情況,7樓和8樓更因沒有商店而停止對外開放,而加真係好浪費。E個商場真係連海濱花園居民都唔去,真係有咩問題?

[ 本帖最後由 DA78 於 2011-6-2 21:14 編輯 ]

果區既人似乎響區外 (如荃灣、葵芳) 消費多過留響海濱廣場
商場亦吸引唔到街外人入去
上次去, 成個場一陣怪味的
唔好話佢, 佢附近信和個海灣廣場都係死城, 舊年聖誕去好似成個場摺晒, 想入去望下都畀保安員拒絕

原帖由 jpoon 於 2011-5-28 02:49 發表
果區既人似乎響區外 (如荃灣、葵芳) 消費多過留響海濱廣場
商場亦吸引唔到街外人入去
上次去, 成個場一陣怪味的
唔好話佢, 佢附近信和個海灣廣場都係死城, 舊年聖誕去好似成個場摺晒, 想入去望下都畀保安員拒絕 ...

信和一向管理旗下商場冇咁進取, 有 D 死場就算丟空亦無所謂, e.g. 觀塘碼頭廣場

以前信和中心亦係理得你死, 賣四仔賣老翻都唔介意, 最緊要有租交....

原帖由 李志豪 於 2011-5-28 04:00 發表


信和一向管理旗下商場冇咁進取, 有 D 死場就算丟空亦無所謂, e.g. 觀塘碼頭廣場

以前信和中心亦係理得你死, 賣四仔賣老翻都唔介意, 最緊要有租交.... ...

信和中心賣散晒, 有冇租交都唔關信和事

規劃失誤囉，咁細個地方 (唔似美孚成百幢樓)，又唔係無平台商場，
無端端整 9 層商場，根本就係致命錯誤。

原帖由 李志豪 於 2011-5-28 04:00 發表

信和一向管理旗下商場冇咁進取, 有 D 死場就算丟空亦無所謂, e.g. 觀塘碼頭廣場

以前信和中心亦係理得你死, 賣四仔賣老翻都唔介意, 最緊要有租交....

信和管0既場真係一 D D，大場或者一線物業，即係
奧海城、御龍山、國際交易中心咁，佢真0係做足一
級服務俾你。

至於二三線寫字樓、細場同埋IO 樓，佢真係夠膽死
同你 hea 管。

海濱廣場搞成今時今日咁,原因同樓上講既一樣,嚴重規劃失誤...
先講講佢既地理位置
原本德士古道以南既地方,包括海濱花園前身德士古油庫已經係屬於葵青區
呢個地帶同市中心有一段距離,而且被德士古工業區完全分隔
以往呢度係無人地帶,如果唔係油庫員工都唔會無端端走去
但係偏偏德士古油庫拆卸,而且重建成海濱花園
呢一區亦被統稱為荃灣南

照道理,海濱花園前係工業區,後有華人永遠墳場,而且同市中心有一段距離
應該旺極都有限,但係新世界設計屋苑時就包埋呢個11層廣場(B2,B1,G,1-8樓)
海濱花園落成時更隆重其事,九巴當年又重視呢個新屋苑,開辦第一條全冷線(38M)
最終先可以吸引到大大小小既公司係海濱廣場開分店/置業
而海灣花園購物商場,只可以話係海灣花園既一個附屬品,本身唔具有任何吸引力

順帶提一提,當年海濱廣場各層商戶有:
1樓:海濱廣場管理處,匯豐銀行,鐘錶行(尚在),CD舖
2樓:海濱戲院(現百佳位置),時裝店(現時得番一間),眼鏡店(尚在)
3樓:永安百貨(現百佳樓上),溜冰場(尚在)
4樓:永安百貨,時裝店,餐廳
5樓:永安百貨
6樓:電話公司
7樓:翰騰閣酒樓
8樓:美食廣場(大家樂,各式餐廳)
B1-B2係停車場同卸貨區,G係詢問處
*歡樂天地其實位於海灣花園商場地下

即使先天不足(位置隔涉,交通不便),原本海濱廣場都可以靠現況支持一下既
可惜一個金融風暴,雞飛狗走
但係都要重申一下,97之後海濱廣場其實都仲未即時死亡
各商戶都係慢慢搬走/結業,去到03沙士之後先正式死亡
而7,8樓封閉,其實都係近呢兩年既事,因為8樓最後一間餐廳結業先封閉(間餐廳後黎去左第二度重開)
6樓就仲有珠海書院圖書館封唔成

講番海灣花園個商場,商場有一條天橋伸左出黎,但係未接到海濱花園個平台就落左地下
聽人地講,最初新世界同信和已經傾掂左數,將海灣花園商場條天橋接落海濱花園平台
令居民於雨天時可以經天橋行過海濱花園,順便帶旺海灣花園商場人流
但係後黎唔知點解又拗反左,最終條天橋就接唔到海濱花園
話就話佢冇吸引力,但係初開張時海灣花園商場都有各式商舖
最特別莫過於教統局同婚姻註冊處都搬埋入黎
後於2000年左右先搬走

最初其實海濱廣場規模都唔止而家咁,原本商場上蓋仲有一幢商業大廈
亦即係可以藉住商業大廈帶旺呢一帶
但係後黎起到出黎既就只有海濱廣場,令海濱廣場出現剩餘地積比率既問題
現時新世界將商業大廈計劃一開二,圖則仲已經俾屋宇署批左
廣場將來發展係點就要留待時間見証

但係講到海濱廣場幾時先可以變番旺...
最快恐怕要等到海灣花園後面個新屋苑落成先有一線曙光

[ 本帖最後由 WING93 於 2011-5-28 21:41 編輯 ]

即使將來附近有新樓落成
人流估計都係咁上下

因為海濱廣場係新世界管理
新世界攪商場一向都麻麻

主要商場得愉景新城同 K11
愉景新城近年都走下陂
人流少左好多 ...

其實起五年幾前, A10 板曾經間接提討論過海濱廣場
http://hkitalk.net/HKiTalk2/view ... age%3D55&page=4

由第四版開始 ~

原帖由 andy92 於 2011-5-28 16:35 發表
即使將來附近有新樓落成
人流估計都係咁上下

因為海濱廣場係新世界管理
新世界攪商場一向都麻麻

主要商場得愉景新城同 K11
愉景新城近年都走下陂
人流少左好多 ... ...

實情愉景新城基本上 d 鋪真係越黎越
我都唔知應該點講, 不過數數下其實都好多間鋪都已經走左啦
以前有 Hong Kong Best, GOD 住好 D, 豐澤, 馬沙 ...

不過實情講真,
而家荃灣咁多商場 - 荃新天地, 荃灣廣場...
要行都唔行愉景新城 ~