新年假期盲毛特別多﹗

話說，自年廿八起，連續幾日都全日用車，渣到出街，發覺街上o既車比平時多o左，可能係新年o既關係啦﹗大家出去購物同拜年，就係呢幾日，起到以下幾單盲毛事件︰

1)年廿八，朝早返到公司附近，o係彩虹村迴旋處隔離個燈口，前面正值紅燈，有架黑色 323 同我一齊慢駛到車龍隊尾排隊佢排慢線，我排二線。之後，左轉去迴轉處同巴士站o既左轉紅綠燈轉為綠色，慢線由於可以左轉同直去o既關係，左轉o既巴士就如魚貫水咁全部轉左，而架 323 亦慢慢去前駛到停車線前，當時直去及右轉o既紅綠燈仲係紅色o既。正當大家都以為架 323 會停車o既時候，佢就理都唔理，以為直去燈都轉埋綠色，成架車標出去﹗此時，一架的士由迴旋處駛出，預備右轉上天橋往斧山方向，好彩架的士收制收得快，如果唔係架 323 就會俾人攔腰撞埋去；

2)年廿九晚，車完女朋友返屋企，又行返大老山返屋企，o係太子道西右U-turn轉上大老山後，前面塞車。我自問係一個無乜耐性o既人，所以偷雞行o左路肩去前面打尖﹗去到前面，有個女人渣住架 Benz A-class，見我咁插入去，佢就讓我入啦，但係我無入，讓o左佢先，o係佢後面架的士前入，點之行前多少少，入o左隧道無耐，架 A-class 可能見因為塞車，快線行車非常疏落，竟然由慢綠 cut 雙白線入o左快線；

3)年初一，一早出o左觀塘，之後返馬鞍山，返去o既時候，去到啟業出面，正當我靠左線預備左轉上大老山隧道支路之際，有架 HONDA EF 竟然o係第四線越過 N 條雙白線直飛入支路路口﹗o係我前面架紅 Van 都因此而急煞；

4)年初二晚，去完元朗，車返我女朋友返屋企，行大欖隧道經汀九出九龍。未到大欖收費廣場時，見到有架 Benz ML-Class 高速 (當時我行緊105 km/h，佢仲行得快過我) 由中線以直線行入慢線，再以相同車速駛入路肩，之後無耐又走返出慢線，再出返中線，又入返慢線同路肩，如事者都有三次咁多，都唔知係唔係渣車果個恰緊眼瞓；

5)呢單就火滾o野﹗又係年初二晚，差唔我返到屋企樓下泊車，沿西沙路向馬鞍山市中心方向行去到聽濤雅苑路口時，有架超載 (連司機七人，後座三大兩小，前面一個大人) o既紅色的士睇都唔睇，就由聽濤雅苑路口標出o黎﹗我即刻急煞、響安兼閃高燈﹗架的士見狀即刻急停，但係當時佢架車已經出o左路口，左轉o左西沙路，停o左o係慢線度﹗於是我就入中線過o左佢，再入返慢線﹗我爬頭過佢時，見的士佬口中『念念有詞』，我就明有心玩佢，入慢線後o係佢前面頂住佢，以30km/h行車，佢 cut 線，我又跟住 cut，頂o係佢前面，佢想快，我就再慢 D﹗佢閃過我高燈，我就係唔行開俾佢﹗足足行o左成分鐘先到頌安村路口﹗

新年渣車真係要萬二分小心，如果唔係因為呢 D 盲毛而搞到要開年，咁就無謂啦﹗

＊不過話時話，今年 Double Parking o既情況無早幾年咁勁，唔知係唔係有關方面做多o左o野呢？﹗

[ 本帖最後由 FX8173 於 2006-1-31 17:55 編輯 ]

屯門公路, 我部車72km/h, 行緊快線, 俾前面部camry 頂住, 隔離中線一部AE100 (LX 車牌)阻住, 後面一部不知名物體係咁頂住, 局收到50幾, 拖落三波, 打燈連抽兩條線咁去。咖啡灣至掃管芴一段暗斜入彎前狂啋brake..

汀九橋 (出九龍方向) 青馬橋交匯處 要收到50幾出 (平時三號幹線繸道內行65km/h, 出隧道過線又唔打燈...........

前晚由觀塘飛龍翔道番去, 又係D慢車頂住條快線, 對頭線在筆架山花園左轉反咗部唔知甚麼車 (我唔會收慢八卦影響交通)

太多唔係Holiday Driver, 係 -40度凍櫃攞出來的 CNY Driver, 仲危險。各位朋友, 呢幾日小心D

我尋日由觀塘繞道入沙田，近彩虹行緊中線，快線有一物體過左我，去到彩虹上蓋尾突然由最右抽去最左，
當時左線有車，嚇到要急剎．我係佢十幾個車位後好似睇戲咁，一額汗...

另一劑，我左邊有部ES300, 睇住前面條線二收一都仲係要保持住係我左邊盲區，唔快又唔慢，我打晒左燈佢都無動於衷．．．

前日在天水圍，我在中線轉一個右彎，那個路口三條線都可以轉右，左邊係部城記，出口好闊又有輕鐵軌，我一路轉一路睇下在出口邊條
線出，轉彎中的城記越來越近，我左邊差 d high 左埋去... 唉..... 都係自己唔小心.

[ 本帖最後由 Dolphin 於 2006-1-31 13:07 編輯 ]

剛剛想到多單 (唔好話我灌水)

都係前晚, 去到呈翔道盈暉臺彎位落三號仔, 過完橋底, 一部Harrier由右線去碼頭, 突然急剎抽左, 我前面部的士差D到, 我就一早收咗, 好彩後面部車距離遠, 唔係就開年

昨晚(年初二晚)坐HJ7748(AV272)@270A由上水返家,入獅隧後跟住部ECHO..部ECHO居然在管道內行50..
跟住落浸會時部ECHO仲痴..以為佢行橋落窩打老道誰不知佢連燈也不打急剎抽左落浸會,好彩架AV收得切..

年廿八在太子道都都見/遇到四單意外.

一) 我坐架紅頂去美孚, 當日太子道車多兼落住雨, 自己坐架車要由慢線抽出快線,
就係 cut 線時車尾 high 到架中型貨車隻左鏡, "拍"一聲, 初時小巴佬都唔知"high" 到
野, 駛前左幾個車位先停低, 架中車就一直停o係度, 一路冇落過車, 個小巴佬落車
幫佢校返隻鏡就了事.

二)前多五百米左右, 有架 EK 從左面插架紅頂, 唔知係咪架紅頂唔讓, 攔腰隊落架
EK 個尾門度

三)再前多五百米入基堤道前, 架 NZE121 打橫o係太子道, 泵把, 鬼面罩, 頭燈一
地都係, 前面有架綠頂有警察在車上做野. 唔係好明架 NZE121 點樣可以炒到咁傷.

四)在前殼牌油站有架哈仔同架3.3同樣有警察做野, 估計係第四宗事故.

所以落雨渣車要小心, 大節前同樣要小心.

年初一都見一單，將軍澳隧道公路落斜，有架323打好耐燈都唔敢過快線。臨到寶順路支路時，得大半個車位都夾硬cut過去快線，隨後幾架車要怒dup。應過時又唔過，唔應過時就勇猛得滯。好心佢啦，成車都係人有老又有嫩，好危險架。

其實呢班業餘司機都係車主，手車好似比新牌還不如。

我呢排都試過見到呢d 盲毛.....
我通常會閃佢一野, 通常都識拿拿臨cut ge, 如果唔係咪加快個閃ge 速度. 然後比油過佢...

香港好多呢d sunday driver/魯莽driver..
我對佢地既駕方法就係.......體諒,大方,原諒
(我自己係因應路面情況而決定車速 盡量唔會超速多過20km/h)
由佢慢慢行 跟住佢都無所謂
絕對唔會因為佢地d"行為"而"魯莽駕駛"/"發脾氣"

因為唔值得 同埋渣車我覺得心情唔好 好危險............
所以我渣車係"平常心"黎渣 就算比人好貼咁cut線/路口唔讓/夾硬轉線 都由得佢 無謂因為人地既錯而自己嬲

*有時d人好快係我隔離經過 去到前邊燈位/塞車停低..我慢慢行又係果度停
我停果時望望佢,,果種滿足感真係呀.....(心諗 死蠢 開咁快咪又等埋我 哈哈哈)

原帖由 eg8739 於 2006-2-3 15:03 發表
香港好多呢d sunday driver/魯莽driver..
我對佢地既駕方法就係.......體諒,大方,原諒
(我自己係因應路面情況而決定車速 盡量唔會超速多過20km/h)
由佢慢慢行 跟住佢都無所謂
絕對唔會因為佢地d"行為&qu ...

問題係, 呢班司機根本唔知自己手車的問題所在, 更不明對其他車輛構成危險。