假設當年六四中國政府無用軍隊鎮壓學生？今日會點呢？

共產黨倒台囉~

我覺得中國未必有今時今日咁強大....

都係果句

我寧願係一個經濟發展普普通通,但自由相對較多既國家
都唔想係一個經濟發展幾好,但自由好少既國家

中國今時今日咁強大我唔覺得係好事
至少我覺得中共搞緊一個陰謀,佢做好多會令人誤會既事出黎

假如沒有這個心理包袱，我覺得中國現在發展可能更好，
唔使支出龐大維穩費，唔使用網絡警察，可以集中精神搞好基建及落實政府內部改革。

當年的立論係要民主，我唔知北京會做成點，但睇台灣例子，
早期都亂過一排，但經過十多年洗禮，政客同選民都識得玩呢個遊戲，
路線會趨向中間而偏激意見會逐漸減少，我就唔信中國人做不到民主。

但對共產黨而言，則會係一次權力大洗牌，如果見證香港回歸的係趙紫陽，
如果司徒華同李柱銘一直留在基本法起草委員會，如果沒有支聯會......
可能香港同內地之間的文化隔閡會無咁嚴重，通關容易，
又無移民潮，人才留港，中港融合會早好多發生。

個人亦都覺得如果當年共產黨唔出動軍隊
基本上肯定會好似前蘇聯國家咁倒台
而且中國幅員廣大而且又存在咁多唔同民族同文化
國家四分五裂既可能性都相當大
至於經濟發展又或者係國力之類既硬指標
我既睇法仍然係傾向都係會同大部份前蘇聯國家差唔多
所以我既結論係當年果件事一開始發生
無論點樣收科都係一檯杯具

原帖由 kychung 於 2011-6-3 20:35 發表
個人亦都覺得如果當年共產黨唔出動軍隊
基本上肯定會好似前蘇聯國家咁倒台
而且中國幅員廣大而且又存在咁多唔同民族同文化
國家四分五裂既可能性都相當大
至於經濟發展又或者係國力之類既硬指標
我既睇法仍然係傾向 ...

又未必嘅
俄羅斯其實都係一個多民族國家 (其中都有一族佔多), 幅員更大
蘇聯瓦解後, 俄羅斯都仍然保持得到國家完整

原帖由 Quanta 於 4/6/2011 00:49 發表


又未必嘅
俄羅斯其實都係一個多民族國家 (其中都有一族佔多), 幅員更大
蘇聯瓦解後, 俄羅斯都仍然保持得到國家完整

俄羅斯龍興之地其實係而家烏克蘭、白俄羅斯領土...
西伯利亞基本上係廢嘅 (唔同中國，連新疆都可以開發)。
俄羅斯呢個國殤短期內救唔番，
亦因此戈巴卓夫喺俄羅斯係好不受歡迎。

其實六四背景原因好複雜，好多人都分析過。
我最記得嘅版本係，鄧小平係文革受害者，所以一有咩群眾運動，
佢就下意識覺得文革會歷史重演
(記唔記得曾蔭權嗰句咩「極端民主會變成文革」？)，
結果佢不惜用鐵腕鎮壓。

我覺得呢，而家應該無乜彎轉，亦都唔好望中共會和平演變，
大家準備走佬吧啦，如果唔係，下次內戰爆發，
香港唔係殖民地，等一鑊熟架咋。

鎮壓與否，和出動軍隊屠城，完全是兩回事。