{建議} 分拆隧巴102,112以及118小改動
[複製鏈接]
|
暫時唔搞106, 110, 116住.
簡介:
1. 102 改特快
2. 112縮短
3. 新線122 取代102及112改動後既空位
4. 另於繁時設122P
5. 118往小西灣不經北角
6. 102P改路
***************************************************
-102 筲箕灣 <-> 美孚
為筲箕灣、西灣河、太古、及鰂魚涌的居民及太古坊上班人士提供特快服務來往紅隧及旺角.
路線全日來回均改為722上、落橋 (即不再途經北角、炮台山及銅鑼灣)
*往九龍不停景隆街站, 上東廊後跟118行.
車資不變.
班次: 8-15分鐘一班
*另有少量繁時特車來往筲箕灣<->旺角
***********
-102P 筲箕灣 -> 美孚
取消上繁由美孚開出的班次, 因已有新102取代.
只保留上繁往美孚的兩班服務, 但改路.
路線改經耀東, 進入太古城 (即跟110), 然後跟720上東廊, 跟118往紅隧.
俾耀東及太古城客甜頭, 為日後110取消/重組鋪路.
************
-112 蘇屋 <-> 銅鑼灣/天后 (總站待定)
CWB<-> 蘇屋一段行車路線不變.
北角<-> 天后的服務由新線122取代.
車資不變.
班次: 5-10分鐘一班
另設不定期特別班次來往銅鑼灣<-> 旺角.
**************
-122 北角(百福道) <-> 美孚
新路線, 每天全日服務.
跟現102線行, 九龍方向如經興發街、景隆街站等等; 而港島方向也是跟102行到北角.
車資: $9.3
班次: 8-12分鐘一班
上繁有部分班次以旺角為總站, 以加快回車速度.
下繁, 這角色由122P取代.
*****************
-122P 北角(百福道) <->旺角
新路線, 於下繁提供雙向服務.
與122的分別為: 往九龍方向, 過炮台山地鐵站後, 上清風街天橋, 直到景隆街站, 避過下繁興發街的塞車;
而往港島方向, 過紅隧後, 跟現時的118直往電氣道及渣華道, 避過高士威道一帶, 也為118改特快爭取一些理據.
車資: $9.3
班次: 15-20分鐘一班
******************
-118 深水埗 <-> 小西灣
全日往港島方向不經北角, 過紅隧後跟780直到柴灣斜.
車資不變.
班次不變.
紅隧->北角特快, 可乘110, 122P (下繁)
旺角->北角特快, 下繁可乘122P
而基於上繁/非繁, 122遇到高士威道塞車既機會並不大, 因此建議旺角->北角的乘客改乘122.
[ 本帖最後由 neoplan720p 於 2011-6-16 23:33 編輯 ] |
|
|
|
|
|
|
|
|
|
122全日乎?另外北角全日有足夠客源嗎?(小弟愚見112北角段客量不太高，如有錯請指) |
|
|
|
|
|
|
|
|
按樓主建議，健威花園至維園會得返 122 做晒原本 102/112 既客 |
|
|
|
|
|
|
|
|
正解;
112而家北角、炮台山客唔多, 係因為要入怡和街一帶, 拖慢車程;
所以而家佢地係靠102/118 (單向) 出入九龍西、紅隧.
而122正正係102改特快後, 北角一帶既替代品.
而既然122係專做呢一區, 112係呢區既存在價值就會更低. (而家112北角仲叫做有d人上, 係因為102有時甩班甩到傻, 去到北角要企/上唔到車, 所以d人先逼住上112)
所以2拆3後, 各條線既分工將會更加清晰. |
|
|
|
|
|
|
|
|
呢個2拆3其實都係近乎共識, 係差銅鑼灣果條線總站唔知放邊
不過個人覺得重組後：
102 無需要去到美孚, 深水步/長沙灣已經夠, 美孚交晒比122
102 往筲箕灣全日經渣華道, 代替118/122P往北角班次
118 往小西灣全日不經北角, 經太古城, 取消110
繁時部份班次改為118X, 不入太古城, 直達柴灣斜
102P 早上往美孚班次改為 筲箕灣>耀興>太古城>紅隧, 取代110
做低110既好處係可以另到車源更加集中o係102/112/122
*可以既話我會叫北角果條做102、筲箕灣果條做122 |
|
|
|
|
|
|
|
|
樓上都講咗，呢個建議基本上已經係得到大眾認同，大致都唔會有問題。
唯讀我想乘機將3條線分開俾3間公司獨營，行政上會好得多，路線發展上亦唔會有咩大阻攔。 |
|
|
|
|
|
|
|
|
呢層可能會有難度.
雖則獨營可以解決兩間公司惡性競爭既問題 (如A公司頭車狂追B公司尾車搶客),
但係預計3條線都有唔同既客量, 唔同既利潤.
呢樣老九同新城有排拗. 
最主要未知數係無人知, 102改特快後可唔可以搶到而家既地鐵客.
如果搶到, 又可以搶幾多.
所以大家可以見到我而家新102既班次都唔會太密, 因為唔知可以搶到幾多新客返黎. |
|
|
|
|
|
|
|
|
回復 5# 的帖子
1. 其實可以襯而家唔算太多爭拗既時候討論埋112銅鑼灣果邊既總站. 呢幾年唔同既板友都提出幾個我認為都算做可行既方案.
a) 天后站. (要解決唔夠位擺既問題)
b) 威菲路道 (位就夠, 但個人唔係好主張, 因為要行興發街, 往九龍又要兜一段路先出返黎, 同去北角比, 慳既車唔會太多)
c) 大球場. (做唔到中央圖書館)
d) 循環線1 (過紅隧依原線至富豪酒店對出u-turn, 跟原線返) (呢個係最簡單做法, 但同樣做唔到中圖)
e) 循環線2 (過紅隧後, 行禮頓道、邊寧頓街、怡和街、堅拿道返九龍) (做唔到天樂里同中圖)
f) 循環線3 (過紅隧後, 跟18行, 永興街、英皇道、高士威道原線112返九龍) (做唔到天樂里)
g) 循環線4 (過紅隧後, 跟現102上告士打道橋, 再駁落摩頓台天橋, 經摩頓台果邊出返高士威道返原112往九龍) (做唔到天樂里)
有人話循環線會容易脫班, 但我覺得問題又未必會嚴重左. 反正而家大部分頻密紅隧線都無班次可言
因為even 有總站, 對於班次既調整都好有限.
112係其中一條
歡迎討論
[ 本帖最後由 neoplan720p 於 2011-6-17 14:23 編輯 ] |
|
|
|
|
|
|
|
|
回復 5# 的帖子
2. 102我覺得縮短到深水埗/長沙灣係一件好事黎既, 不過其實都要問下大家對於紅隧轉乘呢樣野既睇法. (因為之後會出既106/116重組都會牽涉到紅隧免費轉乘呢個問題)
縮短可以試下做, 但如果區議會唔批, 擺美孚都可以接受到既. 最多旺角短途車做多幾班拉均條數.
3. 102往筲箕灣經全段渣華道, 就我個人而言係有保留既.
我而家呢個建議係盡量將所有線, 來回方向都做到服務同一批客. 我既原意係想將炮台北角客谷落條122/122P到.
102專心做QB打後既客. 因為渣華道雖然已經俾行英皇道快唔少, 但始終渣華道有時d貨車落貨, 會搞到塞塞地, 所以我覺得將102來回踢哂上東廊會對QB打後既客更有吸引力.
4. 恕我未能同意師兄對118既建議改動.
作為一個住左係太古城二十年既人, 我覺得太古城既人對於紅隧線入唔入太古城, 唔係咁緊張.
反正而家去九龍, 唔係坐地鐵, 就係穿地鐵站行上康山叫三飛, 極少人會呆等110.
所以, 我覺得取消110後, 對太古城既補償就係上繁兩班既102P, 同埋全日特快既102 (行上康山去搭)已經好夠; 而我之後提出既106/116重組, 會有一條快線係北角上東廊. 到時太古城人就可以行上康山叫特快兩飛, 比而家著數得多.
重點係, 師兄要118往小西灣兜入太古城, 會係對太古城既路面狀況帶來災難性既衝擊. 而家720/720A 來回已經搞到太古城有時塞塞地, 如果仲要一條4-5分鐘一班既118入黎既話, 太古城既人係會受苦, 唔係受益的.
我寧願佢加一部車落720穩定下繁班次算.
5. 110取消會係106/116重組果到見到.
KO 110 係我呢十年既心願. |
|
|
|
|
|
|
|
|
其實110既處境真係好難搞,
取消唔係唔得,不過唔好搞到個堆紅隧線好似而家條82咁就得啦,
而家82效率極低之過,全因為新巴係近呢十年內先改動,後取消左83,84,88,
然後再送8仔上東廊,
當然,
8仔上東廊其實都係大勢所趨,
只不過最主要的錯誤在於亂改84
同樣地,
而家110同以前84的境況一樣,(指經柴斜年代的84)
而你選擇取消佢,
小心106,116,122效率會降低之餘,
仲要隨時係電牌打"頻密"... |
|
|
Lovey Dovey
|
|
|
|
|
|
|
Advertisement
Advertisement
Advertisement
Advertisement
Advertisement
|
樓主
