欠 1.1元發難 打站長車長兩巡警 巴士怒翁揮傘傷四人

2011年06月12日 【本報訊】孔武有力 69歲巴士怒翁昨晨在沙田禾輋鸷乘巴士時，車長發現他尚欠 1.1元車資拒他上車。他勃然大怒，拿雨傘打傷兩名到來調停的站長及車長，另一車長到來引開怒翁，引他追往 200米外警署。兩名巡警見狀制止怒翁時，亦被他打傷，最後合力把他拘捕。 涉嫌襲擊及襲警罪被捕的怒翁姓陳，他報稱不適要送院，由於怒翁孔武有力，警方安排送院時要替他戴上手銬及鐵鏈。 街坊稱，涉事怒翁數月前亦在事發的禾輋鸷巴士總站鬧事，更曾出手打人，令一眾巴士車長怕怕。事發昨晨約 7時，陳撐覑雨傘去到禾輋鸷巴士總站乘 81號巴士，該線巴士車資全費 6.1元，平日（周一至周六）長者優惠車費 3.1元，逢周日設 2元乘車優惠。據知當時陳只放下 2元車資，車長發現欠了 1.1元，覑他補付車費。 醒目車長引往警署 陳翁不滿以粗口大罵車長， 53歲姓葉站長前來調停及請陳翁下車，陳勃然大怒，竟拿雨傘打站長嘴角，另一名姓溫車長前來勸架，亦被怒翁揮雨傘打傷前額，眼角及手肘，現場一片混亂。 此時，另一名機警的 50歲姓黃車長到來轉移怒翁視線，他一手撩撥怒翁手中雨傘，一邊呼叫：「鈬追我啦！」怒翁果然中計，揮舞雨傘從後追打，車長沿豐順街朝 200米外沙田警署方向跑去。 其間，兩名警員巡經目睹怒翁追打人，即上前阻止。當時怒翁竟不理警員勸阻，揮舞雨傘分別打中兩警的面頰及前額。由於怒翁孔武有力，兩警員稍後費盡氣力才能將他制服拘捕，再由增援的同袍合力押走。警員調查後，以怒翁涉嫌襲擊及襲警罪把他拘捕。 事件中姓葉巴士站長及姓溫車長均受傷，事後連同兩名受傷巡警送院，怒翁亦受輕傷送院敷治。 １）九巴車長見老翁少付車資，老翁不滿以粗口謾罵，站長來調停不果 ２）老翁發怒以雨傘打傷站長及另一車長，姓黃車長跑來撩撥怒翁雨傘 ３）姓黃車長朝沙田警署跑去，怒翁從後追趕 ４）兩巡警見狀制止時被怒翁打傷 http://hk.apple.nextmedia.com/template/apple/art_main.php?iss_id=20110612&sec_id=4104&art_id=15334366 老翁在巴士站打傷站長及車長後，被另一車長引往 200米外沙田警署（箭嘴示），其間老翁打傷兩巡警。　梁偉權攝

被捕後老翁（左二）報稱不適，由警員帶往醫院檢查。




巴士怒翁傷人示意圖

成日見到D老人家比少一個幾毫
不過好多司機都費時同佢地嘈

原帖由 Anpretext 於 2011-6-13 12:37 發表
成日見到D老人家比少一個幾毫
不過好多司機都費時同佢地嘈

為何唔係上篇文畀埋個人意見而又另開一文?

呢D事成日都有, 電車岩岩加左價又有D人扮唔知走數

原帖由 a_drew 於 2011-6-13 12:52 發表


為何唔係上篇文畀埋個人意見而又另開一文?

呢D事成日都有, 電車岩岩加左價又有D人扮唔知走數

新聞太長, 廢時版友睇唔到我既個人意見而已...


另外想知, 幾間巴士公司會唔會派"神秘顧客"特登比少車錢測試車長?

原帖由 Anpretext 於 2011-6-13 12:54 發表

新聞太長, 廢時版友睇唔到我既個人意見而已...


另外想知, 幾間巴士公司會唔會派"神秘顧客"特登比少車錢測試車長?

以前聽聞有督察放蛇, 宜家唔知有冇

比少錢司機放過你係人情
要你畀返係道理
個阿伯重要唔出聲，更加有問題。
而且差成個一，真係過份左啲喎
幾毫子都可以接受呀

好彩個車長醒目，識得引個阿伯去差館個邊，唔係其他車長同站長應該都會傷得更重，又會更嚴重地影響到車務運作，到時就真係多得個阿伯唔少啦

老實講，如果差少少，只要死死氣同個車長講聲唔好意思，好多都唔會點出聲

電車加左價都好D嘛...而且電車採取統一收費兼落車俾錢，咁你俾$2(成人價)，你又落左車，佢落車問你拎番$0.3咩？？而且電車加價真係好似冇九巴加價講得咁「衡」(我講D傳媒朋友)

九巴就上車俾錢，而且條條路線唔同錢，唔熟既就要睇收費表/電子顯示屏，咁佢就唔會知加價前既價錢...一定會俾得足...

我覺得那位老伯伯只在意九巴宣傳「星期日及公眾假期$2搭九巴」(呢句好似O係港鐵見最多..)而沒有留意是必須持有長者八達通卡...可能其實每個星期日佢都係咁...快D搵人教番佢買張八達通啦！

原帖由 Anpretext 於 2011-6-13 12:37 發表
成日見到D老人家比少一個幾毫
不過好多司機都費時同佢地嘈

坐 九巴 106 試過 有個阿婆上車入左 2蚊 落去就算 當時係 西灣河返緊黃大仙 , 又係禮拜日 ..之後個九巴車長出聲 叫阿婆入錢要入番半價價錢.但係阿婆無理 走左上樓上坐
之後個司機直頭走上黎叫阿婆 入多 $2.9 落去, 但阿婆話 星期日搭巴士 2蚊渣嘛 , 但司機話 拍八達通卡就2蚊 , 入錢要入番半價 , 但阿婆死都唔肯 又話我比左 2蚊啦  ,之後個司機話 一係你再拍多次卡 扣多兩蚊啦 , 最後阿婆死死氣 比張八達通卡個車長 個車長落番樓下幫佢拍卡 之後拎番上去比佢 先了事

假期成日見唔少長者 入兩蚊銀搭D 現金半價價錢唔係兩蚊或以下巴士 博懵....見過幾次都有司機出聲

原帖由 lsc04d11 於 2011-6-13 17:03 發表
電車加左價都好D嘛...而且電車採取統一收費兼落車俾錢，咁你俾$2(成人價)，你又落左車，佢落車問你拎番$0.3咩？？而且電車加價真係好似冇九巴加價講得咁「衡」(我講D傳媒朋友)

九巴就上車俾錢，而且條條路線唔同錢，唔熟既就要睇 ...

ha, 但果日係星期六來的
即係無論用咩方式俾錢都係無優惠