MTR巴士 506 轉返做LRT的問題

原帖由 DC3938 於 2011-6-18 12:27 發表

咁九巴果條27要轉返雙邊總站囉?

如果旺角有位擺,我相信乘客寧願27改番雙邊總站
你估而家一係拖幾卡一係幾個字都冇車好過癮?

[ 本帖最後由 gn3509 於 2011-6-18 13:16 編輯 ]

長遠而言，506改為輕鐵係好多碼頭區乘客期待已久的事。議員們爭取多年，即使某些板友大叫議員們不代表民意，我亦不會認為議員會蠢到在選舉年做一些違反市民意願的動作。你可以話該議員不代表你，但不能抹殺支持轉為輕鐵的聲音。

長遠而言應轉回輕鐵，例如在第一期輕鐵車廂完成翻新後，或輕鐵進一步重組後。短期而言，亦應設法改善506巴士線的班次問題。兩者並無衝突，即不是改善巴士服務，就不應轉回輕鐵。

原帖由 ahbong 於 2011-6-18 13:30 發表
長遠而言，506改為輕鐵係好多碼頭區乘客期待已久的事。議員們爭取多年，即使某些板友大叫議員們不代表民意，我亦不會認為議員會蠢到在選舉年做一些違反市民意願的動作。你可以話該議員不代表你，但不能抹殺支持轉為輕鐵的聲 ...

你可唔可以唔好諗野咁自我中心 ?
你知唔知 506 轉輕鐵要抽其他線車先開到 ?
你知唔知碼頭區既輕鐵站既定位係十分不便 ?
就算我作為碼頭區乘客 , 我都唔想 506 轉返做輕鐵
因為 506 轉左輕鐵 , 屯門區既人可唔可以準時返學都成問題
但相反 , 想 506 班次穩定 , 除左要改善走線 , 亦應該開固定特車
而唔係單單轉輕鐵就可以解決
否則 , 屯門區既人都係雙輸 , 連嬴既層面都無

有人見勢色唔對，就自行為呢篇文conclusion，不再保鐵，真係有趣
議員係咪真係代表民意？定抑或只係搞緊山頭主義？
如果係代表民意、為民好嘅話，年中就唔會大批好好嘅RDP都被班搞山頭主義嘅議員一一BAN晒啦

都係果句，人地老細都唔想玩506轉輕鐵
人地寧願搞車海玩506
以一間每洗一個崩都計到足嘅公司嚟講
佢地唔轉就應該真係玩巴士好過玩輕鐵

至於輕鐵翻新後係咪都有能力將506轉番輕鐵呢？未知之數
有冇第二波重組計劃？相信港鐵都未必再搵自己麻煩
反正而家路線系統都叫做滿足需求
照睇佢地短期內都未有重組計劃

506轉輕鐵係咪真係碼頭區人「期待而久」嘅事？
定係有人老吹？咁真係天曉得啦
我只知日日上上落落過天橋都幾係嘢囉
試問有幾多人咁鍾意上上落落天橋呀？

我並無指出單單將506改為輕鐵就可以解決問題，有時不太明白呢個板某些板友到底是沒有爬文，還是真正理解能力欠佳。

車源不足導致無法轉回輕鐵，是港鐵解釋為何無法轉回輕鐵的理由，而不是乘客反對506轉回輕鐵的理由。

如果用會考程度去思考社會複雜問題，結果咪好似樓上幾位板友咁，將討論區變成辯論區，俾你會考拿火箭又如何丫。

[ 本帖最後由 ahbong 於 2011-6-18 14:03 編輯 ]

我冇講過行返輕鐵係優化交通，真正優化嘅係改善交通燈控制車流量，唔使塞燈位塞塞到抆，其次，唔好話係得你諗分兩邊總站，我一直都係講話分兩邊總站，係你一味覺得我想佢行輕鐵姐