MTR巴士 506 轉返做LRT的問題

原帖由 ahbong 於 2011-6-16 23:25 發表

8 分鐘一班，或者會好過 506 既 0 -15 分鐘一班。

而且輕鐵班次有時有候，根本上要預算行程容易得多，以前我每日都搭到同一班 505 轉同一班西鐵，巴士，永遠永遠都唔會預得到。 ...

有時有候：有好多時候都逼唔到上車，有時有候仲衰過0-15分鐘一班啦。
好多學生都因為輕鐵同鐵巴Ｄ衰班次搞到遲到，仲見過有Ｄ女學生企係月台到喊俾佢地上輕鐵，等左3部610去上唔到去大興返學，遲到。
鐵巴506我都試過等40分鐘先上到車，0-15分一班又點，總之關鍵係港鐵服務不濟，唔攪掂根本問題，巴士服務同輕鐵服務都係死。

原帖由 KC3555 於 2011-6-17 00:18 發表

有時有候：有好多時候都逼唔到上車，有時有候仲衰過0-15分鐘一班啦。
好多學生都因為輕鐵同鐵巴Ｄ衰班次搞到遲到，仲見過有Ｄ女學生企係月台到喊俾佢地上輕鐵，等左3部610去上唔到去大興返學，遲到。
鐵巴506我都試過等40分鐘先上 ...

506 朝早係新屯門中心有特車 ... 朝早基本上都唔洗怕上唔到車
仲可以密密黎密密做 , 雖然唔見得有賺
輕鐵 ... 特車都開唔到啦 , 都冇位插 run

原帖由 樂仔〞 於 2011-6-17 00:28 發表


506 朝早係新屯門中心有特車 ... 朝早基本上都唔洗怕上唔到車
仲可以密密黎密密做 , 雖然唔見得有賺
輕鐵 ... 特車都開唔到啦 , 都冇位插 run

506朝早特車，係早上龍門輕鐵站駐站職員Call車，
服務時間並唔太穩定。當日我等左40分鐘先上到車，
因為輕鐵車廠唔夠車，淨係調到一部吉車，不過都上唔到。
（正常應該有兩部車做特車）

[ 本帖最後由 KC3555 於 2011-6-17 00:36 編輯 ]

原帖由 KC3555 於 2011-6-17 00:11 發表
有時唔可以保鐵隱瞞哂事實的部分，
以前506轉輕鐵，好多乘客知道入友愛，兜返出黎返碼頭，506搶左小巴好多客，對面馬路個站唔多就腳，
一直都係好少人上車。
506兜入兆麟，已經少左好多人係總站呢邊上車去碼頭，反而多人上車去兆麟。
趕左少部分客過去對面馬路搭506，但好多人去左搭小巴。
就係咁，現時506仲有富健花園、新屯門中心同兆山苑因為唔使過馬路返屋企而吸引。
但都唔夠小巴唔使過對面馬路方便，小巴條龍就因此長左好多。
所以都講左，市中心去龍門路班客會因此流失，除非506輕鐵做到現時班次，一定唔會有投訴，但知道一定無可能。
如果7分鐘一班，都係同610/615/615P朝早都有時上唔到車，咪仲衰過轉做巴士.....
巴士上落客時間同輕鐵等多左的時間差唔多，我真係唔覺有乜太大好處（以港鐵做事的方式）。

這並不是保鐵保巴的問題，若果閣下所言屬實，轉回輕鐵會令乘客流失，我根本就不是保鐵，而是保小巴。站在乘客的角度，作為偶爾會乘搭506的乘客，議事論事，再查詢過居於屯門碼頭及龍門居一帶的朋友，我才得出我贊成轉回輕鐵的結論。

續用巴士，騁請更多司機，開更多巴士，去服務因為「唔想過馬路而去左搭小巴」的少數乘客，或者轉回輕鐵，令全條路線的所有乘客可享受更穩定的班次，同時改善部份車站前往市中心及西鐵的輕鐵服務，我覺得兩者並不是很難選擇。

610/615/615P 朝早都有時上唔到車，同 506 是否應該轉成輕鐵，是兩碼子的事。巴士與輕鐵同為有限坐位的交通工具，不見得續用巴士就不會出現頂閘的情況，而巴士要開特車，正正是反影了因為巴士載客量少，無法應負需求，因此更有必要轉回輕鐵，我亦不會排除全日轉回輕鐵，繁忙時間用巴士輔助的方式。
紅字係一項假設，藍字就講到係事實，歸根究底全部都是假設。新版輕鐵506班次如何，是否會拖卡，是否會延長，任何人都未知答案。

[ 本帖最後由 ahbong 於 2011-6-17 01:42 編輯 ]

原帖由 ahbong 於 2011-6-16 22:29 發表
去西鐵站，由上一層變成落車直入。
往屯門碼頭，由落一層變成多上一層。

一加一減，咪即係無分別囉。

車等人，同人等車，除左可能多個位有冷氣之外，時間上有咩分別？試過排頭位上506, 上到頂閘擾釀五分鐘以上，等輕鐵送車尾下一班都分分鐘到站。

如果輕鐵可以做到依家平均五分鐘一班車先好講啦..
我相信佢轉返做輕鐵，平均做到十分鐘一班都已經好好架喇...

同埋，你是否能保證轉左輕鐵一定可以上到車？
我以你早上屯碼往屯門站為例...
506用巴士，開到兩三分鐘一班包埋特車都班班爆..
以兩部巴士等於一部輕鐵，同埋無特車，再加上輕鐵一定無可能做到兩三分鐘一班...
我問你：多出嚟班客可以搭乜免費接駁車去西鐵站？
我仲未計去市中心返學返工的居民WOR..

原帖由 ahbong 於 2011-6-17 01:29 發表
紅字係一項假設，藍字就講到係事實，歸根究底全部都是假設。新版輕鐵506班次如何，是否會拖卡，是否會延長，任何人都未知答案。

唔好玩啦，輕鐵有乜資源，大家心知肚明。姑且放長雙眼睇，我絕對相信506轉輕鐵不久，
就有聲音話要開返巴士。最重要的關鍵係人人覺得輕鐵大過部巴士，但唔知輕鐵會俾乜班次出黎。

[ 本帖最後由 KC3555 於 2011-6-17 09:22 編輯 ]

原帖由 樂仔〞 於 2011-6-16 23:41 發表
雖然巴士都唔會好得去邊

多謝呢位板友指出，巴士真係有幾差。

原帖由 GD1570 於 2011-6-17 08:03 發表
如果輕鐵可以做到依家平均五分鐘一班車先好講啦..
我相信佢轉返做輕鐵，平均做到十分鐘一班都已經好好架喇...

同埋，你是否能保證轉左輕鐵一定可以上到車？

我和其他居於屯門碼頭及龍門居一帶的朋友，支持 506 轉回輕鐵，並不需要，亦無法向你保證轉左輕鐵一定可以上到車，正如你亦無法保證你的「如果」，你所相信的某些自以為是事實的假設情況一定會發生。

老實講，我亦未聽過有議員或居民，於一條路線仍未開辦時已經以「未能保証上到車」為理由反對開辦。

原帖由 KC3555 於 2011-6-17 09:17 發表

唔好玩啦，輕鐵有乜資源，大家心知肚明。姑且放長雙眼睇，我絕對相信506轉輕鐵不久，
就有聲音話要開返巴士。最重要的關鍵係人人覺得輕鐵大過部巴士，但唔知輕鐵會俾乜班次出黎。 ...

我早已講過，於繁忙時間若乘客需求過盛，506 轉為輕鐵後，亦可用巴士協助疏導乘客。閣下思維若果陝窄到，認為轉為輕鐵後現時的巴士車隊就要放車廠封塵，我認為與你再討論落去的空間不會太大。

既然輕鐵有新車，翻新車載客量亦較未翻新前高，巴士資源亦有能力滿足到現時 506 的需求，我覺得呢度某幾位板友講既輕鐵又上唔到車，又十分鐘一班，又乜又物，只係為反對而編造極度惡劣的情況去危言聳聽。

[ 本帖最後由 ahbong 於 2011-6-17 11:16 編輯 ]

原帖由 mkfung2 於 16-6-2011 08:08 PM 發表



506 用巴士條路線都係跟路軌走﹐
唔同你市中心去良景建生輕鐵同巴士走線既分別﹐
你舉呢個例子出黎我都忍唔住要出聲插你....

當年03年既K58開線時都係因為三聖至田景站段都係跟輕鐵路軌，所以最後死到...........
一行左置樂靚幾多..多幾多人....

從我個人利益而言，我想506 keep住做巴士，唔知點解置樂明明有四條巴士線(繁時)，但等506都可以快d同埋順氣d...(我o係恆豐園落車既，如果搭506就三聖站行返去)

從大眾利益而言，我相信506都係keep住巴士好，因為會令505,507等輕鐵班次不能加班...而且宜家如果506唔做巴士服務，騰出車隊真的太多...分發落邊條線好呢？其他屯門既巴士路線又好似唔需要食咁多架巴士...

原帖由 ahbong 於 2011-6-17 11:12 發表
我早已講過，於繁忙時間若乘客需求過盛，506 轉為輕鐵後，亦可用巴士協助疏導乘客。閣下思維若果陝窄到，認為轉為輕鐵後現時的巴士車隊就要放車廠封塵，我認為與你再討論落去的空間不會太大。

既然輕鐵有新車，翻新車載客量亦較未翻新前高，巴士資源亦有能力滿足到現時 506 的需求，我覺得呢度某幾位板友講既輕鐵又上唔到車，又十分鐘一班，又乜又物，只係為反對而編造極度惡劣的情況去危言聳聽。

又有巴士又有輕鐵
當巴士行少輕鐵咁多時 , 你會覺得班人揀咩 ? 緊係巴士啦 , 搭車都行少咁多步
就算我去碼頭區 , 我去兆山苑可以行少條天橋 , 去蝴蝶邨可以係 M 記門口落 , 行輕鐵都有排行
人好少會搵樣搵自己笨既選擇去搭 , 既然有巴士可以行少 D , 我為乜同你行咁遠搭輕鐵 ?

至於翻新車呢樣野 , 1 代可能高左 , 4 代個表面數字就應該高過 2/ 3 代
但你要記住 , 4 代個設計根本吸引唔到人行入車廂中間 , 實際上 2/ 3 代載客量應該係反高於 4 代

拿 , 一架輕鐵載客量等於大約 3.5 架巴士載客量
而家 506 巴士開緊 4 ~ 6 分鐘一班
輕鐵因為載客量大 , 開疏 D 先至可以用盡部車
我假設 1 架輕鐵載 3 班巴士既客 , 都要開 12 分鐘一班
8 分鐘已經係密到同 505 507 平排
但明顯地 , 506 客量一定遠低於 505 507
咁樣就只會浪費資源

另一方面 , 巴士剩哂出黎都唔知放去邊
基本上係其他線加資源都唔會用得哂
咁樣已經造成浪費

要改善 506 , 唔應該淨係講轉輕鐵
係應該將條線拉做 2 邊總站
想客量再高 , 甚至可以入埋置樂同新墟 , 不過咁搞安友班人會冇車搭