MTR巴士 506 轉返做LRT的問題

我自己就非常贊成506行返輕鐵

．雖然某d站去某d地方方便d/近d
．雖然有時可以飛下站 (坐滿而飛站既機會多過無人上落車)
．雖然有位坐機會多過輕鐵

．不過真係好憎0-20分鐘一班咁唔穩定, 出街返屋企要望天打掛等佢黎, 又無得睇佢幾時先黎
．不過巴士真係好受路面影響, 506沿線多燈到好火滾, 明明消防局見到屯門就在前面,
　等完一支又一支再一支, 之後去到屯門站C出口 再等前面架巴士落晒客先到我地落到車
．不過巴士站等車差過輕鐵站等車好多, 日曬、雨淋、吸塵, 等成15分鐘先有車, 但爆左上唔到, 再等啦
．不過就算佢有特別車, 但都已經遲大到, 因為特別車特別在於特別時候先出現,
　而呢個時候一般都係儲客儲到好長好長, 先肯人手call架車黎, 等呀等..... 係, 係有車上到呀, 但太遲了
．不過巴士要逐個逐個上, 咁逐個法, 一但去大中途站, 無幾分鐘上落都唔洗開走 (除非已經滿載)
．不過真係好憎平日迫車要同其他乘客身體接觸, 近門口又唔可以亂落車讓人落車, 結果鬥撞
．不過好唔鍾意巴士司機響多人時開到勁快

非常明白要預早出門口既道理
但真係好唔鍾意5-10分鐘既車程, 由龍門路直去青雲路轉入杯渡路
要預成起碼半個鐘去等、去搭,
半個鐘 坐59M荃灣都出去到喇!
等完、搭完506 都係去到屯門站咋

寧願要架7分鐘一班既輕鐵506, 輕鐵上到200人, 又穩定、又快
至於cut邊架車... 最大機會先cut 751P+761P

--
至於506行返輕鐵, 亦都可以開多條K56
屯碼、去龍門、上皇珠路、落豐景園、去安定、經屯市、總站新墟
人多就 龍門、皇珠路、公路、屯市 咁行
食埋44小巴短途+去新墟班客, 輔助埋輕鐵506

其實我仲有個諗法:
搵/ 開條線連接河田經建安落碼頭, 已經食左唔少坐506碼頭來回屯門站既人
當然勁要宣傳 河田落車轉西鐵 = 之前506屯門站F出口落車

751都係想落屯門搵位倒頭姐, 如果751拉落碼頭,
就食多班客源, 仲可以幫輕610, 但屯門去屯市兩個站既客 就要靠返507、505

原帖由 lsc04d11 於 2011-6-17 11:29 發表


當年03年既K58開線時都係因為三聖至田景站段都係跟輕鐵路軌，所以最後死到...........
一行左置樂靚幾多..多幾多人....

從我個人利益而言，我想506 keep住做巴士，唔知點解置樂明明有四條巴士線(繁時)，但等506都可以快d ...

當年 K58 之所以唔掂﹐因為同輕鐵重疊﹐兩種車行同一條路﹐必然分薄客源兩敗俱傷﹐
而家問題係 506 唔用巴士改用輕鐵﹐並唔係要兩種車一齊行﹐
日日都係果班人搭 506 返工返學﹐唔用巴士用輕鐵唔會無左呢班客搭車架﹐
有無留意每朝 7-8 甚至 9 點﹐龍門居等 506 去西鐵站方向﹐多人到等兩班車先上到?
我有朋友住龍門居去工廠區返工﹐佢都話一個星期有 3-4 日都係第二班先上到車﹐
當然巴士可以飛站叫有得快﹐但朝朝要返工既人等幾班車先上到車﹐比著係你都抆啦﹐明唔明先?

樓上果兩位板友所講，先似番啲理性客觀的討論。

506自從轉為巴士線，班次不穩問題無日無之，有板友話其他輕鐵路線供不應求，乘客迫到又喊又乜先上到車，大佬，果啲係其他路線嘅問題，應該叫港鐵諗辦法改善其他路線，而唔係因為其他路線有問題就要506班次不穩定，繁忙時間上唔到車嘅情況永遠存在落去。

原帖由 mkfung2 於 2011-6-17 19:27 發表
當年 K58 之所以唔掂﹐因為同輕鐵重疊﹐兩種車行同一條路﹐必然分薄客源兩敗俱傷﹐
而家問題係 506 唔用巴士改用輕鐵﹐並唔係要兩種車一齊行﹐
日日都係果班人搭 506 返工返學﹐唔用巴士用輕鐵唔會無左呢班客搭車架﹐
有無留意每朝 7-8 甚至 9 點﹐龍門居等 506 去西鐵站方向﹐多人到等兩班車先上到?
我有朋友住龍門居去工廠區返工﹐佢都話一個星期有 3-4 日都係第二班先上到車﹐
當然巴士可以飛站叫有得快﹐但朝朝要返工既人等幾班車先上到車﹐比著係你都抆啦﹐明唔明先?

506朝早係獨市, 44小巴朝早唔會俾人搭短途由南面去屯市 (可能俾既, 俾司機鬧下咁囉)

咁你朋友都幾好彩,
我龍門居朋友話無特別車, 根本無可能上到車
而我自己就早一個站, 一時時上到既... (不過正常班次我地都已經頂左閘先落下個站龍門, 衰d講句: 好野又有得飛站)
同埋特別車唔一定會由車廠起載   係視乎龍門個職員決定  
仲要鐘意黎就黎, 如果下架特別車係雙層, 咁就再等多陣儲多D客先會CALL

原帖由 lrv1092 於 2011-6-17 20:49 發表


506朝早係獨市, 44小巴朝早唔會俾人搭短途由南面去屯市 (可能俾既, 俾司機鬧下咁囉)

咁你朋友都幾好彩,
我龍門居朋友話無特別車, 根本無可能上到車
而我自己就早一個站, 一時時上到既... (不過正常班次我地都已 ...

好老實講﹐有特別車都唔係幫補到 D 乜﹐因為特別車時有時無﹐同埋客量又有時係一浸浸﹐
有加班車時會無客上﹐分站排幾十人時又唔開加班車﹐變左好多時 D 情況好極端﹐
我自己都係搭 506 又係工廠區返工﹐我本身住碼頭區﹐總站上車一定上到﹐
但都好多時無車返總站﹐拖冧晒班次﹐路面燈位多等燈耐﹐加多幾多車都無用﹐
唯有可以做既﹐就係分兩邊總站﹐再唔係真係改返用輕鐵行﹐先解決到個問題﹐
而唔係一味找巴士有幾多幾多優點﹐輕鐵又乜乜缺點﹐我地要既係穩定班次﹐清到客先係重點。

原帖由 ahbong 於 2011-6-17 20:38 發表
506自從轉為巴士線，班次不穩問題無日無之，有板友話其他輕鐵路線供不應求，乘客迫到又喊又乜先上到車，大佬，果啲係其他路線嘅問題，應該叫港鐵諗辦法改善其他路線，而唔係因為其他路線有問題就要506班次不穩定，繁忙時間上唔到車嘅情況永遠存在落去。

如果港鐵以現有的資源，都搞唔好其他路線的時候..
我又想問返，佢又有乜野資源可以去開一條全新的路線呢？

再加上，港鐵之前已經投放資源，去購買用以應付506路線的巴士
咁我又想問，以港鐵巴士部「未用到盡唔好換」的情況下，
同埋在環保的大前題下，佢又有冇理由可以放棄用巴士營運506呢？

原帖由 GD1570 於 2011-6-17 22:29 發表


如果港鐵以現有的資源，都搞唔好其他路線的時候..
我又想問返，佢又有乜野資源可以去開一條全新的路線呢？

再加上，港鐵之前已經投放資源，去購買用以應付506路線的巴士
咁我又想問，以港鐵巴士部「未用到盡唔好換」的情況下，
同埋在環保的大前題下，佢又有冇理由可以放棄用巴士營運506呢？

506 本身就係一條輕鐵路線﹐並唔係甚麼全新路線﹐
在資源有限之下都搞唔掂現有服務﹐係咪要檢討係咪資源運用方面出問題呢?
購置新巴士係代替年事以高的舊巴士提高服務質素﹐並唔見得特意為 506 而添置﹐
天水圍區 705 706 線有車無客搭﹐K76 就班班頂閘﹐
506 巴士夠班班爆棚﹐可惜又班次唔穩定﹐有時有車無客上﹐反之亦然﹐
好明顯地運用資源有不妥啦﹐倒不如取消 506 巴士改用輕鐵﹐
多出黎的巴士去應付天水圍 K76 等等路線﹐
705 706 減車﹐再加新購買列車實有多出列車﹐開返 506 輕鐵﹐
咁樣會唔會解決晒大部份問題呢?

原帖由 mkfung2 於 2011-6-17 21:32 發表

好老實講﹐有特別車都唔係幫補到 D 乜﹐因為特別車時有時無﹐同埋客量又有時係一浸浸﹐
有加班車時會無客上﹐分站排幾十人時又唔開加班車﹐變左好多時 D 情況好極端﹐
我自己都係搭 506 又係工廠區返工﹐我本身住碼頭區﹐總站上車一定上到﹐
但都好多時無車返總站﹐拖冧晒班次﹐路面燈位多等燈耐﹐加多幾多車都無用﹐
唯有可以做既﹐就係分兩邊總站﹐再唔係真係改返用輕鐵行﹐先解決到個問題﹐
而唔係一味找巴士有幾多幾多優點﹐輕鐵又乜乜缺點﹐我地要既係穩定班次﹐清到客先係重點。

無錯, 我#71就是要求穩定班次, 其次就是要清客
但港鐵好像永遠都不會懂, 亦沒有決心/方法去實行穩定政策
等車仲耐過搭車, 運輸署又唔俾開多條小巴線, 吹到脹一脹

但無左特別車, 就真係清唔到客
我都好同意特別車係會玩殘人, 麻煩港鐵將特別車放埋入正常班次,
由碼頭開, 市中心總站, 再返碼頭開下轉, 唔好再玩人手call車, 玩唔起呀


如果兩邊總站, 要再加車推持班次, 以補回在新總站停留時間
不過港鐵肯加車先算