西九龍巴士線702新走線/班次/收費(6月29日再次更新路線)

原帖由 CN9AMT100UP 於 2011-7-26 09:42 發表
依家原本10A/ 10M 啲客搭702 上石硤尾
要702改返轉頭就真係難。

岩岩收到某政黨既宣傳單張，
內容大致係運輸署根據近幾星期營運情況及區內人士、街坊意見，建議702、796c調整路線。

建議702
由海麗往又一城方向改為由欽州街經長沙灣道、東京街至青山道，然後恢復原有路線。（即係跟以前702行法）
巴士站將設於長沙灣道怡靖苑、東京街長沙灣站對面、青山道宇宙商場外
而欽州街近福榮街、元州街近營盤街前及東沙島街巴士站將會取消。

另外，大坑東道民興樓及窩仔街石硤尾郵局巴士站亦都會取消，由窩仔街民樂樓外增設分站。

至於796c，
運輸署與新巴磋商及研究後，建議796c縮短原有行車路線至海麗邨及以深盛路作為總站，
不行經介乎興華街西至南昌站的深旺道路段。
介乎將軍澳至興華街西的原有路線、班次、收費維持不變

由將軍澳開往深盛路：
原有路線至興華街西後，改經深盛路、深旺道、興華街西及深盛路（總站）

由深盛路往將軍澳：
深盛路、深旺道、興華街西後返回原有路線。

-----

就咁睇，
呢個方案應該可以解決到海麗、泓景冇車去保安道街市既問題~
不過呢o的建議應該仲要等議員同意先至會實行，所以未有確實改動日子（可能議員ban左都未定）

難道富昌又唔駛搭 796C？

難得改善成功，702的客量應該係比以前好，
但係就好似要俾班「區佬」玩死...

好心啦，問下d人咁樣改有無幫助先啦...

原帖由 da54 於 2011-7-27 10:26 發表
難道富昌又唔駛搭 796C？

咁講真，新巴同運輸署傾完有咁樣建議，
應該都真係了解過對居民冇太大影響先至會propose出黎。
同埋如果富昌真係有客既我諗新巴都唔會貿貿然咁樣諗到縮去深盛路做總站。

至少我平時搭車無論返海麗 / 海麗去南昌，
都真係唔多覺南昌站有人等796c，
甚至見到796c由總站開架車都係冇人。

原帖由 307 於 2011-7-27 10:41 發表
難得改善成功，702的客量應該係比以前好，
但係就好似要俾班「區佬」玩死...

好心啦，問下d人咁樣改有無幫助先啦...

咁如果從一個居民角度黎講，
至少而家702建議行返長沙灣道、東京街係會好過而家行福榮街、東沙島街，
始終702未改去又一城之前行車路線係行長沙灣道、東京街，
咁除左車費係變左之外，至少其他野冇變。
當然咁改動法相信行車時間又會再耐啲。

至於796c，
咁樣改既原因相信同702延長左去又一城後冇車去保安道街市、蘇屋有關，
而呢個做法正正就係希望搵一個替代服務俾番買餸居民。
不過我反而覺得用番南昌站做總站會好過而家建議深盛路，
其實只要來回程繞經深盛路、深旺道，喺泓景臺、海麗設分站已經可以解決到問題，
而家新巴同運輸署既建議，
去深盛路嗰邊要兜一個圈先返總站有少少無謂。

原帖由 michaeltang 於 2011-7-27 10:45 發表
咁講真，新巴同運輸署傾完有咁樣建議，
應該都真係了解過對居民冇太大影響先至會propose出黎。
同埋如果富昌真係有客既我諗新巴都唔會貿貿然咁樣諗到縮去深盛路做總站。

至少我平時搭車無論返海麗 / 海麗去南昌，
都真係唔多覺南昌站有人等796c，
甚至見到796c由總站開架車都係冇人。

而家個政治環境就係,
你未搞到我果陣就相安無事,
你郁我條線, 就算我唔搭都唔會俾你搬走.
所以796C真係唔好亂咁搬站,
費事重蹈覆轍,
諮詢果陣富昌班友就唔出聲,
以為「冇太大影響」,
實行左先至撲出黎嘈話冇諮詢過佢.

原帖由 bustop 於 2011-7-27 11:08 發表


而家個政治環境就係,
你未搞到我果陣就相安無事,
你郁我條線, 就算我唔搭都唔會俾你搬走.
所以796C真係唔好亂咁搬站,
費事重蹈覆轍,
諮詢果陣富昌班友就唔出聲,
以為「冇太大影響」,
實行左先至撲出黎嘈話冇諮詢過 ...

今次呢個建議應該唔會貿貿然咁快做決定，
好大機會會喺聽日開交運會講，
咁到時睇下富昌代表有冇意見。
講真，今次唔會好似上次702咁急，
話哂上次開會之後一個星期多10A、10M就取消，
結果好多野好急擺上會度傾同埋要做決定，
因為嗰陣大家目標一致就係唔想10A、10M取消冇左任何替代服務。
但係今次改動相對其實唔太急，
到時應該真係會諮詢夠先至改。

原帖由 dippy 於 2011-7-27 11:19 發表
796C其實係南昌真係無客
去長沙灣區有綠小75
去旺角/亞皆老街有296C
去將南都可以坐701轉796C(係會比真接南昌站上車早一班車入到將軍澳)
但係如果用796C繞經埋深旺道而唔搬站就更加好, 因為可以用埋796C做南昌站接駁 ...

796C 係碧海藍天一樣唔見得有客。所以如果用呢個邏輯，796C 根本唔駛入西九龍新區。

就算兜埋入深盛路，796C 係南昌仍有時間休息，而且更可以解決四小龍去唔到南昌站 PTI 的問題，
所以我真係諗唔明點解要縮短....

原帖由 da54 於 2011-7-27 11:53 發表

796C 係碧海藍天一樣唔見得有客。所以如果用呢個邏輯，796C 根本唔駛入西九龍新區。

就算兜埋入深盛路，796C 係南昌仍有時間休息，而且更可以解決四小龍去唔到南昌站 PTI 的問題，
所以我真係諗唔明點解要縮短.... ...

咁碧海藍天點解冇客係因為個站某程度上係唔就腳，
所以我唔覺得南昌站同碧海藍天兩個站可以相比。