(新聞資訊轉帖)港鐵職員干預代理拉客遇襲

原帖由 OTIS401 於 2011-6-27 01:01 發表
老實講，我見過大圍站果班阿婆都只係企係閘口度收報紙
同時都見過有港鐵職員趕佢地走

至於今次，係成班地產經記
塞左係出口度，叫人去買上蓋果三個垃圾屏風樓
你就算唔理佢地，佢地都係會跟足你九條街先肯收手
港鐵職員唔理 ...

MTR有哂培訓,
咩事都好唔可以出手


而班地產佬出手成日上報嫁啦...所以地產佬出手先大機會好多

一陣趕地產代理走就話趕盡殺絕、人地都係搵啖飯食
一陣趕阿公阿婆走又話趕盡殺絕、大公司欺負弱細社群
咁想港鐵點做？
駛唔駛喺地鐵站火車站裏面劃個位俾佢地？

原帖由 sea1986 於 2011-6-27 02:07 發表
一陣趕地產代理走就話趕盡殺絕、人地都係搵啖飯食
一陣趕阿公阿婆走又話趕盡殺絕、大公司欺負弱細社群
咁想港鐵點做？
駛唔駛喺地鐵站火車站裏面劃個位俾佢地？ ...

講真果句, 你唔太影響人,
又無比人投訴,
MTR咪又係隻眼開隻眼閉

公公婆婆塞著閘口拎(搶)報紙,
一樣比MTR職員趕;
但係若果係唔阻人既情況之下收報紙,
人地都會主動比報紙佢地

但係而家班地產佬過份到有人一出閘就十幾廿個狗衝埋去,
十分之滋擾,
甚至紅磡站要架起鐵馬劃開佢地......


(如果想試下, 可以去大圍站海福出口)

herman15hk: "搵食就可以打人? 世風日下,此風不可長. 負評是我給的!"

先生, 而家係咪警方已經拘捕左個班地產代理? 答案係否!!
現階段只係有三名男子向警員提供資料, 無人被警方拘捕.
請問你點知道一定係班地產代理動手打人? 唔可以係港鐵職員講大話?
定還是我失覺晒, 閣下其實係查呢單案的警察, 掌握真正案情?


kp3011: "惡意灌水"

先生, 請問我點樣惡意灌水法?
惡意灌水, 定義通常為連續回覆或張貼相同內容的帖子, 或發表沒有附上個人睇法的空泛帖子,
我在此主題的每一篇回覆, 均附有本人的親身觀察及/或個人睇法, 且內容絕不相同,
請問如何構成灌水, 仲要係"惡意"個隻?

老實丫，阿公阿婆喺港鐵站入面阻住道閘拎報紙都係為餐晏仔
同樣地，地產佬為左賣盤衝埋黎推單張都係為餐晏仔

雖然港鐵職員執法好似係阻人搵食，但我反而覺得需要阻止佢地既行為
事實上地產佬拉客同埋阿婆拎報紙哩種行為真係好滋擾性，只係差在人數既多寡咁解

原帖由 AVW56 於 2011-6-26 21:53 發表


做野最緊要公平.

既然地產代理同D公公婆婆都係入侵左港鐵範圍, 影響到乘客, 就唔該港鐵公司一致的執行附例.
公公婆婆年紀大唔係唔驅趕的原因!

港鐵公司如果比公公婆婆搵食, 唔該都比地產代理搵食
港鐵公司如果唔 ...

其實我一樣見過MTR 趕拎報紙的公公婆婆, 尤其閘外伸手問人拎一D,
亦見過MTR 無對地產代理即時咁趕.....

如果講緊一事件, 就拎其他人去比其實無乜意思, MTR 有咁多不同車站,
有咁多不同情況, 有咁多不同職員, 你要搵執行附例不一致性, 一定搵到,
無我先奇...

正如有人亂過馬路, 警察執法亦未必次次一樣, 同一犯案, 法庭判決也唔
會一樣...

但可以講一句, 無論地產代理定公公婆婆, 如果阻到人, 影響到人, 都是
唔O岩, 係MTR 範圍, MTR亦有權處理, 相信這是不爭之事實

原帖由 edison 於 2011-6-27 11:03 發表
嘿嘿,地產代理代理個樓盤港鐵有份架

D地產可唔可以公然入去百佳賣成哥D樓盤呀?

原帖由 EH2674 於 2011-6-26 23:39 發表


我同你見到既情況剛好相反，於葵芳站只見老人家就咁企係A/D出口中間，好多乘客就會主動行埋去比份報紙佢地

天水圍站都有好多老人家企係近E出口的閘機和旁邊的欄杆叫d人畀份報紙佢地,初初港鐵沒有行動,但之後就擺d圍欄,再放個牌係度,大概寫著:<任何人士不得在港鐵範圍內逗留,否則觸犯港鐵附例...>,有次d港鐵職員同佢地爭吵,不過下一日班老人家繼續出動,睇黎港鐵的行動成效並不大

[ 本帖最後由 billyf076 於 2011-6-27 14:13 編輯 ]

原帖由 AVW56 於 2011-6-27 08:05 發表
herman15hk: "搵食就可以打人? 世風日下,此風不可長. 負評是我給的!"

先生, 而家係咪警方已經拘捕左個班地產代理? 答案係否!!
現階段只係有三名男子向警員提供資料, 無人被警方拘捕.
請問你點知道一定係班地產代理 ...

警方的確唔係拘捕咗嗰班地產代理呀,
因為班兇徒走咗佬嘛,
響你出文前, 警察已經通緝緊佢地啦

[明報報導]
地產代理打手闖港鐵站搶客打人
職員欲檢控被毆   警通緝
http://news.mingpao.com/20110627/gha1.htm