人口普查一問

原帖由 AVW56 於 2011-7-1 21:43 發表


錯!

只要按時完成問卷, 理論上唔會再有enumerator上門,
除非係剛才我所講的情況, 即住戶已按時填交但政府未及更新電腦系統, 先會有enumerator上門.
但住戶只要講返比enumerator聽, 佢地就會走, 無需要再一次提供 ...

錯乜野? 我係census training 度聽返黎, 點會有錯?
你話電話補問資料我就真係未聽過喇, 照常理亦都無可能
問卷所需資料都牽涉私隱, 係機密資料, 電話聯絡你點去核實來電者身份?
若然你話有隊專門handle 呢d 甩漏問卷既統計員上門家訪, 咁就話有可能....

[ 本帖最後由 teddybus 於 2011-7-1 22:24 編輯 ]

原帖由 teddybus 於 2011-7-1 22:18 發表


錯乜野? 我係census training 度聽返黎, 點會有錯?
你話電話補問資料我就真係未聽過喇, 照常理亦都無可能
問卷所需資料都牽涉私隱, 係機密資料, 電話聯絡你點去核實來電者身份?
若然你話有隊專門handle 呢d 甩漏 ...

係census training 度聽返黎? 哦, 原來你係學生哥!
咁我諗你應該係training個陣唔夠專心, 仲大大聲聲話點會有錯......
麻煩你睇清楚以下內容先講啦:


(4)統計員
(i)透過外勤訪問，搜集普查資料；(ii)透過電話訪問，檢核普查資料及跟進選定問卷；及(iii)處理電話查詢及訪問預約。

(4) Enumerator
(i) To obtain census data through   field visits; (ii) To verify census data and follow up on selected questionnaires through telephone   interviews; and (iii) To handle telephone enquiries and appointment requests.

(以上資料摘錄自 "政府統計署2011年人口普查網上申請系統" 的 "招聘小冊子")


你貴為是次人口普查的工作人員, 唔該你溫熟手上的training materials.
係納稅人出糧比你GE, 唔該你認真D, 唔好浪費納稅人的金帑!


你話: "問卷所需資料都牽涉私隱, 係機密資料, 電話聯絡你點去核實來電者身份?"

不如我考返你呀, 你上門做家訪, 你有權叫住戶出示身份證明文件咩? 你冇權架!
就算係家訪, 如果戶主個仔扮戶主, 又或者住戶虛報資料, 你點知? 你根本唔會知!

如果你話電話無法核實回應電話人士的真正身份,
就算上門家訪, 其實同樣問題一樣會出現.

總之, 全港市民均受《普查及統計（2011年人口普查）令》約束,
住戶如果犯法, 會有相應法律檢控佢地, 你作為臨時工作人員, 根本唔需要你去操心.


[ 本帖最後由 AVW56 於 2011-7-1 22:57 編輯 ]

我想知點解份問卷係以凌晨3時的資料作準, 而不是其他時間?

原帖由 AVW56 於 2011-7-1 22:43 發表


係census training 度聽返黎? 哦, 原來你係學生哥!
咁我諗你應該係training個陣唔夠專心, 麻煩你睇清楚以下內容:


(4)統計員
(i)透過外勤訪問，搜集普查資料；(ii)透過電話訪問，檢核普查資料及跟進選定問卷；及(iii)處理 ...

首先, 唔好意思, 你真係錯左, 我唔係學生哥...
另外, 有甩漏既問卷會有統計員上門處理呢樣野亦都唔係我作出黎或者發夢見到
係個次training 既負責職員講既...
或者佢可能表達得唔清楚, 將checker 同 enumerator 掉亂左黎講啦下....
而因為某d 原因, 個本工作人員既handbook 我係無係手既
至於咩原因就我諗我無義務向你解釋....

我唔係擔心自己呀, 而係擔心有人比左錯誤訊息咋....
不過睇閣下咁了解內部程序, 應該都係助理組長, 甚至係組長
既然係咁, 你話係就係啦
糾正人可以用一d 婉轉d 既手法, 唔需要一黎就大大隻 "錯" 字送比人既....
下下就 "錯!" "錯!" "錯!", 做你既手下都應該幾慘....

[ 本帖最後由 teddybus 於 2011-7-1 23:21 編輯 ]

原帖由 AVW56 於 2011-7-1 09:58 發表


若果準時填交問卷, 但由於電腦系統更新需時, 以致署方紀錄為未收妥問卷, 咁就會有訪問員(enumerator)上門家訪, 到時只要同訪問員講『已經寄回』就OK.
不過, 係稍後時間, 當署方紀錄為已收妥問卷, 仍然有機會會有覆核員(checker)上門, 就你所填報的問卷內容進行覆查.

如果checker上門之時，無人在家，咁點算？

原帖由 石頭 於 2011-7-1 23:56 發表

如果checker上門之時，無人在家，咁點算？

個位checker會於其他日子的其他時段再次到訪.

原帖由 AVW56 於 2011-7-2 00:00 發表
個位checker會於其他日子的其他時段再次到訪.

疑問─
睇番常見問題5.21「是否必須預約訪問時間或留在家中等候統計員到訪？」
官方回答係『若統計員初次到訪不遇，會留下通知卡，卡上會列明所屬分區小組的聯絡電話，住戶收到通知卡後，可致電統計員安排訪問時間。』
咁確實情況會係統計員自行再到訪還是住戶通知小組約時間？

原帖由 kei_hk 於 2011-6-28 22:09 發表
因為這些地方已經有登記「住客」的資料﹐同時統計處也要統計有幾多病人﹐犯人等等......

只要再組合資料便足夠

我自己都收到短問卷, 不過我真係唔係好明佢講乜 (今次我係選擇電子問卷, 所以就咁 COPY 就 OK)
如果有板友收到 o既, 介唔介意解釋下 P11 / P12 條題目係咩意思 ~

P11        
在2011年上半年，即由2011年1月1日至2011年6月30日，總共有多少時間在香港？
只計算在香港留宿的日子。在香港以外地方留宿的日子（如公幹、度假、讀書或探親）則不計算在內。

P12        
預計在2011年下半年，即由2011年7月1日至2011年12月31日，將會有多少時間在香港？
只計算在香港留宿的日子。在香港以外地方留宿的日子（如公幹、度假、讀書或探親）則不計算在內。

基本上兩條題目都係一樣, 只不過一條係預計, 一條係已經過左 (可以答確實 o既答案),
但係我唔明 只計算在香港留宿的日子。在香港以外地方留宿的日子（如公幹、度假、讀書或探親）則不計算在內

好啦, 以我答 P11 為例, 我一月到六月頭根本就唔起香港留宿, 因為我起海外留學,
咁我究竟應該填 1. 我起香港 定係 2. 我唔起香港 ? - 當然問卷係問時間長短, 呢個我係明白 o既, 所以佢入面 8 個 choice 就係問:
1 - 六個月 (即整段時間)
2 - 五個月至少過六個月
如此類推

ANYWAY, 以佢話 '只計算在香港留宿的日子。在香港以外地方留宿的日子（如公幹、度假、讀書或探親）則不計算在內'
咁我係唔係應該話我六個月都起香港 ? -> 好啦, 如果係 o既話, 咁即係當左我呢六個月都起香港生活. 咁我又有興趣問, 究竟咩人先會填自己唔起香港 ?

先謝 ~

原帖由 JN6854 於 2011-7-2 00:10 發表

疑問─
睇番常見問題5.21「是否必須預約訪問時間或留在家中等候統計員到訪？」
官方回答係『若統計員初次到訪不遇，會留下通知卡，卡上會列明所屬分區小組的聯絡電話，住戶收到通知卡後，可致電統計員安排訪問時間。』
咁確實情況會係統計員自行再到訪還是住戶通知小組約時間？

最理想的情況, 當然係住戶收到通知卡後, 自動自覺打電話去約實一個到訪日期及時間啦.

但如果住戶無咁做, 統計員或覆核員仍是會於其他日子的其他時候再次自行到訪,
直至超過某個到訪次數仍然訪問唔到住戶, 先會將該屋宇單位紀錄為 "未能接觸" 而close file.

原帖由 AVD1 於 2011-7-2 01:21 發表

我自己都收到短問卷, 不過我真係唔係好明佢講乜 (今次我係選擇電子問卷, 所以就咁 COPY 就 OK)
如果有板友收到 o既, 介唔介意解釋下 P11 / P12 條題目係咩意思 ~

P11        
在2011年上半年，即由2011年1月1日至20 ...

咁樣睇啦
我自己其實係負責失業率方面的
問 0既野跟P11相似


其實你一月至六月頭共五個半月不在港
6月30日在港的話
你 0既答案應該係在港，少於一個月(應該會有呢條選擇)

而P12答案就好睇你自己在港時間

至於你話幾時可以答不在港
情況係代答時會出現

即係咁：
戶主認為家中四人在港居住
但實情係其中一個在外地長住

咁樣咪會出現不在港