2011年七一大遊行

DIH兄所指出的觀點，就是不少參與留守者的心態。

另以下為部份參與留守者和親社運人士的論述，大多也是本人認同的：
--0371逼使23條擱置和令董伯伯下台無疑是成功，但實際上歷史已告訴我們這是一個「換湯不換藥」的舉動，因為根本的腐敗、不公義制度並沒有改變，所以要透過策動一場持久性、激烈性的群眾運動，去逼使政府作出革命性轉變。八九民運的起始點也屬相近

--數十分鐘、以致數小時的交通阻塞，比起忍受極權政府和惡法十多年，實屬微不足道

--警察在清場後所回復的，其實只是交通秩序，因為社會的秩序早已被極權政府弄得非常混亂，要真正回復需耗費大量的時間

我相信總會有一天，廣大市民都會支持甚至參與這一類的行動，現時極其量只是市民仍未清楚了解示威者的心態。當社運人士更積極的去向市民宣揚他們的思想時，群眾運動的基礎就會萌芽。對比兩年前的留守，今年的留守人數有顯著的上升，部份資深社運人士亦指確有不少陌生臉孔出現在留守隊伍上，可見思想的陪育需花上一定時間。而且，不少人士都是以獨立身份自發參與，並沒有從屬任何政黨/被政黨疏擺

阿雄上左場,警方今年態度明顯強硬
琴日2點幾去到維園,要4點半先行到出維園
足足係維園企足2粒鐘
上到政府總部,有消息指警方會係2000清場
估唔到,約1950,成批警察係花園道行上黎,築人牆
並將2架coaster警車打斜欄住馬路
雖然去到2000並無係總部清場
但係以前阿成個時代都唔會叫班伙記2000清場,築人牆
所以,今年阿雄上左場警方態度硬到不該!

原帖由 Wright---AVW16 於 2/7/2011 18:54 發表

而且，不少人士都是以獨立身份自發參與，並沒有從屬任何政黨/被政黨唆擺

後者很難判斷，而且可以說是禁忌。
很多參與者即使真的受唆擺，也不自知或不會承認。

我覺得重點不是是否受人唆擺或影響
(人類智慧的平均水平沒有去到大部份人
都能獨立思考的地步，如受環境形勢所迫則更難)，
而是他們採取的「抗爭」方式並不比正常上街有更顯著的效用。

當行動超越了某一條界線，則有關行動即使不能收立竿
見影之效，亦應該一矢中的。用這個立場去分析，
我認為他們並沒有攻擊真正應該攻擊的人。

其實尋晚我估有人去到政府總部後去埋中聯辦兜個圈，將戰線拉過去
結果係政府山下做野，真係估唔到

相信西環班友係昨日都極需要d清靜...

我自己覺得，香港今時今日環境，中環山上係有責任，但西環都功不可沒

去到2017，50年不變過埋後，隨時只係一個reset掣比人按左
我自己寧願早d reset左佢...

正所謂拋頭顱 灑熱血
沒有鬥爭哪有進步
全世界人民要有勇氣 敢於戰鬥 不怕困難 前仆後繼 那麼一切魔鬼都會通通被消滅
革命尚未成功 同志 7 月 13 繼續努力

在觀點上再補充少少，我截至現時的取態是不參與，但不反對這種超越遊行路線／計劃的舉動。

如果要講影響社會，1996年7月，我跟團去歐洲，時遇倫敦地鐵罷工，全市路面極為堵塞，
塔橋、大笨鐘、西敏寺等熱門景點全部都冇得去，只係睇過閱兵，
第二日行程已經完結，我地要北上探親，都冇再補遊。

我唔知當年倫敦地鐵員工的訴求是甚麼，也不知道後來有否被接納，但既然舊帝都能容許癱瘓全市的抗爭行動
－交通機構的工業行動比政治行動對社會影響更大、要求更為自利、更難佔領道德高地－
那麼，為什麼在後殖民地年代，我們要對一些人爭取權益、其中包括自己的權益，太過苛求呢。

若有人從中抽油水，那也沒辦法，所謂修身齊家治國，我係要支持民主支持人權的話，
首先自己不能雙重標準，我不能因為有個別人士行徑不得我心而否定他們表達的自由。
這不是隔(維港)岸觀火的風涼話，我敢講，假如我自己的行程因為突發示威活動被阻礙，
我會落車，用自己的方法找出路，如果我的一時不便是因為有人爭取我都有份的權益而造成，
我犧牲一點時間、十元八塊車錢、甚至過百元的士費，又算得了甚麼。

就算係社運人士常常掛在口邊的反高鐵，我係支持高鐵，
我曾對一些不符事實的論調、以及疑似為自身利益而扮正義的行徑大肆抨擊，
但對於村民爭取自己權益及協助他們的年輕人，我個人也不是太厭惡。

今朝我同阿爸在遊行一事上有些討論，父母的主要論調都是抗爭都冇用，鬥唔過共產黨，
我就話我地呢一代從小受的教育唔係咁，權益要自己爭取，當時就咁和平完結了討論。
後來我自己再細想所謂「從小受的教育」是甚麼意思，我就諗到，假如我認為努力爭取係無用，
我就唔會年年考第一，唔會讀到大學再讀埋碩士，唔會做到而家呢份工，會hea住做人甚至自殺死左。

咦，好似都唔係「補充少少」喇～

http://cablenews.i-cable.com/web ... .php?news_id=362599
0係尖碼等灣仔船0個陣咁0岩i-cable新聞講7.1遊行餘波
[快轉按鈕與下一個按鈕之間]有高級警員(白衣者)向示威者雙眼發射胡椒噴霧(斜向下噴)
可能係因為前排激進過頭直接衝擊警員所以「捱噴」 跟住已經見到有示威者掩眼跪地(背部上鏡者)
第二幕先見到「射向天」

http://cablenews.i-cable.com/web ... .php?news_id=362631
梁振英都有走出0黎發表言論


講心0個句 政府想見到「六七暴動」重演咩...
都唔知係而家香港人受不同形式(無形/有形，尤其財力)壓制
每次遊行總覺得只有「港島人」同部份「九龍新界人」參與
真係想泛民學劉皇發咁租旅遊巴載市民由九龍新界出港島參與遊行 (唔係玩笑話)

[ 本帖最後由 JN6854 於 2011-7-2 21:31 編輯 ]

原帖由 nickhei 於 2011-7-2 17:06 發表


乜唔行出來就係=反激進嗎? 小心犯類似政府話低投票率就係唔支持公投邏輯謬誤吧!

我只係話其中一個原因, 而不是所有人都係, 起碼我係其中一個人係咁諗....

希望閣下都唔好「以偏蓋全」吧....

攪到今時今日香港咁亂全因為曾蔭權班子領導唔好，管治唔到香港。就算將來邊個做特首都係這樣的局面，我希望曾蔭權領導班子、林公公唔好再發夢啦，收回替補方案再咨詢公眾啦，我地只希望有補選權，希望政府唔好再莫視22萬人及昨晚阻礙中環交通的人民力量及社民連的訴求。如果政府一意孤行要在七月十三日表決通過立法會替補方案，到時肯定又要靠群眾力量包圍立法會。

[ 本帖最後由 S3N280_FX8032 於 2011-7-3 01:00 編輯 ]

原帖由 volvo_chan 於 2011-7-2 14:48 發表

果班人有理無理都會話政府錯自己岩架啦，唔通會話「我阻住條街是對的」咩？

尋日我都比佢地影響唔少，晨早9點未夠即刻落樓坐692入將軍澳，廢事比遊行阻住出入(亦不想聽到部份所謂"訴求"，簡直是聲音強姦)
去到夜晚9點幾見班 ...

遊行唔係為左阻街，咁去運動場跑圈算啦....

如果有架巴士繁忙時間係紅隧死火，塞車塞到成個港島死晒，我諗你會去告巴士公司疏忽管理車隊

你唔叫你朋友跟政府指示搭港鐵入上環?

PS:的士司機近年一樣試過係大嶼山塞晒三條出九龍方向既行車線，唔知你記唔記得喇...