千四大學學位俾大陸人 VS 香港學生無學位升學

蘋果日報報導，香港各大學每年送超過千四個大學學額俾大陸學生，其中部分仲送埋獎學金。同一時間，每年都有幾千名本地學生，即使符合最低入讀資格，都因為唔夠大學學位而無大學讀。

http://hk.apple.nextmedia.com/template/apple/art_main.php?iss_id=20110703&sec_id=4104&subsec_id=11867&art_id=15396949

讀大學嘅朋友，一早就知道而家香港間間大學都有大量大陸學生，周圍都講普通話寫簡(殘)體字。而家政府仲改埋例，俾呢D大陸學生畢業後留響香港搵工同香港畢業生搶飯碗，好多大公司MT位就係俾呢D大陸人搶晒。

香港人捐錢俾希望工程仲唔夠，仲要捐埋學位俾大陸人，香港政府真係一個好為中國人民嘅政府。

[50¢ mode]算吧啦
香港不用上繳收支，又不用軍費
要是沒有中央政府照顧，莫講話有能力巨款捐四川，就連香港本身也早就完蛋了。[/50¢ mode]

顧主想以低成本請MT入行，相信呢個係求價廉物美的因素居多。
以我所見一間公司的MT位通常不會長期「開設」而且該名「職員」通常不會被重用，話就話MT實際似MA (絕不是AM)。
因此，聘用外地生坐一年半載；時間夠了就好行好送一路好走。總好過聘本地生盞浪費大家時間。

[ 本帖最後由 barking 於 2011-7-4 00:59 編輯 ]

原帖由 PB602 於 2011-7-4 00:15 發表
蘋果日報報導，香港各大學每年送超過千四個大學學額俾大陸學生，其中部分仲送埋獎學金。同一時間，每年都有幾千名本地學生，即使符合最低入讀資格，都因為唔夠大學學位而無大學讀。

http://hk.apple.nextmedia.com/template/a ...

講真丫, 作為一個香港人,
對於可以起香港讀 U 簡直就係唔咁望

我地父母, 一直以黎都有交稅比香港政府,
某程度上, 政府資助大學都係來自香港納稅人 o既稅款
有咩可能香港 o既大學可以下下不理港人死活, 每年拎 1400 個學位比大陸人士 ?

不過講咩都哂氣架啦, 我地只可以起度死嘈難嘈,
嘈完又如何 ? 唔通嘈完就可以令大學改變政策 ? 令政府改變政策咩 ?
------
題外話
有時真係唔怪得 d 中國人湧落黎香港
我自己有時覺得一個新來港人士 o既福利分分鐘比一個土生土長 o既香港人好好多
1. 未黎夠七年 o既新來港人士可以有六千, 基本上七年唔七年已經係假架啦. 個六千銀仲要先比香港人拎 ? (試問佢地憑乜野去拎 ?, 佢地對香港有乜野貢獻 ?)
2. 好啦, 個 BB 起香港出世就係香港人, 有哂香港福利. (佢地阿爸阿媽又唔係香港人, 連稅都未起香港交過, 竟然要香港人幫佢地養仔 - 起香港讀書, 生活... 乜都有津貼)
3. 要公屋上樓一樣快過一個普通人等公屋

簡直數之不盡, 試問世界上有邊一個地方可以好似香港咁. 一黎到乜野福利都有齊, 連 "移民監" 都唔洗就坐得啦. 你係一個中國大陸學生, 而家又唔洗你比學費, 乜都比哂你, 你會選擇繼續留起中國大陸丫, 定係落黎香港. 無可否認佢地係高水平, 高學識, 但係香港 o既大學係唔係就要收哂佢地, 連明明夠最低資格夠入讀大學 o既香港土生土長 o既小朋友就可以不加理會 ? (可能佢地話 - 副學士啦....)

Anyway 啦, 我自己對香港政府 o既一切已經死左心. 既然大學都要睇政府做頭 o既, 而家香港政府搞成咁, 都冇咩希望架啦 ~

有人話呢班大陸學生成績好，所以收佢地好合理，呢D言論簡直反智。香港學位當然應該優先照顧香港人，香港每年先得14,000個大學學位，咁唔通要全港A-Level學生同全中國幾百萬高考生一齊爭呢萬幾個位先叫合理？

如果香港各間大學收晒所有A-Level符合最低入學資格嘅考生，之後有位剩先收外來學生，咁樣都仲OK。但有咩理由一方面香港學生無書讀，另一方面又收外來生，仲要香港納稅人貼錢俾佢地來香港讀書？

仲有，好多大學以為引入外來生 = 國際化，點知引埋晒大班大陸學生同大陸教職員，根本就係將香港大學大陸化。

價廉物美？不一定。

我間公司有一批MT係大陸留港學生，無錯成績好勁，但做事懶到出汁，日日遲到15分鐘，夠鐘就準時走人，有Deadline又唔尊重，賴晒野之後又要本地同事開OT同佢地執手尾。「大陸學生勤力上進」根本係都市神話，講做事醒目、拼搏、integrity，香港嘅本地大學生好得多。

對於顧主嚟講以上工作失誤講唔係咩大問題
最大問題係要開MT位，請嚟都唔知做乜好；呢一個要出糧卻不會長做的過客員工。
顧主角度，MT位就請個廉價勞工做下assistant算數吧，公司主力仍然係 permanent 的本地員工。

呢個問題同內地孕婦來港產子一樣，此風不可長，但已長

原帖由 PB602 於 2011-7-4 01:09 發表
仲有，好多大學以為引入外來生 = 國際化，點知引埋晒大班大陸學生同大陸教職員，根本就係將香港大學大陸化。

難得香港眾間膠等學府以此為榮, 佢地自稱咁做可以爭取更高既國際排名
呢類自欺欺人既行動, 做得最揚最核突既, 首選坐落狗窿塘既神大

原帖由 superbus 於 2011-7-4 10:23 發表
難得香港眾間膠等學府以此為榮, 佢地自稱咁做可以爭取更高既國際排名
呢類自欺欺人既行動, 做得最揚最核突既, 首選坐落狗窿塘既神大

另外嗰間自詡亞洲第一的大學都不惶多讓
係咁搵大陸/南亞學生返來, 踢走本地生, 砌數砌個排名返來

其實最大的問題有D站友都講左, 就是各大學為左爭取更高既國際排名,
大家都太過忽視本地人, 包括收學生, 定請教職員, 或研究人員..

好聽d就話有競爭先有進步, 但其實爭取更高既國際排名只是一場反智,
破壞大學傳統, 無意思的競爭...

請一班專出文的大陸人去係咁鬥出文出, 去拎排名, 根本係無實際進步...

而且, 近年所收到的大陸學生, 已經唔係特別叻, 亦有唔少只是借香港
做往美國等地的跳板, 根本無心係香港讀....

當然, 我唔想一竹犒打一船人, 當然有d內地學生係好