85度C伙大家樂進軍香港!

引入85 度C 大家樂夥過江龍挑戰星巴克 香港地有唔少人愛飲咖啡，星巴克就香港開到成行成市。今次又多個「過江龍」來港，佢就係來自台灣、一度以平價咖啡、蛋糕掀起一陣旋風的85 度C。不過，今次佢夥拍「地頭蟲」大家樂（341），計劃未來三年，以85 度C 品牌開設25 間麵包、蛋糕及咖啡消閒店，首間店舖最快9 月開業。 合資經營三年料開25 間大家樂主席陳裕光話，今次同85 度C 合資開店，各出1500 萬元，成立合資公司，每間店舖投資約200萬元。佢認為，本港的麵包蛋糕市場仍有很大空間，問到大家樂以「奶茶」聞名，為何不獨自進軍呢個市場？ 佢笑笑口話，85 度C 的烘焙麵包技術高超，味道一流，故同佢合作係「雙強組合」，又話咖啡及食品價格仲未有定價。不過，一定會較星巴克「平民化」。 85 度C 內地很流行，上海、北京及深圳等地共有205 間，而且店舖門口成日大排長龍買咖啡麵包。 85 度C 董事長吳政學話，今次來港開店，麵包的質素同內地店舖所賣的麵包質素有所不同，香港的麵粉柔軟些，烘焙出來的麵包會特別好味，仲叫大家開業時記住試，真係識做生意。 凌通zero＠hkej.com

唔知第一間會開係邊呢?

的確係一件好事, 引入競爭令消費者受惠

[ 本帖最後由 cowbman 於 2011-7-6 12:55 編輯 ]

不過如果大家樂有份合資既話，應該都唔會平民化得去邊
咁多d 競爭都唔係話壞事黎既

多一個競爭對手係好事 問題係本地合作伙伴俾本地人0既印象唔多掂...

睇下佢第一間開0係邊再觀望

原帖由 NC8285 於 2011-7-6 18:44 發表

不過如果大家樂有份合資既話，應該都唔會平民化得去邊
咁多d 競爭都唔係話壞事黎既

俾得大家樂做，我諗佢個價位應該同 McCafe 差唔多。

只求佢 D 咖啡0既質素，唔好跟麥記一樣咁差已經好開心。

可能我冇咩品味... 我係深圳(金光華外面)飲過一次85度C (唔係老番58度C...)
感覺咖啡冇咩特別, 不過D面包多D花款

喺深圳都飲過58度C
感覺中規中矩,品質都可以啦
引入香港始終係好事,點計都多個選擇

原帖由 JX9097 於 2011-7-7 19:10 發表
喺深圳都飲過58度C
感覺中規中矩,品質都可以啦
引入香港始終係好事,點計都多個選擇

58係大陸山寨台茶...
85先係正宗,而且同時賣面包蛋糕的