美心MX, 大家樂, 大快活之中邊間最好?

美心MX，個人覺得三間之中質素最好同最平
大家樂就最貴，但質素又唔係好，d 野份量又少，大快活
就中間啦，不過不失，但始終都唔係平 . . .

原帖由 NC8285 於 2011-7-9 00:59 發表
美心MX，個人覺得三間之中質素最好同最平
大家樂就最貴，但質素又唔係好，d 野份量又少，大快活
就中間啦，不過不失，但始終都唔係平 . . . ...

美心加左價貴左好多
以前茶市一個豉油皇雞批瀨粉
一個餐+野飲$19
用coupon重平多$2
上幾個月就cut左個餐
淨叫個瀨粉已經要$16一碗
最近重加到$17

我以前小學生時代，不識好歹，覺得大快活最好。
(原因︰
近屋企，近學校，去得最多
學生餐成個焗飯$16有紅豆冰)

中學年代，可能又係因為近學校同埋$18送特飲，都揀佢。
反而當時既年代覺得大家樂D汽水難飲到嘔，有陰影，一直不敢去。(細個既時候淨係識揀汽水飲，唔係阿媽有次O係我病病地時候講下都唔知有熱阿華田，宜家大快活冇啦...)

之前$29.5一SET午餐，有沙律，有飯，有湯，有凍飲，大快活同大家樂都有出，但較喜歡大家樂的。


唔知點解宜家可能都係太費，有時會揀美心MX，突有平野既..
但去得最多反而會係麥當勞，但已經唔會食薯條，嗌$20餐點都加$3.5轉沙律/粟米.....

個人覺得三間沒有大分別，都係睇分店本身的出品質素
但若果以三間中最佳質素的分店去計，個人覺得大快活最好食

說實話，我覺得大家樂同美心0既質素差唔多，不過美心
就無大家樂咁衰，加價之餘仲要份量大縮水。 （到而
家都仲好記得0個個「KING size」雞扒早餐...... ）

至於大快活......算把啦，佢0既質素真係唔多掂。

但杏花村間美心D野食.. 真係好難食..
但無第二個選擇..
係憑員工證買飯有汽水送..

原帖由 lsc04d11 於 2011-7-9 07:07 發表
我以前小學生時代，不識好歹，覺得大快活最好。
(原因︰
近屋企，近學校，去得最多
學生餐成個焗飯$16有紅豆冰)

中學年代，可能又係因為近學校同埋$18送特飲，都揀佢。
反而當時既年代覺得大家樂D汽水難飲到嘔，有陰影，一直不敢去。( ...

大快活最深印象係當年讀觀塘TI(即現在IVE)時, $12有碟飯, 滾水任飲, 而大家樂就係讀OU時, 學生價減一蚊再85折, 同埋$0.8轉凍飲.

大家樂以前係用維他汽水的(如無記錯, 大家樂係大快活個大佬, 而維他是兩者的老豆, 係一家人黎的, 個大仔用番老豆公司的產品, 反而細仔大快活一開始就用其他品牌-最初好似用百事, 後來改用可口可樂), 現在維他似乎沒再出汽水(買到請講), 大家樂都轉埋用可口可樂.

三大快餐店只可用一個字形容: 貴, 我頭先個大快活早餐, 魚柳腸仔配火腿公仔麵熱奶茶要$28......

個人最不喜愛大家樂, 質素參差(食過最難食係逸東分店), 茶餐又細份, 反而大快活同美心MX都覺得OK.

[ 本帖最後由 gordon 於 2011-7-16 09:00 編輯 ]

我比較鍾意大快活~~

論燒味，在三間中以美心最好食，而且美心的質素的確不俗！

不過係唔明點解三四號碼頭既美心啲嘢係特別難食，
而家入到四仔食晏一定會去地下禁區入面既漢莎度食，
環境又靚，食物質素又好，最緊要係價錢平，一個餐包汽水加湯加糖水，三十元一定有找！

[ 本帖最後由 nickk 於 2011-7-17 22:48 編輯 ]