澳門陸上交通真係幾不足....

澳門雖然地方細細, 但現在去澳門, 最大的問題真係交通...尤其假期....
首先, 的士好唔夠, 好多旅遊區, 如旅遊塔, 一d賭場, 出面的士站搵部
的士都無...而且5人的士唔多, 5個人, 想坐的士都幾難.....不過昨日見
到, 好似已經多左d5-6人的大部的士.....希望盡快改善...

至於巴士, 澳門路窄, 巴士唔可以太大部....路面亦算唔少巴士, 不過
可惜人太多, D人又係咁迫人上去...好似坐10號...迫到車都落唔到,
我坐車頭, D人迫到坐埋上扶手....@@ 我要爬過欄杆先下到車, 比
起香港, 香港巴士點迫都唔算好勁了....

澳門市區道路, 亦算非常飽和, 我想唯一解決方法係起鐵路了, 希望
佢盡快考慮...

POST 幾張大巴相..






呢款車應該叫最大? 有多數部 是否算新? THX

原帖由 3ASV196 於 2006-2-3 12:37 發表
澳門雖然地方細細, 但現在去澳門, 最大的問題真係交通...尤其假期....
首先, 的士好唔夠, 好多旅遊區, 如旅遊塔, 一d賭場, 出面的士站搵部
的士都無...而且5人的士唔多, 5個人, 想坐的士都幾難.....不過昨日見
到, 好似已經多左d5-6人的大部的士.....希望盡快改善...

至於巴士, 澳門路窄, 巴士唔可以太大部....路面亦算唔少巴士, 不過
可惜人太多, D人又係咁迫人上去...好似坐10號...迫到車都落唔到,
我坐車頭, D人迫到坐埋上扶手....@@ 我要爬過欄杆先下到車, 比
起香港, 香港巴士點迫都唔算好勁了....

澳門市區道路, 亦算非常飽和, 我想唯一解決方法係起鐵路了, 希望
佢盡快考慮...

澳門的士最多只載5人咋, 初三早上所見, 新港澳碼頭都有不少的士,
但金沙、葡京、置地只有好少的士了

冇辦法了, 巴士公司人手不足、道路限制使巴士經常頂閘..
我年初三十一時多, 坐22日產小巴, 係新葡京滿座(引擎蓋企了3個人)過(乙水)仔

原帖由 guia 於 2006-2-3 13:39 發表


澳門的士最多只載5人咋, 初三早上所見, 新港澳碼頭都有不少的士,

已經有6座位的士(Benz Vito)..

原本新福利話買雙層巴士, 最後無左件事...
澳門政府曾研究過起架空輕鐵, 但已經擱置.

原帖由 ctb969 於 2006-2-3 13:55 發表


已經有6座位的士(Benz Vito)..

弊在全澳門得兩部呢……再加埋兩部現代六人的，想坐到六人的最好都係
call 的台（應該話想打的先0岩）。

五人的好少少，有十幾部，初三亦都好好彩咁搭到其中一部，一上車就同
個師傅研究六人的（如果唔係都唔知五、六人的咁少）。

確實，唔只大的唔夠，其實連普通的都供不應求，尤其係夜晚，除咗電召
黃的外，大部份的士都走晒去金沙。皇朝廣場0個帶巴士已經唔多，一走
0左班車就即刻出現搶的情況，真係街頭行到街尾都截唔到的士咁滯！新
馬路都唔好得去邊，真係想截到部的士，冇三、四個字都唔使諗。

原帖由 guia 於 2006-2-3 13:39 發表
冇辦法了, 巴士公司人手不足、道路限制使巴士經常頂閘..
我年初三十一時多, 坐22日產小巴, 係新葡京 ...

人手不足可以請人，但係道路限制個問題就棘手好多。單計新
馬路，由媽祖廟去議事庭前地明明係五分鐘車程，不過條條線
都要0係議事庭個站停車上客，條路又窄又有對頭車搞到其他車
爬唔到頭，結果呢五分鐘0既車程就要塞成廿分鐘！

或者新馬路改0左單程路，都可以治到標0既。

而家諗諗0下何厚鏵想搞條鐵路都唔係咁易，如果搞個好似屯門
輕鐵咁0既系統，一定火上加油；起地底會有可能影響0個堆陳年
舊樓0既結構，拆樓就更加唔使諗啦，世界遺產喎！起架空又係
有礙觀瞻，間接破壞澳門景觀。如果起0係新區，咁又唔近主要
客源，變相做0左西鐵翻版。

唔怪得澳門政府最後都放棄起鐵路 lu。

P.S.：其實澳門0既通宵交通都極度不足，與其靠晒的士，不如開
多條通宵巴好過，反正唔擔心冇客搭。

原帖由 sa 於 2006-2-3 19:50 發表

弊在全澳門得兩部呢……再加埋兩部現代六人的，想坐到六人的最好都係
call 的台（應該話想打乜的都好，都 call 的台先0岩）。

五人的好少少，有十幾部，初三亦都好好彩咁搭到其中一部，一上車就同
個師傅研究六人的（如果唔係都 ...

琴日1110到左港澳碼頭(同我阿媽同埋妹妹)
諗住等的士去葡萄牙領事館
見到等的士的人龍超長
攪到要搭12去
但12超兜

原帖由 sa 於 2006-2-3 20:15 發表

人手不足可以請人，但係道路限制個問題就棘手好多。單計新
馬路，由媽祖廟去議事庭前地明明係五分鐘車程，不過條條線
都要0係議事庭個站停車上客，條路又窄又有對頭車搞到其他車
爬唔到頭，結果呢五分鐘0既車 ...

不過唔起鐵路....真係無晒附.....新馬路本身太窄, 又無紅綠燈,
車又多人又多, 下下都亂晒..昨日下午先見到有警察做人肉交通
燈, 另外其實好多時, 好多人係澳門都唔守規矩....好似旅遊塔的
士站係入左去, 但有人可以係出面巴士站上的士....唔公平出現,
而巴士一迫人, 好多人就後門上車.....唔俾$$$.....只見一篇混亂...

再咁唔改善, 只會影響澳門形象.....我覺得一定要取平衡..起鐵路
是需要, 一係禁止其他車進入部分區域, 好似大橋咁..

[ 本帖最後由 3ASV196 於 2006-2-3 21:13 編輯 ]

原帖由 3ASV196 於 2006-2-3 21:11 發表
再咁唔改善, 只會影響澳門形象.....我覺得一定要取平衡..起鐵路
是需要, 一係禁止其他車進入部分區域, 好似大橋咁..

禁0左啦，大橋兩邊都起緊路，只准公家車行，重有塊牌楝0係葡京出面，
不過有唔少私家車偷雞行咋嘛。

路又窄，樓又冇得拆，周街又多遊客，何厚鏵都係冇晒辦法！剩係見到部
巴士0係新馬路猛咁上客，後面條巴士車龍拖到去李錦記0個度就知頭痕。
真係唔知想多幾部巴士載好，定係少幾部巴士塞好！