94號巴班次疏累客暴曬

94只係一條郊區線，沿途其實只係多訓練營/渡假營/行山路徑(淨睇站名都已經睇到)，
多數都係呢d客一下子打爆架車(或者上/下層其中一層)。如果無晒呢堆o野，
開單層都得。沿路住宅已經少之又少，加上d居民本身已經有車，94無必要開咁密。

如果係平日計，94只係車疏d姐，條線沿路已經少車，又無交通燈(?)，比起市區線，
班次已經穩定好多。我o係黃石釣完魚，真係可以就返乳豬紙上所寫的時間等車。

假日計，仲有96R幫手(雖然幫唔到幾多)，而且94本身都會有加班車，
我就試過兩班由西貢開出的94，相距不足5分鐘，因為前車上o左幾team人，
一下子就打爆o左架車，但條龍仲有幾十人等緊。

我諗投訴者可能於平日等車，咁唔好彩有班營友KO o左班94，但呢d野九巴邊估到丫？
不過走o左班94都幾甘，等好耐之餘，真係要日曬雨淋。
(我記憶所及，只有麥邊/大網仔站才有上蓋)

如果平日94都要搵車係西貢stand by..
九巴都幾重本..

原帖由 Snoopy@FB8617 於 2011-7-17 10:23 發表
平日來講係冇加班車既情況下
的確94係比較麻煩

例如一時有一D訓練營咁
一下係西貢已經打爆架車

而同時間,94都好容易變左條循環線咁
過鐘都好平常 ...

其實某d班次的94的確比較爆, 舊年九月尾的星期五搭過(1000班車)一次…
總站都要企人上。

同埋佢的時間係有理由的, 因為遷就黃石碼頭街渡船期

平日打得爆我諗係暑假個陣先會係甘既姐

所以城巴都幾重力宣傳佢有巴士出租..叫佢入西貢都OK！！
如果一班人未夠大，都仲可以租單層..哈..！

原帖由 Snoopy@FB8617 於 2011-7-17 12:13 發表
相反94就真係緊得好緊要
係唔係應該要搞返好耐以前咁共用車源比較好呢?

其實 94 時間緊都只係 35 分鐘一班既時段

平日 30 分鐘既時段, 除左 JY7839 同 KA9676 之外
仲有一架 92  (通常都係 HA8712) 黎行 94
即係夾埋三架車一齊行
果陣係 90 分鐘一轉車既
緊極有限

94 以平日計, 除非突然多人上落, 30 分鐘一定行得完, 通常都係 25-28 分鐘, 最快試過 21 分鐘
反而假日幾乎站站停就多數要行約 35 分鐘

原帖由 kiwai 於 2011-7-17 08:53 發表
呢條線已經出晒名調動靈活喇喎, 都仲有人投訴?
唔通當日係替更站長做?

替更站長應該都唔會出問題
通常星期六、日 D 加班車一早定晒搵邊幾條線邊個字軌做

反而平日如果突然多人
尤其係如果由黃石出黎，於中途打爆左
其實好多時九巴真係唔知，就算當值既係邊個站長都冇用公道講句

於呢個情況其實唔怪得九巴

其實要解決呢個問題
可唔可以容許車長
當架車爆棚，由司機打去總站求救？

尤其 30 分鐘一班 (90 分鐘一轉車) 時段其實較易處理

泊多一部車係度,92,94同99是旦一部做唔到OR多人即拉去做都無妨,ESP,暑假時段,OR壞車都可以即刻補到,等廠拉部入黎真係天光都未到...
成本高?其實嶼巴係東涌邊條線多人都好快加到車..
不過佢而家唔夠人就真係廢事LA..

原帖由 chiukit2001 於 2011-7-17 15:49 發表
泊多一部車係度,92,94同99是旦一部做唔到OR多人即拉去做都無妨,ESP,暑假時段,OR壞車都可以即刻補到,等廠拉部入黎真係天光都未到...
成本高?其實嶼巴係東涌邊條線多人都好快加到車..
不過佢而家唔夠人就真係廢事LA..

咁如果無客.. 咪晒左一架車? 有邊間商業機構會咁做?

嶼巴D打仗車好多都本身做緊機場shuttle.. 成件事都唔同.. 邊有得比?

乘客投訴去報紙都冇用,
等極都冇咪打去九巴熱線, 九記都唔反應的話就真係抵打喇

我就覺得不如94個站寫埋西貢站頭電話, 當有好多人上唔多車時都可以即刻聯絡站頭調配